Prezident qararı menen Qaraqalpaqstan Respublikasına 293,7 mlrd.sum ajıratıldı
1463
Aymaqlardı abadanlastırıw, awıl hám máhállelerde infrastruktura menen baylanıslı eń áhmiyetli máselelerdi sistemalı saplastırıw, atap aytqanda ishki jollar, ishimlik suwı, elektr energiyası hám gaz támiynatı, bilimlendiriw, densawlıqtı saqlaw mádeniyat, sport hám basqada infrastruktura obektlerin jaqsılaw, usı tiykarda puqaralar ushın múnásip turmıs sharayatların jaratıw maqsetinde Ózbekstan Respublikası Prezidentiniń 2022-jıl 25-oktyabr sánesindegi PQ-408-sanlı “2022–2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqındaǵı”ǵı qararı qabıl etildi.
Usı qarar tiykarında Qaraqalpaqstan Respublikası ushın 293,7 mlrd.sum ajıratıldı.
Ajıratılǵan qarjı tiykarında ámelge asırılatuǵın 259 joybardıń mánzilli dizimleri Qaraqalpaqstan Respublikası Joqarǵı Keńesinde dodalanıp, tastıyıqlandı. Sonday-aq, ámelge asırılatuǵın 259 joybar haqqındaǵı maǵlıwmat máhállelerdiń kiriw orınlarına jaylastırıladı.
Qaraqalpaqstan Respublikası Joqarǵı Keńesiniń Málimleme xızmeti