Belgili mámleketlik ǵayratker, Ózbekstan Qaharmanı Musa Tájetdinovich Erniyazovtıń 75 jıllıǵı keń túrde belgilenedi
1403
Qaraqalpaqstan Respublikası Joqarǵı Keńesi hám Ministrler Keńesi, Máhálle hám nuranıylardı qollap-quwatlaw ministrliginiń usınısına tiykar Ózbekstan Respublikası Ministrler Kabineti «Belgili mámleketlik ǵayratker, Ózbekstan Qaharmanı Musa Tájetdinovich Erniyazovtıń 75 jıllıǵın keń túrde belgilew haqqında» qararı qabıl etti.
Qararǵa muwapıq, 2022-jıl dekabr ayınıń ekinshi on kúnliginde Nókis qalasında, bay bilim hám tájiriybesi menen elimizdiń rawajlanıwı jolında ayanbay miynet etken belgili jámiyetlik isker Musa Tájetdinovich Erniyazovtıń tuwılǵanına 75 jıl tolıwı múnásibeti menen eslew keshesi ótkeriledi.
Sonday-aq, Musa Tájetdinovich Erniyazovtıń ómiri hám sociallıq-siyasiy iskerligi haqqında hújjetli film jaratıladı, ómiri hám jumısına arnalǵan kitap-albom baspadan shıǵarıladı.
Nókis qalası “Jeke terek” máhállesindegi Musa Tájetdinovich Erniyazovtıń jasaǵan shańaraqta estelik taxtası ornatıw belgilengen.
Qaraqalpaqstan Respublikası Joqarǵı Keńesiniń Málimleme xızmeti