Joqarǵı Keńes Baslıǵı Amanbay Orınbaev Nókis qalasınıń eń shetki aymaqlarınan biri bolǵan Qarataw mákan puqaralar jıyınında boldı
2798
«Insan qádiri ushın» principi tiykarında ámeliy jumıslar búgingi kúnniń baslı maqsetine aylanıp úlgergen. Usı tiykarda respublikamız aymaǵında da bir qansha jumıslar alıp barılıp, bul baǵdarda alıs, shetki aymaqlar turǵınları da itibardan shette qalmay atır. Sózimizdiń dáliyli sıpatında jaqın waqıt aralıǵında respublikamızdıń Qostruba, Qumbasqan hám Shuqırqaq awılları, Qaraqalpaqstan hám Jaslıq posyolkaları sıyaqlı alıs aymaqlar puqaraları menen bolǵan ushırasıwlardı aytıwımızǵa boladı.
Usınday ushırasıwlardıń biri búgin Nókis qalasına qaraslı oraydan derlik 90 km qashıqlıqta jaylasqan Qarataw mákan puqaraları jıyınında boldı. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev aymaq turǵınlarınıń kúndelikli turmısında ushırasıp atırǵan mashqalalardı tıńlap, sheshimin tabıw ilajların kórdi.
Ushırasıwda puqaralar tárepinen aymaqqa alıp barıwshı joldı ońlaw, ishimlik suwı hám gáz támiynatı, balalardı mektepke shekemgi bilimlendiriw mákemelerine qamtıp alıw ushın baqsha qurıw, kem támyinlengen shańaraqlardı turaq jay menen támiyinlew hám úylerin ońlap beriw, mektep imaratın ısıtıw ushın transformator punktin jańalaw, elektr liniyaların tartıw, aymaqqa keliwshi salmanı qazıp beriw hám kómir jetkerip beriw sıyaqlı múrájatlar bildirildi.
Qarataw puqaralar jıyını turǵınlarınıń múrájatı tiykarında Joqarǵı Keńes Baslıǵınıń tapsırması menen kúnniń ózinde Qaraqalpaqstan Respublikası Prokuraturası tárepinen 1km salmanı qazıw jumısları baslap jiberildi. Sonıń menen birge aymaqqa 10 tonna kómir jetkerip berildi.
Qalǵan mashqalalardı da tez pursatta sheshiw boyınsha juwapkerlerge anıq wazıypalar tapsırmalar berildi. Sonıń menen birge waqıt talap etiletuǵın máseleler Joqarǵı Keńes Baslıǵınıń jeke qadaǵalawına alındı hám tez arada unamlı tárepke sheshiletuǵınlıǵı bildirildi.
Sonday-aq, Joqarǵı Keńes baslıǵı aymaq turǵınlarınıń jasaw sharayatı menen jaqınnan tanıstı. Puqaralar menen jaqınnan óz úylerinde sáwbetlesiw dawamında olar bárháma mámleketimiz itibarında hám ǵamxorlıǵında ekenligi bildirilip, olardıń búgingi turmısın jaqsılaw jolında bar múmkinshilikler iske salınatuǵınlıǵı atap ótildi.
Úylerdi birme bir aralaw dawamında Seremuratova Zuxraǵa gaz plitası, Berdibaev Kayırbekke televizor, Nurjanov Egambergenge xolodilnik, sonday-aq, túrli azıq-awqatlıq ónimler tapsırıldı. bunnan tısqarı, olardıń turaq jayların ońlaw, úylerin shiferlap beriw, imarat tiklewine de járdem beriw boyınsha juwapkerlerge anıq tapsırmalar berildi.
Barlıq ámelge asırılıp atırǵan jumıslardan gózlengen tiykarǵı maqset – insanlardıń búgingi turmısınan razılıǵın támiyinlew, olardıń jasaw sharayatın jaqsılaw bolıp tabıladı.
Elimizde hár bir insan itibarda, al, xalıqtıń abadan turmısın támiyinlew bolsa juwapkerlerdiń moynına júkletilgen ádiwli wazıypa esaplanadı hám usı maqsettegi jumıslar elede dawam eteri anıq.
Ushırasıwda puqaralar tárepinen aymaqqa alıp barıwshı joldı ońlaw, ishimlik suwı hám gáz támiynatı, balalardı mektepke shekemgi bilimlendiriw mákemelerine qamtıp alıw ushın baqsha qurıw, kem támyinlengen shańaraqlardı turaq jay menen támiyinlew hám úylerin ońlap beriw, mektep imaratın ısıtıw ushın transformator punktin jańalaw, elektr liniyaların tartıw, aymaqqa keliwshi salmanı qazıp beriw hám kómir jetkerip beriw sıyaqlı múrájatlar bildirildi.
Qarataw puqaralar jıyını turǵınlarınıń múrájatı tiykarında Joqarǵı Keńes Baslıǵınıń tapsırması menen kúnniń ózinde Qaraqalpaqstan Respublikası Prokuraturası tárepinen 1km salmanı qazıw jumısları baslap jiberildi. Sonıń menen birge aymaqqa 10 tonna kómir jetkerip berildi.
Qalǵan mashqalalardı da tez pursatta sheshiw boyınsha juwapkerlerge anıq wazıypalar tapsırmalar berildi. Sonıń menen birge waqıt talap etiletuǵın máseleler Joqarǵı Keńes Baslıǵınıń jeke qadaǵalawına alındı hám tez arada unamlı tárepke sheshiletuǵınlıǵı bildirildi.
Sonday-aq, Joqarǵı Keńes baslıǵı aymaq turǵınlarınıń jasaw sharayatı menen jaqınnan tanıstı. Puqaralar menen jaqınnan óz úylerinde sáwbetlesiw dawamında olar bárháma mámleketimiz itibarında hám ǵamxorlıǵında ekenligi bildirilip, olardıń búgingi turmısın jaqsılaw jolında bar múmkinshilikler iske salınatuǵınlıǵı atap ótildi.
Úylerdi birme bir aralaw dawamında Seremuratova Zuxraǵa gaz plitası, Berdibaev Kayırbekke televizor, Nurjanov Egambergenge xolodilnik, sonday-aq, túrli azıq-awqatlıq ónimler tapsırıldı. bunnan tısqarı, olardıń turaq jayların ońlaw, úylerin shiferlap beriw, imarat tiklewine de járdem beriw boyınsha juwapkerlerge anıq tapsırmalar berildi.
Barlıq ámelge asırılıp atırǵan jumıslardan gózlengen tiykarǵı maqset – insanlardıń búgingi turmısınan razılıǵın támiyinlew, olardıń jasaw sharayatın jaqsılaw bolıp tabıladı.
Elimizde hár bir insan itibarda, al, xalıqtıń abadan turmısın támiyinlew bolsa juwapkerlerdiń moynına júkletilgen ádiwli wazıypa esaplanadı hám usı maqsettegi jumıslar elede dawam eteri anıq.
Qaraqalpaqstan Respublikası Joqarǵı Keńesiniń Málimleme xızmeti