Máhállelerde infrastrukturanı rawajlandırıw boyınsha qabıl etilgen Prezident qararı haqqında keń jámiyetshilikke túsinik berilmekte
1313
Aymaqlardı abadanlastırıw, awıl hám máhállelerde infrastruktura menen baylanıslı eń áhmiyetli máselelerdi sistemalı saplastırıw, atap aytqanda ishki jollar, ishimlik suwı, elektr energiyası hám gaz támiynatı sıyaqlı infrastruktura obektlerin jaqsılaw, bilimlendiriw, densawlıqtı saqlaw mádeniyat, sport hám basqada obektlerdi ońlaw, usı tiykarda puqaralar ushın múnásip turmıs sharayatların jaratıw maqsetinde Ózbekstan Respublikası Prezidentiniń 2022-jıl 25-oktyabr sánesindegi PQ-408-sanlı “2022–2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqındaǵı”ǵı qararı qabıl etildi.
Usı qarar tiykarında Qaraqalpaqstan Respublikası ushın 293,7 mlrd.sum ajıratıldı.
Ajıratılǵan qarjı tiykarında ámelge asırılatuǵın 259 joybardıń mánzilli dizimleri Qaraqalpaqstan Respublikası Joqarǵı Keńesinde dodalanıp, tastıyıqlandı.
Senator Uluǵbek Jalmenov usı qarardıń áhmiyeti, respublikamız aymaǵında alıp barılatuǵın jumıslar, xalqımızǵa jaratılǵan sharayatlar haqqında puqaralarǵa keńirek túsinik beriw maqsetinde aymaqlarda mákeme hám kárxana basshıları, puqaralar menen ushırasıwlar ótkermekte.
Qaraqalpaqstan Respublikası Joqarǵı Keńesiniń Málimleme xızmeti