Joqarǵı Keńes Baslıǵı Bestóbe MPJ turǵınlarınıń jasaw sharayatı menen tanıstı
1493
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalasınıń eń shetki awır aymaqlarınıń biri bolǵan Bestóbe MPJda boldı.
Mákan puqaralar jıyınında búgingi kúnde 461 xojalıqta 2200 den aslam puqaralar jasap kiyatırǵan bolıp, aymaq turǵınlarınıń kúndelikli turmısında ushırasıp atırǵan mashqalalardı sheshiw boyınsha ámeliy jumıslar dawam ettirilmekte.
Joqarǵı Keńes Baslıǵı bul jerde aymaq turǵınlarınıń jasaw sharayatı menen tanısıw maqsetinde mákan puqaralar jıyını aymaǵın araladı hám sociallıq járdemge mútáj, awır sharayatta jasap atırǵan puqaralardıń úylerine barıp kórdi. Aymaq turǵınları menen jaqınnan sáwbetlesip, olardıń mashqalaların tıńladı. Sol orınnıń ózinde sociallıq qollap quwatlawǵa hám materiallıq járdemge mútáj shańaraqlarǵa xojalıq buyımları, azıq-awqatlıq ónimler hám basqa da bir qatar sawǵalar tapsırıldı.
Atap aytqanda, Joqarǵı Keńes Baslıǵı Sarsenbaeva Dilbardıń shańaraǵında bolıp, turaq jayın ońlaw, úyiniń tóbesin shiferlaw, ısıtıw sistemasın tartıp beriw, sonday-aq, balasınıń kontrakt pulınıń 75 payızın tólep beriwdi wáde etti.
Sonıń menen birge, Qarjaubaeva Gúlara, Eshimova Zawrexan, Bodımanov Jaraslarǵa televizor, xolodilnik, azıq-awqat ónimleri menen birge basqa da bir qansha sawǵalar tapsırılıp, jasaw sharayatları úyrenildi hám olardıńda turaq jayların ońlaw, atap aytqanda úylerin shiferlap beriw, ısıtıw sistemaların ornatıw boyınsha juwapkerlerge anıq tapsırmalar berildi.
Ózbekstan Respublikası Prezidentiniń Qaraqalpaqstan Respublikasında bolǵan saparında «Sizler menen birge úlken háreket basladıq. Hár bir aymaqtıń dártin bileyik, hár bir insannıń ishine kireyik, erteńgi kúnge isenimin oyatayıq dep tereń reformalardı ámelge asırıp atırmız. Adamlar erteń emes, alıs keleshekte emes, búgin jaqsı jasawı kerek» - dep atap ótken edi.
Búgingi kúnde mine usı iygilikli baslama tiykarında puqaralardıń mashqalaların tıńlaw, olardıń jaqsı jasawı ushın bar múmkinshiliklerdi iske salıw jumısları sistemalı túrde dawam ettirilmekte.
Mákan puqaralar jıyınında búgingi kúnde 461 xojalıqta 2200 den aslam puqaralar jasap kiyatırǵan bolıp, aymaq turǵınlarınıń kúndelikli turmısında ushırasıp atırǵan mashqalalardı sheshiw boyınsha ámeliy jumıslar dawam ettirilmekte.
Joqarǵı Keńes Baslıǵı bul jerde aymaq turǵınlarınıń jasaw sharayatı menen tanısıw maqsetinde mákan puqaralar jıyını aymaǵın araladı hám sociallıq járdemge mútáj, awır sharayatta jasap atırǵan puqaralardıń úylerine barıp kórdi. Aymaq turǵınları menen jaqınnan sáwbetlesip, olardıń mashqalaların tıńladı. Sol orınnıń ózinde sociallıq qollap quwatlawǵa hám materiallıq járdemge mútáj shańaraqlarǵa xojalıq buyımları, azıq-awqatlıq ónimler hám basqa da bir qatar sawǵalar tapsırıldı.
Atap aytqanda, Joqarǵı Keńes Baslıǵı Sarsenbaeva Dilbardıń shańaraǵında bolıp, turaq jayın ońlaw, úyiniń tóbesin shiferlaw, ısıtıw sistemasın tartıp beriw, sonday-aq, balasınıń kontrakt pulınıń 75 payızın tólep beriwdi wáde etti.
Sonıń menen birge, Qarjaubaeva Gúlara, Eshimova Zawrexan, Bodımanov Jaraslarǵa televizor, xolodilnik, azıq-awqat ónimleri menen birge basqa da bir qansha sawǵalar tapsırılıp, jasaw sharayatları úyrenildi hám olardıńda turaq jayların ońlaw, atap aytqanda úylerin shiferlap beriw, ısıtıw sistemaların ornatıw boyınsha juwapkerlerge anıq tapsırmalar berildi.
Ózbekstan Respublikası Prezidentiniń Qaraqalpaqstan Respublikasında bolǵan saparında «Sizler menen birge úlken háreket basladıq. Hár bir aymaqtıń dártin bileyik, hár bir insannıń ishine kireyik, erteńgi kúnge isenimin oyatayıq dep tereń reformalardı ámelge asırıp atırmız. Adamlar erteń emes, alıs keleshekte emes, búgin jaqsı jasawı kerek» - dep atap ótken edi.
Búgingi kúnde mine usı iygilikli baslama tiykarında puqaralardıń mashqalaların tıńlaw, olardıń jaqsı jasawı ushın bar múmkinshiliklerdi iske salıw jumısları sistemalı túrde dawam ettirilmekte.
Qaraqalpaqstan Respublikası Joqarǵı Keńesiniń Málimleme xızmeti