Жоқарғы Кеңес Баслығының тапсырмасы менен Нөкис районындағы қурылыс жумыслары белгиленген мүддетлерде жуўмақланбақта
1253
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis rayonınıń social-ekonomikalıq jaǵdayı, rayon xalqınıń abadan turmısın támiyinlew baǵdarındaǵı jumıslarda artta qalıwlardı sınǵa alıp, mámleketlik baǵdarlamalardıń orınlanıwın támiyinlew hám berilgen tapsırmalardı qadaǵalap barıw ushın Joqarǵı Keńestiń Nızamlılıq, sud-huqıq hám korrupciyaǵa qarsı gúresiw máseleleri boyınsha komiteti baslıǵı Z.Reymovanı Nókis rayonına juwapker etip bekitken edi.
Joqarǵı Keńes Baslıǵı tárepinen berilgen tapsırmalardıń orınlanıwın támiyinlew maqsetinde Z.Reymova tárepinen bir qansha jumıslar alıp barıldı.
Máselen, «Samanbay» awıl puqaralar jıyını aymaǵındaǵı 19-sanlı mektepke 240 orınǵa mólsherlengen qosımsha imarat qurıw jumısları ámelge asırılıwı belgilengen bolıp, qadaǵalawlar nátiyjesinde mektep imaratınıń qurılısı házirgi waqıtta tolıq juwmaqlanıw aldında hám mektepke kerekli inventarlar alıp kelingen. Qısqa waqıt ishinde mekteptiń jańa qosımsha imaratı paydalanıwǵa tapsırılıw aldında tur.
Sonıda atap ótiw orınlı, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis rayonına bolǵan saparı dawamında rayondaǵı qurılıs jumıslarınıń múddetinen artta qalıp atırǵanlıǵın qatań sınǵan alıp, taraw juwapkerleri eskertilgen edi.
Qaraqalpaqstan Respublikası Joqarǵı Keńesiniń Málimleme xızmeti