Prezident qararı senatorlar qadaǵalawında
1462
Ózbekstan Respublikası Oliy Majlisi Senati qararı menen Prezidenttiń 2022-jıl 25-oktyabrdegi PQ-408-sanlı Qararınıń orınlanıwın qadaǵalaw senatorlarǵa júklengen.
Búgin 2022-jıl 24-noyabr kúni Ózbekstan Respublikası Oliy Majlisi Senati aǵzası Oral Ataniyazova hám Qaraqalpaqstan Respublikası Joqarǵı Keńesi deputatı Tájibay Romanov Ózbekstan Respublikası Prezidentiniń 2022-jıl 25-oktyabrdegi PQ-408-sanlı qararı tiykarında Xojeli rayonında ámelge asırılatuǵın joybarlar menen tanıstı.
Sonıń menen birge qarar tiykarında ámelge asırılatuǵın joybarlardıń áxmiyetin xalqımızǵa keńnen túrde túsindiriw maqsetinde "Jańaqońırat" MPJ turǵınları menen ushırasıw bolıp ótti.
Prezidenttiń PQ-408-sanlı qararı menen MPJ turǵınları ushın 2023-jılı jańadan ishimlik suw tarmaqların tartıw belgilengen bolıp, búgingi kúnde tender tańlawına qoyılǵan.
Sonıń menen birge, senator O.Ataniyazova usı MPJ turǵınlarınıń pikir-usınısların tıńladı hám múrájatlar qadaǵalawǵa alındı.
ға алынды.
Qaraqalpaqstan Respublikası Joqarǵı Keńesiniń Málimleme xızmeti