Joqarǵı Keńes Baslıǵınıń tapsırması menen Kegeyli rayonındaǵı qurılıs jumıslarında qadaǵalaw alıp barılmaqta
1491
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Kegeyli rayonınıń sociallıq-ekonomikalıq jaǵdayı hám xalıqtıń turmıs sharayatın jaqsılaw baǵdarında ámelge asırılıp atırǵan jumıslar menen tanısıw maqsetinde Kegeyli rayonında bolǵanında bul baǵdarda ámelge asırılıp atırǵan jumıslar menen birge jol qoyılıp atırǵan qáte-kemshiliklerdi sınǵa alıp, bir qatar wazıypalar belgilep bergen edi.
Belgilengen tapsırmalardıń orınlanıwın qadaǵalaw ushın rayonǵa juwapker etip bekitilgen Joqarǵı Keńestiń komitet baslıǵı D.Qurbaniyazov rayondaǵı investiciyalıq joybarlar, arnawlı baǵdarlamalar hám Joqarǵı Keńes Prezidiumınıń qararları tiykarında ajıratılǵan qarjılar esabınan qurılıs jumısları alıp barılıp atırǵan obektlerde boldı.
Joqarǵı Keńes komitet baslıǵı D.Qurbaniyazov rayon orayında boy tiklep atırǵan Jaslar orayı, xalıq bilimlendiriw bɵlimi hám «Aqtuba» awıl puqaralar jıyınında “Abat awıl” baǵdarlaması sheńberinde jańadan qurılıp atırǵan balalar baqshası imaratınıń kurılısın hám rayonlıq medicina birlespesinde ámelge asırılǵan qurılıs-ońlaw jumıslarınıń nátiyjesin kɵzden ɵtkerdi. Qurılısshılar menen sáwbetlesip, qurılıs sapasın úyrendi.
Joqarǵı Keńes Baslıǵı shártnama múddeti ɵtken qurılıslardı qatań sınǵa alıp, ótkerilgen hár bir kún ushın kerek bolsa shara qollaıw kerek ekenligin tapsırǵan edi. Usıǵan tiykar Joqarǵı Keńes komitet baslıǵı D.Qurbaniyazov barlıq úyrenilgen obektlerdiń qurılısın qısqa múddet ishinde sapalı etip juwmaqlaw boyınsha qadaǵalaw jumısların alıp barmaqta.
Joqarǵı Keńes komitet baslıǵı D.Qurbaniyazov rayon orayında boy tiklep atırǵan Jaslar orayı, xalıq bilimlendiriw bɵlimi hám «Aqtuba» awıl puqaralar jıyınında “Abat awıl” baǵdarlaması sheńberinde jańadan qurılıp atırǵan balalar baqshası imaratınıń kurılısın hám rayonlıq medicina birlespesinde ámelge asırılǵan qurılıs-ońlaw jumıslarınıń nátiyjesin kɵzden ɵtkerdi. Qurılısshılar menen sáwbetlesip, qurılıs sapasın úyrendi.
Joqarǵı Keńes Baslıǵı shártnama múddeti ɵtken qurılıslardı qatań sınǵa alıp, ótkerilgen hár bir kún ushın kerek bolsa shara qollaıw kerek ekenligin tapsırǵan edi. Usıǵan tiykar Joqarǵı Keńes komitet baslıǵı D.Qurbaniyazov barlıq úyrenilgen obektlerdiń qurılısın qısqa múddet ishinde sapalı etip juwmaqlaw boyınsha qadaǵalaw jumısların alıp barmaqta.
Qaraqalpaqstan Respublikası Joqarǵı Keńesiniń Málimleme xızmeti