Joqarǵı Keńes Baslıǵınıń orınbasarı R.Saparbaev xalıq bilimlendiriw tarawı wákilleri menen ushırastı, jetiskenlikler hám kemshilikler dodalandı
1899
Usı jıldıń 28-noyabr kúni Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev basshılıǵında Xalıq bilimlendiriw tarawı wákilleri menen ushırasıw bolıp ótti.
Ótkerilgen ushırasıwda búgingi kúnde tarawda ámelge asırılıp atırǵan jumıslar, jetiskenlikler, sonıń menen birge mashqalalar haqqında sóz etildi.
Atap ótiw orınlı, sonǵı jıllarda elimizde oqıtıwshılar hám muǵállimlerdiń abıroyın arttırıw, olarǵa ózleriniń jumıslarınan tısqarı wazıypalar júkleniwiniń aldın alıw, sonday-aq, joqarı nátiyjelerge erisip atırǵan muǵállimler hám taraw wákillerin xoshametlep barıw sıyaqlı bir qatar jumıslar ámelge asırılıp atır.
Sonı da atap ótiw orınlı, Ózbekstan Respublikası Ministrler Kabinetiniń 2022-jıl 25-avgust kúngi 472-sanlı Qararı tiykarında Respublikamızdaǵı barlıq ulıwma orta bilim beriw mekteplerinde Keytering tiykarında salamat awqatlandırıw sistemasın shólkemlestiriw belgilengen bolıp, bul baǵdardaǵı jumıslardı turmısqa engiziw jumısları alıp barılıp atır.
Ótkerilgen ushırasıwda rayonlıq xalıq bilimlendiriw bólimleri hám mektep direktorları tárepinen bildirilgen pikir-usınıslar tıńlanıp, ashıq-aydın sáwbetlesildi.
Sonıń menen birge júzege kelip atırǵan mashqalalardı saplastırıw boyınsha Joqarǵı Keńesi Baslıǵınıń orınbasarı R.Saparbaev tárepinen anıq tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti