Xalqımızdıń qos juldızı” atamasında kórkem ádebiy keshe bolıp ótti
1415
Búgin Berdaq atındaǵı Qaraqalpaq mámleketlik akademiyalıq muzikalı teatrında belgili shayır, jazıwshı, dramaturg, mámleketlik ǵayratker Ámet Shamuratovtıń 110 jıllıǵı, Ózbekstan hám Qaraqalpaqstan xalıq artisti Ayımxan Shamuratovanıń 105 jıllıǵına arnalǵan “Xalqımızdıń qos juldızı” atamasında kórkem ádebiy keshe bolıp ótti.
Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, qaraqalpaq milliy mádeniyatı, kórkem óneri hám ádebiyatınıń rawajlanıwında, onıń búgingidey dárejege erisiwinde usı tarawlarda jankúyerlik penen miynet etken xalqımızdıń ádiwli perzentleri Ámet hám Ayımxan Shamuratovalardıń tutqan ornı haqqında atap ótti.
Sonday-aq, Ámet hám Ayımxan Shamuratovalardıń miyrasın xalqımız arasında keńnen úgit-násiyatlawda hám kórkem-óner tarawın rawajlandırıwda qosqan úlesi ushın Shamuratova Ayımgúl Ámetovnaǵa Qaraqalpaqstan Respublikası Joqarǵı Keńesi atınan “Watan pidayısı” kókirek belgisi tapsırıldı.
Atap ótilgenindey, jámiyetlik hám mámleketlik isker Ámet Shamuratov óziniń bar bilimin, inta-jigerin elimizdiń mádeniyat, ilim, bilimlendiriw tarawların rawajlandırıwǵa baǵıshladı. Onıń ótkir qaleminen dóregen shıǵarmalar, pessaları ana Watanǵa muhabbat, xalıqqa ayanbay xızmet etiwdey ullı sezimler menen suwǵarılǵan bolıp, xalqımızdıń biybaha ǵáziynesine aylandı.
Ómirlik joldası, xalqımızdıń búlbilziban qosıqshısı, talantlı saxna sheberi Ayımxan Shamuratova menen xalıq iygiligi jolında ayanbay miynet etti. Óziniń yoshlı qosıqları, ólmes obrazları menen xalqımızdıń kewlinen tereń orın iyelegen, 60 jıldan aslam dóretiwshilik maydanında miynet etken Ayımxan Shamuratovanıń atın xalqımız úlken húrmet penen tilge aladı.
Ótkerilgen ilajda pidayı insanlardıń mine usınday joqarı pazıyletleri ayrıqsha tilge alındı.
Ilaj kórkem-óner tarawı xızmetkerleri tárepinen tayarlanǵan koncert baǵdarlaması menen dawam etti.
Atap ótilgenindey, jámiyetlik hám mámleketlik isker Ámet Shamuratov óziniń bar bilimin, inta-jigerin elimizdiń mádeniyat, ilim, bilimlendiriw tarawların rawajlandırıwǵa baǵıshladı. Onıń ótkir qaleminen dóregen shıǵarmalar, pessaları ana Watanǵa muhabbat, xalıqqa ayanbay xızmet etiwdey ullı sezimler menen suwǵarılǵan bolıp, xalqımızdıń biybaha ǵáziynesine aylandı.
Ómirlik joldası, xalqımızdıń búlbilziban qosıqshısı, talantlı saxna sheberi Ayımxan Shamuratova menen xalıq iygiligi jolında ayanbay miynet etti. Óziniń yoshlı qosıqları, ólmes obrazları menen xalqımızdıń kewlinen tereń orın iyelegen, 60 jıldan aslam dóretiwshilik maydanında miynet etken Ayımxan Shamuratovanıń atın xalqımız úlken húrmet penen tilge aladı.
Ótkerilgen ilajda pidayı insanlardıń mine usınday joqarı pazıyletleri ayrıqsha tilge alındı.
Ilaj kórkem-óner tarawı xızmetkerleri tárepinen tayarlanǵan koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti