Joqarǵı Keńes Baslıǵı Nókis qalasınıń eń shetki aymaqlarınıń biri bolǵan Bestóbe MPJ puqaraları menen ushırastı
1356
Qaraqalpaqstan Respublikası Joqarǵı Keńesiniń Baslıǵı alıs aymaqlar turǵınları menen ushırasıp, olardıń mashqalaların sheshiw boyınsha orınlarda kólemli jumıslar alıp barıp atır.
Búgin Joqarǵı Keńes Baslıǵı Nókis qalasınıń shetki aymaqlarınıń biri bolǵan Bestóbe MPJ puqaraları menen ushırasıp, olardıń kúndelikli turmısında ushırasıp atırǵan mashqalaların tıńladı.
Atap ótiw orınlı, Bestóbeli puqaralar mashqalalarına ámeliy sheshim tabıw boyınsha barlıq ministrlik, basqarma hám shólkem basshıları da birge bardı hám puqaralardıń múrajatları úyrenildi.
Ushırasıwda puqaralar tárepinen aymaqta medicinalıq xızmet kórsetiw, jol infrastrukturasın jaqsılaw, balalardı mektepke shekemgi bilimlendiriw mákemelerine qamtıp alıw dárejesin arttırıw ushın baqsha imaratınıń qosımsha bólegin ońlaw hám jańa toparlardı shólkemlestiriw, MPJdan shıǵıwshı jolawshılar ushın bándirgilerdi ornatıw, kem támiyinlengen puqaralardıń turaq jayların ońlaw, kontrakt pulların tólewge járdem, sociallıq qollap-quwatlaw sıyaqlı máseleler bildirildi.
Múrájatlardıń kópshiligi sol orınnıń ózinde sheshimin taptı. Atap aytqanda, baqsha imaratınıń qosımsha bólegin ońlaw hám jańa toparlardı shólkemlestiriw, MPJdan shıǵıwshı jolawshılar ushın bándirgilerdi ornatıw, kontrakt pulların tólep beriw, medicinalıq xızmet kórsetiwdi jaqsılaw sıyaqlı máselelerdi tez pursatta orınlaw boyınsha juwapkerlerge anıq tapsırmalar berildi. Waqıt talap etiletuǵın máseleler Joqarǵı Keńes Baslıǵınıń jeke qadaǵalawına alındı hám tez arada unamlı tárepke sheshiletuǵınlıǵı bildirildi.
Insan qádiri joqarı bolǵan elimizde hár bir mashqala saplastırılıwı hám puqaralardı qıynap kiyatırǵan máseleler óz sheshimin tabıwı kerek. Usı maqsette ámelge asırılıp atırǵan iygilikli baslamalar hám ámeliy jumıslar dawam ettirilmekte.
Álbette bul jumıslardıń barlıǵı xalqımızǵa múnásip turmıs sharayatların jaratıw, olardıń búgingi kúninen kewilli hám erteńgi kúnine isenim menen jasawın támiyinlewden ibarat.
Ushırasıwda puqaralar tárepinen aymaqta medicinalıq xızmet kórsetiw, jol infrastrukturasın jaqsılaw, balalardı mektepke shekemgi bilimlendiriw mákemelerine qamtıp alıw dárejesin arttırıw ushın baqsha imaratınıń qosımsha bólegin ońlaw hám jańa toparlardı shólkemlestiriw, MPJdan shıǵıwshı jolawshılar ushın bándirgilerdi ornatıw, kem támiyinlengen puqaralardıń turaq jayların ońlaw, kontrakt pulların tólewge járdem, sociallıq qollap-quwatlaw sıyaqlı máseleler bildirildi.
Múrájatlardıń kópshiligi sol orınnıń ózinde sheshimin taptı. Atap aytqanda, baqsha imaratınıń qosımsha bólegin ońlaw hám jańa toparlardı shólkemlestiriw, MPJdan shıǵıwshı jolawshılar ushın bándirgilerdi ornatıw, kontrakt pulların tólep beriw, medicinalıq xızmet kórsetiwdi jaqsılaw sıyaqlı máselelerdi tez pursatta orınlaw boyınsha juwapkerlerge anıq tapsırmalar berildi. Waqıt talap etiletuǵın máseleler Joqarǵı Keńes Baslıǵınıń jeke qadaǵalawına alındı hám tez arada unamlı tárepke sheshiletuǵınlıǵı bildirildi.
Insan qádiri joqarı bolǵan elimizde hár bir mashqala saplastırılıwı hám puqaralardı qıynap kiyatırǵan máseleler óz sheshimin tabıwı kerek. Usı maqsette ámelge asırılıp atırǵan iygilikli baslamalar hám ámeliy jumıslar dawam ettirilmekte.
Álbette bul jumıslardıń barlıǵı xalqımızǵa múnásip turmıs sharayatların jaratıw, olardıń búgingi kúninen kewilli hám erteńgi kúnine isenim menen jasawın támiyinlewden ibarat.
Qaraqalpaqstan Respublikası Joqarǵı Keńesiniń Málimleme xızmeti