Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ámiwdárya rayonında boldı
6301
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ámiwdárya rayonınıń social-ekonomikalıq jaǵdayı hám xalıqtıń turmıs sharayatın jaqsılaw baǵdarında ámelge asırılıp atırǵan jumıslar menen tanısıw maqsetinde rayonda boldı.
Dáslep Joqarǵı Keńes Baslıǵı rayondaǵı qurılıs jumısları belgilengen grafikten artta qalıp atırǵan 27-sanlı mektep imaratı hám 33-sanlı mektepke shekemgi bilimlendiriw shólkemi menen jaqınnan tanıstı. Óz náwbetinde Joqarǵı Keńes Baslıǵı 400 orınlı mektep imaratı qurılısı óz waqtında juwmaqlanǵanda oqıwshılar jıllı mektepte oqıw múmkinshiligine iye bolıwı, baqsha qurılısında bolsa qurılısshı ózine bildirilgen isenimge nemquraydılıq penen qaramay belgilengen grafikte qurılıstı tapsırǵanında 50 den aslam bala mektepke shekemgi bilimlendiriw shólkemine qamtıp alınatuǵınlıǵın atap ótip, bul boyınsha tiyisli taraw wákillerine qatań tapsırmalar belgilep berdi hám eń baslısı qurılıs jumısların sapalı túrde juwmaqlaw boyınsha wazıypalar berildi.
Bunnan soń, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ámiwdárya rayonınıń belsendileri, mákeme basshıları, sonday-aq, barlıq ministrlik, basqarma hám shólkem basshıları qatnasıwında májilis ótkerdi.
Ótkerilgen májiliste rayon xalqınıń kúndelikli turmısında ushırasıp atırǵan mashqalalarǵa sheshim tabıw, olardıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım taraw basshıları tárepinen jol qoyılıp atırǵan kemshilikler haqqında sóz etildi.
Sın kóz qarasta ótkerilgen májiliste atap ótilgenindey, kópshilik orınlarda hámde ayırım tarawlarda bir qatar kemshilikler ushıraspaqta.
Haqıyqatında da, byudjetten ajıratılǵan qarjılar boyınsha finanslıq qáte-kemshiliklerge jol qoyılıp, maqsetsiz jumsalıw jaǵdayları da ushırasıp atırǵanlıǵı sır emes.
Úyreniwler dawamında Ámiwdárya rayonında bunday bir qansha nızambuzıwshılıqları anıqlanǵan.
Sonnan, qurılıs jumıslarında orınlanbaǵan jumıslar ushın esabatlarǵa qosıp jazıwlar, byudjet qarjıların talan-taraj etiw, mámleket tárepinen ajıratılǵan jeńilletilgen kreditlerdiń maqsetli jumsalıwı boyınsha da qáte-kemshilikler, jalǵan hújjet tayarlap, kredit qarjıların ózlestirip jiberiw, rayondaǵı bankler tárepinen qılınǵan túrli finanslıq oyınlar, pullardı naqlastırıp ózlestirip jiberiw jaǵdayları ushırasıp atırǵanlıǵı qatań sınǵa alındı hám tiyisli taraw wákillerine bul unamsız jaǵdaylardı saplastırıw ilajların kóriw tapsırıldı.
Sonday-aq, puqaralar múrájatları menen islesiwde de tómen kórsetkishler bar ekenligi, tiykarınan aymaq turǵınları sociallıq qollap-quwatlaw, kommunallıq xızmet, turaq-jay menen támiyinlew, ishki jollardı ońlaw hám gaz támiynatı menen baylanıslı múrájat etkenligi hám basım kópshiligi óz sheshimin tappay atırǵanlıǵı atap ótildi.
Sonıń menen birge, bilimlendiriw, jaslar menen islesiw, transport xızmeti, mámleketlik baǵdarlamalardıń orınlanıwı, ónimlerdi eksportqa shıǵarıw hám basqa da baǵdarlarda artta qalıwlar bar ekenligi atap ótilip, taraw basshılarına saplastırıw ilajların kóriw boyınsha tapsırmalar berildi.
Májilis sońında Joqarǵı Keńes Baslıǵı tárepinen bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 20 mlrd. 855,3 mln.swmlıq qarjı ajıratılatuǵınlıǵı atap ótildi.
Ótkerilgen májiliste rayon xalqınıń kúndelikli turmısında ushırasıp atırǵan mashqalalarǵa sheshim tabıw, olardıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım taraw basshıları tárepinen jol qoyılıp atırǵan kemshilikler haqqında sóz etildi.
Sın kóz qarasta ótkerilgen májiliste atap ótilgenindey, kópshilik orınlarda hámde ayırım tarawlarda bir qatar kemshilikler ushıraspaqta.
Haqıyqatında da, byudjetten ajıratılǵan qarjılar boyınsha finanslıq qáte-kemshiliklerge jol qoyılıp, maqsetsiz jumsalıw jaǵdayları da ushırasıp atırǵanlıǵı sır emes.
Úyreniwler dawamında Ámiwdárya rayonında bunday bir qansha nızambuzıwshılıqları anıqlanǵan.
Sonnan, qurılıs jumıslarında orınlanbaǵan jumıslar ushın esabatlarǵa qosıp jazıwlar, byudjet qarjıların talan-taraj etiw, mámleket tárepinen ajıratılǵan jeńilletilgen kreditlerdiń maqsetli jumsalıwı boyınsha da qáte-kemshilikler, jalǵan hújjet tayarlap, kredit qarjıların ózlestirip jiberiw, rayondaǵı bankler tárepinen qılınǵan túrli finanslıq oyınlar, pullardı naqlastırıp ózlestirip jiberiw jaǵdayları ushırasıp atırǵanlıǵı qatań sınǵa alındı hám tiyisli taraw wákillerine bul unamsız jaǵdaylardı saplastırıw ilajların kóriw tapsırıldı.
Qaraqalpaqstan Respublikası Joqarǵı Keńesiniń Málimleme xızmeti