Berdaq Ǵarǵabay ulınıń 195 jıllıǵına baǵıshlanǵan áhmiyetli ilaj bolıp ótti
2756
Búgin Berdaq atındaǵı Qaraqalpaq mámleketlik universitetinde Qaraqalpaq xalqınıń ullı shayırı Berdaq Ǵarǵabay ulınıń 195 jıllıǵına baǵıshlanǵan ádebiy keshe bolıp ótti. Dáslep, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev basshılıǵında universitet jámááti, professsor-oqıtıwshıları Berdaq babamızdıń esteligine gúl qoydı.
Bunnan soń, Qaraqalpaq mámleketlik universitetinde babamız Berdaq Ǵarǵabay ulınıń 195 jıllıǵına baǵıshlanǵan ádebiy keshe bolıp ótti. Kesheni universitet rektorı A.Reymov ashıp berdi. Ol shıǵıp sóylewinde óz zamanınıń qaharmanı eli-xalqına, keleshek áwladlarǵa ózinen biybaha miyras qaldırǵan tariyxıy tulǵa Berdaq Ǵarǵabay ulınıń 195 jıllıǵı menen jıynalǵanlardı qızǵın qutlıqladı.
Bunnan soń bir qatar shıǵıp sóylewshiler ullı oyshıl babamız miyrasınıń áhmiyeti haqqında bayanatlar jasadı.
Ótkerilgen ilaj-kórkem ádebiy bólim menen dawam etti.
Qaraqalpaqstan Respublikası Joqarǵı Keńesiniń Málimleme xızmeti