Qaraqalpaqstan Respublikası Joqarǵı Keńesiniń otız segizinshi sessiyası haqqında málimleme
1773
2022-jıldıń 29-noyabr kúni Qaraqalpaqstan Respublikası Joqarǵı Keńesiniń otız segizinshi sessiyası bolıp ótti.
Sessiyaǵa Ózbekstan Respublikası Oliy Majlisi Senatı hám Húkimet aǵzaları, Respublika sektor hám taraw basshıları, ǵalaba xabar quralları wákilleri, sonday-aq, Joqarǵı Keńestiń deputatları qatnastı.
Sessiyanı Qaraqalpaqstan Respublikası Joqarǵı Keńesiniń Baslıǵı A.Orınbaev kiris sóz benen ashtı hám basqarıp bardı.
Sessiyanıń kún tártibindegi birinshi másele “Jaylawlar haqqında»ǵı Qaraqalpaqstan Respublikası Nızamınıń joybarı tuwralı bolıp, bul másele boyınsha Joqarǵı Keńestiń komitet baslıǵı Duysenbay Utambetov bayanat jasadı.
Qaraqalpaqstan Respublikasınıń jaylaw jerleriniń ulıwma maydanı 5 mln. 185,3 mıń gektardı yaki respublikamızdıń ulıwma jer maydanınıń 31 procentin quraydı.
Búgingi kúnde bul jerlerde 840 tan aslam sharwashılıq hám qarakólshilik jónelisindegi fermer xojalıqları jumıs alıp barmaqta, olar tárepinen qarakól terisi, júni hám gósh-sút ónimleri jetistirilip atırǵanı sessiyada atap ótilip, bul másele qarap shıǵıldı.
Nızam joybarı boyınsha 25-sanlı “Nawbahar” saylaw okruginen deputat Adilbek Reimbaev shıǵıp sóylep, óz pikirin bildirdi.
Keyingi másele, yaǵnıy qala hám rayonlıq xalıqtıń bántligine kómeklesiw orayları tárepinen subsidiyalar ajıratılıwında nızam hújjetlerine ámel etiliwi jaǵdayı haqqında Bántlik hám miynet qatnasıqları ministrligine parlamentlik soraw jiberiw tuwralı Joqarǵı Keńestiń komitet baslıǵı Zuxra Reymova bayanat jasadı.
Ótkerilip atırǵan sessiyanıń kún tártibindegi keyingi másele Ózbekstan Respublikası Prezidentiniń 2021-jıl 16-iyundaǵı «Mámleketlik uyımlar hám shólkemlerdiń jumısınıń ashıqlıǵın támiyinlew, sonday-aq, jámiyetlik qadaǵalawdı nátiyjeli ámelge asırıwǵa baylanıslı qosımsha ilajlar haqqında”ǵı PQ-6247-sanlı qararı talaplarınıń orınlanıwı boyınsha Ministrler Keńesiniń málimlemesi tuwralı bolıp, bul másele boyınsha Ministrler Keńesi Baslıǵınıń orınbasarı Rasul Zarikeev shıǵıp sóyledi.
Bul Pármannıń eń tiykarǵı wazıypası – Mámleketlik uyımlar hám shólkemlerdiń jumısınıń ashıq-aydınlıǵın támiyinlew, sonday-aq, jámiyetlik qadaǵalawdı nátiyjeli ámelge asırıwda zárúr bolatuǵın málimlemeden keń jámiyetshiliktiń hesh qanday qıyınshılıqlarsız paydalanıwın támiyinlewden ibarat. Párman mámleketlik hákimiyat hám basqarıw uyımlarınıń qabıl etilip atırǵan hár bir qarar ushın juwapkershiligin arttıratuǵınlıǵı atap ótildi.
Sessiyada huqıqbuzarlıqlardıń aldın alıw hám olardıń profilaktikası jaǵdayı haqqında Qaraqalpaqstan Respublikası Ishki isler ministri Baxtıyar Tórebekovtıń esabatı tıńlandı.
2022-jıldıń 9 ayı dawamında Ishki isler uyımları tárepinen huqıqbuzarlıqlar profilaktikası hám jınayatshılıqqa qarsı gúresiw baǵdarında bir qatar unamlı jumıslar ámelge asırıldı.
Jınayatlardıń aldın alıw maqsetinde qala hám rayonlarda “Qáwipsiz aymaq” arnawlı profilaktikalıq ilajları ótkerilip profilaktika inspektorları tárepinen respublika aymaǵında jaylasqan 14 284 obektler hámde 86 547 shańaraqlar úyrenilip shıǵıldı.
Jol háreketi qáwipsizligi xızmeti jónelisinde avtomobil jolları kesip ótken máhállelerde júz bergen jol-transport hádiyseleriniń analizinen kelip shıǵıp, kriminogen jaǵdayı awır bolǵan 37 máhálleler ajıratıp alındı.
Respublika boyınsha 10 huqıq qorǵaw orınları hám de Nókis qalası menen Qońırat rayonlarında elektron baqlaw orınları shólkemlestirildi. Jańadan qurılıwı belgilengen 21 xızmet úyleriniń hújjetleri islep shıǵılıp, sonnan 9 xızmet úyine jer maydanları ajıratılǵanlıǵı atap ótildi.
Kún tártibindegi keyingi másele Nókis qalasındaǵı jeti mákan puqaralar jıyınların “Shımbay guzarı” máhállesi úlgisinde abat máhállege aylandırıw boyınsha ámelge asırılǵan jumıslar boyınsha Nókis qalası hákiminiń esabatı haqqındaǵı másele bolıp, bul másele boyınsha Nókis qalası hákimi Utemurat Panaev shıǵıp sóyledi.
Qalamızdaǵı sharayatı awır aymaqlardan tańlap alınǵan eń tómen 7 máhállege jámi 75 mlrd.swm qarjı ajıratılǵan.
Sonnan, rejedegi ishki xojalıq jolların ońlaw, elektr energiyası hám gaz támiynatın jaqsılaw, transformator punktlerin jańalaw, piyadalar jolların qurıw, túngi jaqtılandırıw shıraqların ornatıw sıyaqlı bir qatar jumıslar orınlanǵanlıǵı atap ótildi.
Sessiyanıń kún tártibindegi keyingi másele Qaraqalpaqstan Respublikası Joqarǵı Keńesiniń ayırım komitetleri quramına ózgerisler hám qosımshalar kirgiziw haqqında boldı.
Kún tártibindegi máseleler boyınsha deputatlar tiyisli qarar qabıl etkennen soń, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqındaǵı másele kórip shıǵıldı.
Deputatlar bul másele boyınsha da tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń otız segizinshi sessiyası óz jumısın juwmaqladı.
Sessiyanı Qaraqalpaqstan Respublikası Joqarǵı Keńesiniń Baslıǵı A.Orınbaev kiris sóz benen ashtı hám basqarıp bardı.
Sessiyanıń kún tártibindegi birinshi másele “Jaylawlar haqqında»ǵı Qaraqalpaqstan Respublikası Nızamınıń joybarı tuwralı bolıp, bul másele boyınsha Joqarǵı Keńestiń komitet baslıǵı Duysenbay Utambetov bayanat jasadı.
Bul Pármannıń eń tiykarǵı wazıypası – Mámleketlik uyımlar hám shólkemlerdiń jumısınıń ashıq-aydınlıǵın támiyinlew, sonday-aq, jámiyetlik qadaǵalawdı nátiyjeli ámelge asırıwda zárúr bolatuǵın málimlemeden keń jámiyetshiliktiń hesh qanday qıyınshılıqlarsız paydalanıwın támiyinlewden ibarat. Párman mámleketlik hákimiyat hám basqarıw uyımlarınıń qabıl etilip atırǵan hár bir qarar ushın juwapkershiligin arttıratuǵınlıǵı atap ótildi.
Sessiyada huqıqbuzarlıqlardıń aldın alıw hám olardıń profilaktikası jaǵdayı haqqında Qaraqalpaqstan Respublikası Ishki isler ministri Baxtıyar Tórebekovtıń esabatı tıńlandı.
2022-jıldıń 9 ayı dawamında Ishki isler uyımları tárepinen huqıqbuzarlıqlar profilaktikası hám jınayatshılıqqa qarsı gúresiw baǵdarında bir qatar unamlı jumıslar ámelge asırıldı.
Jınayatlardıń aldın alıw maqsetinde qala hám rayonlarda “Qáwipsiz aymaq” arnawlı profilaktikalıq ilajları ótkerilip profilaktika inspektorları tárepinen respublika aymaǵında jaylasqan 14 284 obektler hámde 86 547 shańaraqlar úyrenilip shıǵıldı.
Jol háreketi qáwipsizligi xızmeti jónelisinde avtomobil jolları kesip ótken máhállelerde júz bergen jol-transport hádiyseleriniń analizinen kelip shıǵıp, kriminogen jaǵdayı awır bolǵan 37 máhálleler ajıratıp alındı.
Respublika boyınsha 10 huqıq qorǵaw orınları hám de Nókis qalası menen Qońırat rayonlarında elektron baqlaw orınları shólkemlestirildi. Jańadan qurılıwı belgilengen 21 xızmet úyleriniń hújjetleri islep shıǵılıp, sonnan 9 xızmet úyine jer maydanları ajıratılǵanlıǵı atap ótildi.
Qalamızdaǵı sharayatı awır aymaqlardan tańlap alınǵan eń tómen 7 máhállege jámi 75 mlrd.swm qarjı ajıratılǵan.
Sonnan, rejedegi ishki xojalıq jolların ońlaw, elektr energiyası hám gaz támiynatın jaqsılaw, transformator punktlerin jańalaw, piyadalar jolların qurıw, túngi jaqtılandırıw shıraqların ornatıw sıyaqlı bir qatar jumıslar orınlanǵanlıǵı atap ótildi.
Sessiyanıń kún tártibindegi keyingi másele Qaraqalpaqstan Respublikası Joqarǵı Keńesiniń ayırım komitetleri quramına ózgerisler hám qosımshalar kirgiziw haqqında boldı.
Kún tártibindegi máseleler boyınsha deputatlar tiyisli qarar qabıl etkennen soń, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqındaǵı másele kórip shıǵıldı.
Deputatlar bul másele boyınsha da tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń otız segizinshi sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń Málimleme xızmeti