Senator hám deputatlar qatnasıwında 408-sanlı Prezident qararınıń mazmun-áhmiyetine arnalǵan ushırasıw ótkerildi

Aymaqlardı abadanlastırıw, awıl hám máhállelerde infrastruktura menen baylanıslı eń áhmiyetli máselelerdi sistemalı saplastırıw, atap aytqanda ishki jollar, ishimlik suwı, elektr energiyası hám gaz támiynatı sıyaqlı infrastruktura obektlerin jaqsılaw, bilimlendiriw, densawlıqtı saqlaw mádeniyat, sport hám basqada obektlerdi ońlaw, usı tiykarda puqaralar ushın múnásip turmıs sharayatların jaratıw maqsetinde Ózbekstan Respublikası Prezidentiniń 2022-jıl 25-oktyabr sánesindegi PQ-408-sanlı “2022–2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqındaǵı”ǵı qararı qabıl etildi. Usı qarar tiykarında Qaraqalpaqstan Respublikası ushın 293,7 mlrd.sum ajıratıldı. Qarardıń áhmiyetin, onda kórsetilgen jańalıqlardı keń jámiyetshilike jetkeriw maqsetinde senatorlar menen deputatlar tárepinen orınlarda ushırasıwlar, dógerek sáwbetleri shólkemlestirilmekte. Gezektegi ushırasıw Nókis qalası hákimliginde bolıp ótip, oǵan Oliy Majlis Senatı aǵzası U.Jalmenov, Xalıq deputatları Nókis qalalıq Keńesiniń deputatları, mákeme, kárxana shólkemlerdiń basshıları hám ǵalaba xabar quralları wákilleri qatnastı. Ushırasıwda 408-sanlı qarar tiykarında Qaraqalpaqstan Respublikasınıń awıl hám máhállelerinde infrastruktura menen baylanıslı eń áhmiyetli máselelerdi saplastırıw boyınsha anıq belgilep alınǵan maqsetli qarjılar hám bul boyınsha ámelge asırılıwı tiyis wazıypalar haqqında sóz etilip, bul baǵdarda hár bir ajıratılǵan swmmanıń maqsetli jumsalıwın támiynlew, ámelge asırılıwı tiyis jumıslardıń sapalı júrgiziliwin turaqlı qadaǵalaw zárúrligi atap ótildi.

Nókis qalası hákimligi Málimleme xızmeti