Qaraqalpaqstan Respublikası Joqarǵı Keńesiniń Baslıǵı Amanbay Orınbaev Xojeli rayonında boldı
5215
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Xojeli rayonınıń sociallıq-ekonomikalıq jaǵdayı hám xalıqtıń turmıs sharayatın jaqsılaw baǵdarında ámelge asırılıp atırǵan jumıslar menen tanısıw maqsetinde rayonda boldı.
Dáslep Joqarǵı Keńes Baslıǵı “Samankól” máhállesindegi qurılıs jumısları juwmaqlanbaǵan Aybek shańaraqlıq shıpakerlik punkti imaratınıń rekonstrukciyalaw jumısların barıp kórdi. Obektte rekonstrukciya jumısları keshiktirilip atırǵanlıǵı, bunıń aqıbetinde aymaq turǵınlarına sapalı medicinalıq xızmet kórsetiwde mashqalalar júzege kelgenligi sebepli juwapkerler eskertildi. Qurılıs jumısların sapalı túrde juwmaqlanıwın támiyinlew hám keshiktirilgen hár bir kún ushın jaza sharasın belgilew boyınsha tiyisli taraw wákillerine tapsırmalar berildi.
Bunnan soń Joqarǵı Keńes Baslıǵı Xojeli raoynı belsendileri, ministrlik hám shólkemler, rayonlıq mákeme basshıları qatnasıwında májilis ótkerdi.
Ótkerilgen májiliste xalıqtıń jasaw sharayatın jaqsılaw, abadan turmısın támiyinlew, rayonnıń sociallıq-ekonomikalıq jaǵdayın kóteriw baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler haqqında sóz etildi.
Xojeli rayonında úyreniw jumısları alıp barılǵanında bir qansha nızam buzıwshılıq jaǵdayları hám qáte-kemshilikler anıqlanǵan. Sonnan, rayondaǵı 13 hákim járdemshileri óz jumıslarına nemquraydılıq penen qaraǵanlıǵı sebepli, ajıratılǵan kredit qarjıları maqsetsiz sarıplap jiberilgen hám talan-taraj etilgen.
Rayondaǵı kommerciyalıq banklerde de bir qatar finanslıq oyınlar, kredit qarjılarınıń maqsetsiz sarıplanıwı sıyaqlı jaǵdaylar anıqlanǵan. Eń ashınarlısı, Xalıq bankiniń rayonlıq filialı basqarıwshısı ózi lawazımlı shaxs bola tura jumıssız puqaralar ushın ajıratılatuǵın jeńilletilgen kreditler esabınan óz atına kredit qarjıların rásmiylestirip, talan-taraj etken.
Bunnan tısqarı, Xojeli rayonında qurılıs jumısları talap dárejesinde alıp barılmaǵan. “Investiciya”, “Abat awıl” baǵdarlamaları hám Prezident saparı dawamında berilgen tapsırmalar boyınsha bir qansha qurılıs-ońlaw jumısların ámelge asırıw belgilengen bolıwına qaramastan, ayırım jumıslar orınlanbaǵan. Joqarǵı Keńes Baslıǵı óz sózinde qurılıs tarawındaǵı orınlanbaǵan jumıslar oǵada kóp ekenligin sınǵa aldı. Bunnan tısqarı, májiliste sektor basshıları tárepinen puqaralar múrajatları menen islesiwdiń de qanaatlandırarlı emesligi atap ótildi.
Óz náwbetinde, rayondaǵı bir qatar tarawlar qatarında sociallıq tarawda alıp barılıp atırǵan jumıslar da sınǵa alındı.
7-8-11-19-20-21-sanlı balalar baqshalarınıń racionları úyrenilgeninde balıq, sút, qatıq, sarı may, gósh, máyek, tvorog ónimleri kemis shıqqanı, yaǵnıy, balalarǵa beriliwi kerek bolǵan azıq-awqatlıq zatlar óz mápleri ushın paydalanılıp jiberilgen, ayırım baqshalarda balalarǵa beriletuǵın awqatlardıń sapasına itibar berilmegen.
Sonday-aq, Xojeli rayonında bilimlendiriw, sport, ónimlerdi eksportqa shıǵarıw, aymaqlardı abadanlastırıw, puqaralar múrájatları menen islesiw, byudjet qarjıların maqsetli jumsaw sıyaqlı bir qatar tarawlarda kemshilikler sınǵa alındı.
Anıqlanǵan kemshilikler boyınsha Xojeli rayonı hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı, awıl xám suw xojalıǵı máseleleri boyınsha orınbasarı, rayon hákiminiń orınbasarı - Investiciyalar hám sırtqı sawda bɵlimi baslıǵı, jaslar siyasatı, sociallıq rawajlandırıw hám ruwxıy aǵartıwshılıq isleri boyınsha orınbasarları intizamıy jazaǵa tartıldı.
Rayonlıq suw támiynatı bólimi baslıǵı, Medicina birlespesi baslıǵı, mektepke shekemgi bilimlendiriw bólimi baslıǵı, xalıq bilimlendiriw bólimi baslıǵına intizamıy jaza sharası qollanıldı. Xojeli rayonı Xalıq banki filialı baslıǵı menen hákim járdemshileri menen islesiw orayı baslıǵı hám 7-8-11-19-20-21-sanlı baqshalar baslıqlarınıń óz lawazımlarına ılayıqlıǵın qayta kórip shıǵıw boyınsha tapsırma berildi.
Sonıń menen birge Joqarǵı Keńes Baslıǵı Prezidentimiz tárepinen Qaraqalpaqstan Respublikası ushın qaratılıp atırǵan itibar nátiyjesinde respublikamızda alıp barılıp atırǵan iygilikli islergede toqtalıp ótti.
Ózbekstan Respublikası Prezidentiniń 408-sanlı qararı menen bir qatar máhállelerdegi infrastruktura obektlerin jaqsılaw belgilengen bolıp, sonıń ishinde, tek ǵana Xojeli rayonı boyınsha 18 proektte 22 mlrd 911 mln.sumlıq ishki jollardı rekonstrukciyalaw, ishimlik suw tarmaqların jańadan qurıw hám tartıw jumısları alıp barıladı.
Májilis sońında Joqarǵı Keńes Baslıǵı bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 18,7 mlrd. sumlıq qarjı ajıratılatuǵınlıǵın atap ótti.
Ótkerilgen májiliste xalıqtıń jasaw sharayatın jaqsılaw, abadan turmısın támiyinlew, rayonnıń sociallıq-ekonomikalıq jaǵdayın kóteriw baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler haqqında sóz etildi.
Xojeli rayonında úyreniw jumısları alıp barılǵanında bir qansha nızam buzıwshılıq jaǵdayları hám qáte-kemshilikler anıqlanǵan. Sonnan, rayondaǵı 13 hákim járdemshileri óz jumıslarına nemquraydılıq penen qaraǵanlıǵı sebepli, ajıratılǵan kredit qarjıları maqsetsiz sarıplap jiberilgen hám talan-taraj etilgen.
7-8-11-19-20-21-sanlı balalar baqshalarınıń racionları úyrenilgeninde balıq, sút, qatıq, sarı may, gósh, máyek, tvorog ónimleri kemis shıqqanı, yaǵnıy, balalarǵa beriliwi kerek bolǵan azıq-awqatlıq zatlar óz mápleri ushın paydalanılıp jiberilgen, ayırım baqshalarda balalarǵa beriletuǵın awqatlardıń sapasına itibar berilmegen.
Sonday-aq, Xojeli rayonında bilimlendiriw, sport, ónimlerdi eksportqa shıǵarıw, aymaqlardı abadanlastırıw, puqaralar múrájatları menen islesiw, byudjet qarjıların maqsetli jumsaw sıyaqlı bir qatar tarawlarda kemshilikler sınǵa alındı.
Anıqlanǵan kemshilikler boyınsha Xojeli rayonı hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı, awıl xám suw xojalıǵı máseleleri boyınsha orınbasarı, rayon hákiminiń orınbasarı - Investiciyalar hám sırtqı sawda bɵlimi baslıǵı, jaslar siyasatı, sociallıq rawajlandırıw hám ruwxıy aǵartıwshılıq isleri boyınsha orınbasarları intizamıy jazaǵa tartıldı.
Rayonlıq suw támiynatı bólimi baslıǵı, Medicina birlespesi baslıǵı, mektepke shekemgi bilimlendiriw bólimi baslıǵı, xalıq bilimlendiriw bólimi baslıǵına intizamıy jaza sharası qollanıldı. Xojeli rayonı Xalıq banki filialı baslıǵı menen hákim járdemshileri menen islesiw orayı baslıǵı hám 7-8-11-19-20-21-sanlı baqshalar baslıqlarınıń óz lawazımlarına ılayıqlıǵın qayta kórip shıǵıw boyınsha tapsırma berildi.
Sonıń menen birge Joqarǵı Keńes Baslıǵı Prezidentimiz tárepinen Qaraqalpaqstan Respublikası ushın qaratılıp atırǵan itibar nátiyjesinde respublikamızda alıp barılıp atırǵan iygilikli islergede toqtalıp ótti.
Ózbekstan Respublikası Prezidentiniń 408-sanlı qararı menen bir qatar máhállelerdegi infrastruktura obektlerin jaqsılaw belgilengen bolıp, sonıń ishinde, tek ǵana Xojeli rayonı boyınsha 18 proektte 22 mlrd 911 mln.sumlıq ishki jollardı rekonstrukciyalaw, ishimlik suw tarmaqların jańadan qurıw hám tartıw jumısları alıp barıladı.
Májilis sońında Joqarǵı Keńes Baslıǵı bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 18,7 mlrd. sumlıq qarjı ajıratılatuǵınlıǵın atap ótti.
Qaraqalpaqstan Respublikası Joqarǵı Keńesiniń Málimleme xızmeti