Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qońırat rayonında boldı
3634
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qońırat rayonınıń sociallıq-ekonomikalıq jaǵdayı hám xalıqtıń turmıs sharayatın jaqsılaw baǵdarında ámelge asırılıp atırǵan jumıslar menen tanısıw maqsetinde rayonda boldı.
Dáslep Joqarǵı Keńes Baslıǵı rayon aymaǵındaǵı Bostan máhállesinde jaylasqan qurılıs jumısları belgilengen grafikten artta qalıp atırǵan Qońırat rayonı balalar hám jas óspirimler sport mektebin barıp kórdi. Joqarǵı Keńes Baslıǵı sport mektebi qurılısı óz waqtında juwmaqlanǵanda 5 jónelis boyınsha balalar sport penen shuǵıllanıw múmkinshiligine iye bolıwı múmkinligin atap ótip, bul boyınsha tiyisli taraw wákillerine qatań tapsırmalar belgilep berdi hám eń baslısı qurılıs jumısların sapalı túrde juwmaqlaw boyınsha wazıypalar berildi.
Bunnan soń, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qońırat rayonınıń belsendileri, sonday-aq, barlıq ministrlik, basqarma, shólkem hám rayonlıq mákeme basshıları qatnasıwında májilis ótkerdi.
Ótkerilgen májiliste rayon xalqınıń kúndelikli turmısında ushırasıp atırǵan mashqalalarǵa sheshim tabıw, olardıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım taraw basshıları tárepinen jol qoyılıp atırǵan qáte-kemshilikler haqqında sóz etildi.
Qońırat rayonında ayırım tarawlar sonıń ishinde qurılıs baǵdarında bir qansha qáte-kemshiliklerge jol qoyılǵan. Atap aytqanda, rayondaǵı Sanaat hám Jayxun kóshelerin abadanlastırıw, piyadalar hám velosiped jolları qurılısı, “Qıpshaq” máhállesindegi 24-sanlı mekteptiń rekonstrukciya jumısları, usı puqaralar jıyınında jańadan balalar baqshası imaratın qurıw sıyaqlı bir qatar qurılıslarda orınlanbaǵan jumıslarǵa qosıp jazıwlarǵa jol qoyılǵan.
Sonday-aq, ayırım hákim járdemshileri tárepinen puqaralardıń bántligin támiyinlew, olardıń óz isbilermenligin jolǵa qoyıwı ushın ajıratılatuǵın jeńilletilgen kredit qarjıların maqsetsiz jumsap jiberiw jaǵdayları anıqlanǵan.
Joqarǵı Keńes Baslıǵı bul nızam buzıwshılıqlardı qatań sınǵa aldı.
Májliste rayon hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı óz wazıypasın atqarıwdaǵı kemshilikler ushın iyelep turǵan lawazımınan azat etildi, rayon hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarına intizamiy jaza sharasın qollaw boyınsha tapsırma berildi. Sonıń menen birge, 22 hákim járdemshisiniń jumıslarındaǵı kemshiliklerdi hár tárepleme úyrenip, huqıqıy baha beriw boyınsha Respublika prokuraturasına tapsırmalar berildi.
Sonday-aq, rayonda byudjet qarjıların talan-taraj etiw, bankler tárepinen finanslıq oyınlarǵa jol qoyıw, bir qatar támiynatshılar tárepinen jeńilletilgen kredit qarjıların óz mápi ushın naqlastırıp jumsap jiberiw, mámleketlik baǵdarlamalar sheńberindegi jumıslardı talap dárejesinde alıp barmaw, ishimlik suw, gaz, elektr támiynatı, transport xızmeti sıyaqlı bir qatar tarawlar qatań sınǵa alındı. Sonıń menen birge, puqaralar múrájatları menen islesiw de talap dárejesinde emesligi atap ótildi.
Májiliste isshi topar tárepinen úyrenilgen rayondaǵı mámleketlik hám shańaraqlıq baqshalar jumıslarına da toqtap ótildi.
Sonnan, 27-sanlı mámleketlik balalar baqshasında gósh, sút, un sıyaqlı ónimler ólshemi az ekenligi, asxana sanitariyalıq qaǵıyda hám normalarǵa juwap bermesligi, túslik awqatqa salınıwı belgilengen gósh ónimi normadan eki ese kem ekenligi, sonıń menen birge, “Nawayı” mákan puqaralar jıyınında jaylasqan 25-sanlı balalar baqshasında sanitariyalıq tazalıq jumısları sapasız ekenligi, rayondaǵı “Yunderkaynds in Kungrad”, “Uorld Disney”, “Zolotaya rıbka”, “Pley rum”, “Disney”, “Ostrov mechti”, “Strana volshebnaya”, “Xappi beybi Kungrad”, “Kungrad flamingo”, “Baxtli bolalik” sıyaqlı bir qatar shańaraqlıq baqshalarda órt qáwipsizligi qaǵıydaları saqlanbaǵanlıǵı sınǵa alınıp, Joqarǵı Keńes Baslıǵı eń ishinde balalardıń nesiybesi bolǵan azıq-awqat ónimleri jep jiberilip atırǵanlıǵı oǵada ashınarlı jaǵday ekenligin tilge aldı hám baqsha baslıqlarına qatań shara kóriw boyınsha tiyisli uyımlarǵa tapsırmalar berdi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev máhálleler infrastrukturasın jánede jaqsılaw maqsetinde húrmetli Prezidentimizdiń arnawlı qararı tiykarında tastıyıqlanǵan mánzilli baǵdarlamaǵa toqtalıp ótti.
Bul baǵdarlama boyınsha Qaraqalpaqstanda 2022-2023-jıllarda 252 máhállede jámi 259 obektte qurılıs-ońlaw jumısları ushın 293,7 mlrd.swmlıq qarjılar ajıratılmaqta. Sonıń ishinde, tek ǵana Qońırat rayonı boyınsha 25 joybarda 28 mlrd. 109 mln.swmlıq rekonstrukciyalaw, qurılıs-ońlaw hám suw tarmaqların tartıw jumısları ámelge asırıladı.
Atap aytqanda, rayondaǵı 15 máhállede 22 mlrd. 139 mln swmlıq 61,3 kilometrlik ishki jollardı rekonstrukciyalaw jumısları alıp barıladı.
“Taraqlı” hám “Monshaqlı” puqaralar jıyınları aymaǵında jámi 600 mln.swmlıq 2,4 kilometrlik ishimlik suw tarmaqların jańadan qurıw hám rekonstrukciyalaw jumısları, “Jaslıq” posyolkası hám “Temir jol” máhállesinde 350 mln swmlıq 2 dana transformatordı jańadan qurıw hám kapital ońlaw jumısları alıp barılıp, “Qırıqqız” posyolka puqaralar jıyını administrativlik imaratı jańadan qurılatuǵınlıǵı atap ótildi.
Májiliste bir qatar taraw basshıları hám tiyisli uyımlarǵa rayon aymaǵında qatań qadaǵalaw júrgiziw, zárúr jaǵdayda qáte-kemshiliklerge jol qoyǵan lawazımlı shaxslarǵa juwapkershilik belgilew boyınsha tapsırma berdi hám bul jumıslardı nátiyjeli shólkemlestiriw, tapsırmalardı qadaǵalap barıw maqsetinde Joqarǵı Keńes Baslıǵınıń keńesgóyi B.Ajiniyazovtı Qońırat rayonına bekitti.
Májilis sońında Qaraqalpaqstan Respublikası Joqarǵı Keńesiniń Baslıǵı Amanbay Orınbaev bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 15,7 mlrd. swmlıq qarjı ajıratılatuǵınlıǵın atap ótti.
Ótkerilgen májiliste rayon xalqınıń kúndelikli turmısında ushırasıp atırǵan mashqalalarǵa sheshim tabıw, olardıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım taraw basshıları tárepinen jol qoyılıp atırǵan qáte-kemshilikler haqqında sóz etildi.
Qońırat rayonında ayırım tarawlar sonıń ishinde qurılıs baǵdarında bir qansha qáte-kemshiliklerge jol qoyılǵan. Atap aytqanda, rayondaǵı Sanaat hám Jayxun kóshelerin abadanlastırıw, piyadalar hám velosiped jolları qurılısı, “Qıpshaq” máhállesindegi 24-sanlı mekteptiń rekonstrukciya jumısları, usı puqaralar jıyınında jańadan balalar baqshası imaratın qurıw sıyaqlı bir qatar qurılıslarda orınlanbaǵan jumıslarǵa qosıp jazıwlarǵa jol qoyılǵan.
Sonday-aq, ayırım hákim járdemshileri tárepinen puqaralardıń bántligin támiyinlew, olardıń óz isbilermenligin jolǵa qoyıwı ushın ajıratılatuǵın jeńilletilgen kredit qarjıların maqsetsiz jumsap jiberiw jaǵdayları anıqlanǵan.
Joqarǵı Keńes Baslıǵı bul nızam buzıwshılıqlardı qatań sınǵa aldı.
Májliste rayon hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı óz wazıypasın atqarıwdaǵı kemshilikler ushın iyelep turǵan lawazımınan azat etildi, rayon hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarına intizamiy jaza sharasın qollaw boyınsha tapsırma berildi. Sonıń menen birge, 22 hákim járdemshisiniń jumıslarındaǵı kemshiliklerdi hár tárepleme úyrenip, huqıqıy baha beriw boyınsha Respublika prokuraturasına tapsırmalar berildi.
Sonday-aq, rayonda byudjet qarjıların talan-taraj etiw, bankler tárepinen finanslıq oyınlarǵa jol qoyıw, bir qatar támiynatshılar tárepinen jeńilletilgen kredit qarjıların óz mápi ushın naqlastırıp jumsap jiberiw, mámleketlik baǵdarlamalar sheńberindegi jumıslardı talap dárejesinde alıp barmaw, ishimlik suw, gaz, elektr támiynatı, transport xızmeti sıyaqlı bir qatar tarawlar qatań sınǵa alındı. Sonıń menen birge, puqaralar múrájatları menen islesiw de talap dárejesinde emesligi atap ótildi.
Májiliste isshi topar tárepinen úyrenilgen rayondaǵı mámleketlik hám shańaraqlıq baqshalar jumıslarına da toqtap ótildi.
Sonnan, 27-sanlı mámleketlik balalar baqshasında gósh, sút, un sıyaqlı ónimler ólshemi az ekenligi, asxana sanitariyalıq qaǵıyda hám normalarǵa juwap bermesligi, túslik awqatqa salınıwı belgilengen gósh ónimi normadan eki ese kem ekenligi, sonıń menen birge, “Nawayı” mákan puqaralar jıyınında jaylasqan 25-sanlı balalar baqshasında sanitariyalıq tazalıq jumısları sapasız ekenligi, rayondaǵı “Yunderkaynds in Kungrad”, “Uorld Disney”, “Zolotaya rıbka”, “Pley rum”, “Disney”, “Ostrov mechti”, “Strana volshebnaya”, “Xappi beybi Kungrad”, “Kungrad flamingo”, “Baxtli bolalik” sıyaqlı bir qatar shańaraqlıq baqshalarda órt qáwipsizligi qaǵıydaları saqlanbaǵanlıǵı sınǵa alınıp, Joqarǵı Keńes Baslıǵı eń ishinde balalardıń nesiybesi bolǵan azıq-awqat ónimleri jep jiberilip atırǵanlıǵı oǵada ashınarlı jaǵday ekenligin tilge aldı hám baqsha baslıqlarına qatań shara kóriw boyınsha tiyisli uyımlarǵa tapsırmalar berdi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev máhálleler infrastrukturasın jánede jaqsılaw maqsetinde húrmetli Prezidentimizdiń arnawlı qararı tiykarında tastıyıqlanǵan mánzilli baǵdarlamaǵa toqtalıp ótti.
Bul baǵdarlama boyınsha Qaraqalpaqstanda 2022-2023-jıllarda 252 máhállede jámi 259 obektte qurılıs-ońlaw jumısları ushın 293,7 mlrd.swmlıq qarjılar ajıratılmaqta. Sonıń ishinde, tek ǵana Qońırat rayonı boyınsha 25 joybarda 28 mlrd. 109 mln.swmlıq rekonstrukciyalaw, qurılıs-ońlaw hám suw tarmaqların tartıw jumısları ámelge asırıladı.
Atap aytqanda, rayondaǵı 15 máhállede 22 mlrd. 139 mln swmlıq 61,3 kilometrlik ishki jollardı rekonstrukciyalaw jumısları alıp barıladı.
“Taraqlı” hám “Monshaqlı” puqaralar jıyınları aymaǵında jámi 600 mln.swmlıq 2,4 kilometrlik ishimlik suw tarmaqların jańadan qurıw hám rekonstrukciyalaw jumısları, “Jaslıq” posyolkası hám “Temir jol” máhállesinde 350 mln swmlıq 2 dana transformatordı jańadan qurıw hám kapital ońlaw jumısları alıp barılıp, “Qırıqqız” posyolka puqaralar jıyını administrativlik imaratı jańadan qurılatuǵınlıǵı atap ótildi.
Májiliste bir qatar taraw basshıları hám tiyisli uyımlarǵa rayon aymaǵında qatań qadaǵalaw júrgiziw, zárúr jaǵdayda qáte-kemshiliklerge jol qoyǵan lawazımlı shaxslarǵa juwapkershilik belgilew boyınsha tapsırma berdi hám bul jumıslardı nátiyjeli shólkemlestiriw, tapsırmalardı qadaǵalap barıw maqsetinde Joqarǵı Keńes Baslıǵınıń keńesgóyi B.Ajiniyazovtı Qońırat rayonına bekitti.
Májilis sońında Qaraqalpaqstan Respublikası Joqarǵı Keńesiniń Baslıǵı Amanbay Orınbaev bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 15,7 mlrd. swmlıq qarjı ajıratılatuǵınlıǵın atap ótti.
Qaraqalpaqstan Respublikası Joqarǵı Keńesiniń Málimleme xızmeti