Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev GLOBOGATE Concept AG.” shólkemi wákillerin qabılladı
1711
Búgin Germaniya mámleketiniń “Globogate Concept AG” shólkemi direktorı Yoxannes Meyer, «Globogate Recruiting» kompaniyasınıń Ózbekstandaǵı joybarlar boyınsha úlken direktorı Gulnara Salimova Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaevtıń qabıllawında boldı.
Qabıllawda “Globogate Concept AG” shólkemi hám Qaraqalpaqstan Respublikası arasında birge islesiwdi jolǵa qoyıw máseleleri kórip shıǵılıp, onda Qaraqalpaqstan Respublikasınıń bir qatar qánigeleriniń Germaniya mámleketinde tájiriybe arttırıwı ushın múddetli jumıs penen támiyinlew, medicina, sonıń ishinde miyirbiykelerdiń tájiriybesin arttırıw, olardı turaqlı jumıs penen támiyinlew, Germaniya mámleketiniń tájiriybeleri tiykarında mamanlıǵın jetilistiriw máseleleri sóz etildi.
Ushırasıwda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shólkem menen birge islesiwdiń jolǵa qoyılıwı oǵada áhmiyetli ekenligin atap ótti.
Óz náwbetinde Joqarǵı Keńes Baslıǵınıń orınbasarı R.Saparbaev miymanlardıń keliwinen minnetdar ekenligin bildirip, birge islesiwdi jolǵa qoyıwda jańa baslamalardı qollap-quwatlaytuǵınlıǵın aytıp ótti.
Qaraqalpaqstan Respublikası Joqarǵı Keńesiniń Málimleme xızmeti