Qońırat rayonında «Mehir háreketi» sheńberinde wazıypalar belgilep alındı
1507
Jaqında Ózbekstan Respublikası Prezidentiniń keńesgóyi T.Xudaybergenov hám Qaraqalpaqstan Respublikası Joqarǵı Keńesi Baslıǵı Amanbay Orınbaev basshılıǵında qala hám rayonlardıń sociallıq-ekonomikalıq jaǵdayın jaqsılaw, máhállelerde ámelge asırılıp atırǵan jumıslardı sistemalı tárizde qadaǵalaw hámde xalıqtıń múrájatların úyreniw, olarǵa ámeliy járdem beriw boyınsha ámelge asırılıp atırǵan jumıslardıń nátiyjelerine arnalǵan videoselektor májilisi bolıp ɵtken edi.
Ótkerilgen májiliste ayrıqsha itibar hár bir rayon, hár bir máhálle kesiminde sociallıq qorǵawǵa mútáj, awır sharayatta jasap atırǵan shańaraqlardı qollap-quwatlaw, olardıń turaq-jayların ońlap beriwge qaratılǵan bolıp, bul boyınsha dúzilgen isshi topar tárepinen mánzilli dizimleri qáliplestirildi. Olardı qıs máwsiminen biyzıyan alıp shıǵıw ushın ámeliy járdem kɵrsetiw boyınsha sektor basshıları, deputatlar hám máhálle belsendilerine bir qatar wazıypalar belgilep berildi.
Usı tiykarda Qońırat rayonında jámi 27526 xojalıq úyrenilgende 321 shańaraq sociallıq járdemge mútáj ekenligi anıqlanǵan bolsa, Joqarǵı Keńes Baslıǵınıń orınbasarı R.Saparbaev basshılıǵında búgin rayon hákimligi májilisler zalında usı shańaraqlardıń sociallıq mashqalaların úyreniw hám qáwenderlik qarjıları esabınan turaq-jayların ońlap beriw boyınsha ámeliy járdem beriwge arnalǵan májilis bolıp ótti.
Májiliske sektor basshıları, rayon hákiminiń orınbasarları, puqaralar jıyınları baslıqları, hákim járdemshileri, sonday-aq, mákeme-shólkem basshıları qatnastı.
Onda sektorlar kesiminde kɵrsetilgen hár bir xojalıqtan xabar alıw, materiallıq járdemler kɵrsetiw, turaq-jayların ońlap beriw hám bul baǵdarda usınıslar kirgiziw boyınsha deputatlar hám rayon belsendilerine wazıypalar belgilep berildi.
Usı tiykarda Qońırat rayonında jámi 27526 xojalıq úyrenilgende 321 shańaraq sociallıq járdemge mútáj ekenligi anıqlanǵan bolsa, Joqarǵı Keńes Baslıǵınıń orınbasarı R.Saparbaev basshılıǵında búgin rayon hákimligi májilisler zalında usı shańaraqlardıń sociallıq mashqalaların úyreniw hám qáwenderlik qarjıları esabınan turaq-jayların ońlap beriw boyınsha ámeliy járdem beriwge arnalǵan májilis bolıp ótti.
Májiliske sektor basshıları, rayon hákiminiń orınbasarları, puqaralar jıyınları baslıqları, hákim járdemshileri, sonday-aq, mákeme-shólkem basshıları qatnastı.
Onda sektorlar kesiminde kɵrsetilgen hár bir xojalıqtan xabar alıw, materiallıq járdemler kɵrsetiw, turaq-jayların ońlap beriw hám bul baǵdarda usınıslar kirgiziw boyınsha deputatlar hám rayon belsendilerine wazıypalar belgilep berildi.
Qaraqalpaqstan Respublikası Joqarǵı Keńesiniń Málimleme xızmeti