Qaraqalpaqstan Respublikası Transport ministri tayınlandı
4146
Qaraqalpaqstan Respublikası Joqarǵı Keńesiniń Baslıǵı Amanbay Orınbaev búgin Qaraqalpaqstan Respublikası Transport ministrliginde respublikamız aymaǵında transport xızmetin kórsetiw hám taraw boyınsha jumıslardıń shólkemlestiriliwi, sonday-aq, bul baǵdarda jol qoyılǵan qáte-kemshilikler boyınsha májilis ótkerdi.
Ótkerilgen májiliste Omarov Mamanbiy Allabergenovich Qaraqalpaqstan Respublikası Transport ministri lawazımına tayınlandı.
Atap ótiw orınlı, Mamanbiy Omarov usı kúnge shekem Ózbekstan Respublikası Transport ministrligi Xalıqaralıq baylanıslar, logistika hám eksporttı rawajlandırıw departamenti baslıǵı lawazımında jumıs alıp barǵan.
Májiliste jańadan tayınlanǵan ministr ministrlik jámáátine tanıstırılıp, tarawda jol qoyılǵan kemshiliklerdi saplastırıwda at salısatuǵın basshı bolatuǵınlıǵına isenim bildirildi.
Sonday-aq, transport xızmetin jaqsılaw baǵdarında mámleketlik baǵdarlamalardıń orınlanıwı hám xalqımızǵa sapalı xızmet kórsetiw boyınsha jumıslardı nátiyjeli shólkemlestirmegeni hám basqa da bir qatar kemshilikler ushın Qaraqalpaqstan Respublikası Transport ministri orınbasarı hám ministrlik yuristi iyelep turǵan lawazımınan azat etildi.
Atap ótiw orınlı, Mamanbiy Omarov usı kúnge shekem Ózbekstan Respublikası Transport ministrligi Xalıqaralıq baylanıslar, logistika hám eksporttı rawajlandırıw departamenti baslıǵı lawazımında jumıs alıp barǵan.
Májiliste jańadan tayınlanǵan ministr ministrlik jámáátine tanıstırılıp, tarawda jol qoyılǵan kemshiliklerdi saplastırıwda at salısatuǵın basshı bolatuǵınlıǵına isenim bildirildi.
Sonday-aq, transport xızmetin jaqsılaw baǵdarında mámleketlik baǵdarlamalardıń orınlanıwı hám xalqımızǵa sapalı xızmet kórsetiw boyınsha jumıslardı nátiyjeli shólkemlestirmegeni hám basqa da bir qatar kemshilikler ushın Qaraqalpaqstan Respublikası Transport ministri orınbasarı hám ministrlik yuristi iyelep turǵan lawazımınan azat etildi.
Qaraqalpaqstan Respublikası Joqarǵı Keńesiniń Málimleme xızmeti