Bildirilgen múrájat itibardan shette qalmaydı
944
Jaqında Jeke terek mákan puqaralar jıyını aymaǵındaǵı Qızketken jaǵası kóshesi ońlawǵa mútájligi boyınsha múrájat bildirilgen edi.
Múrájat Qaraqalpaqstan Respublikası Joqarǵı Keńesiniń deputatı Sh.Otemisov tárepinen qadaǵalawǵa alınıp, ornında sheshimin tabıw ilajları kórildi hám tiyisli taraw wákillerine tapsırmalar berildi. Qısqa waqıt ishinde múrájat unamlı sheshimin tawdı hám Qızketken jaǵası kóshesine qum-щeben aralaspası tóselip, tas jolǵa aylandırıldı.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev aytqanınday, “Hár bir múrájat artında bir insannıń huqıqı bar”. Mine usı taqılette hár bir múrájat itibarǵa alınıp, sheshimin tabıw ilajları kórilmekte hám bul orında mashqalaǵa sheshim tabılıwın qadaǵalawda deputatlar ózleriniń úlesin qosıp atır.
Qaraqalpaqstan Respublikası Joqarǵı Keńesiniń Málimleme xızmeti