Nókiske tez júrer poezd qatnawı jolǵa qoyıladı
2305
Prezident Shavkat Mirziyoev 28-noyabr kúni Buxara—Urgensh—Xiywa temir jolın elektrlestiriw joybarı boyınsha prezentaciyası menen tanıstı.
Joybardıń kólemi 445 mln. dollar bolıp, onda Buxaradan Xiywaǵa shekem bolǵan 465 kilometr temir jol tarmaǵı elektrlestiriledi.
Poezdlerdiń joqarı tezligi saatına 250 kilometrge shekem boladı. Nátiyjede jolawshılardıń Tashkentten Urgenshke jetip barıw waqtı 14 saattan 6 saatqa, Buxaradan Xiywaǵa shekem 8 saattan 3 saatqa qısqaradı.
Prezident juwapkerlerge házirgi joybarǵa sáykes túrde Nókis qalasına shekemgi bolǵan temir joldı da elektrlestiriw boyınsha kórsetpe berdi.
Onıń nátiyjesinde Tashkent penen Nókis arasındaǵı qatnaw waqtı 16 saattan 7 saatqa shekem qısqaradı.
Sonıń menen birge Prezident qayta tikleniwshi energiya dereklerinen paydalanıwdı keńeytiw, mámleketlik uyımlardıń imaratlarına quyash panellerin ornatıw boyınsha da tapsırmalar berdi.
Sonıń menen birge Prezident qayta tikleniwshi energiya dereklerinen paydalanıwdı keńeytiw, mámleketlik uyımlardıń imaratlarına quyash panellerin ornatıw boyınsha da tapsırmalar berdi.