Awır hám sınaqlı kúnlerde qol-qanat bolıw – insanıylıq parızımız
1315
Qıyın-qıstawlı kúnlerde bir-birewge súyew bolıw, járdem qolın sozıw hár birimizdiń insanıylıq parızımız sanaladı.
Jaqında ǵana Qońırat rayonı "Ádebiyat" APJ aymaǵında jasawshı Eshmuratov Xalmurat hám Yusupova Ziyadanıń shańaraǵı jáne bir sınaqlı kúndi basınan ótkerdi. Tilsiz jaw sanalǵan órt bul shańaraqtı baspanasınan ayırdı. Turmıs sınaǵına tótepki berip, bas iymegen shańaraq, búgin jaqsılar járdeminde jáne ayaqqa turmaqta. Músiybetten xabardar bolǵanlar shańaraqtıń halınan xabar alıp, kimisi azıq-awqat, kimisi kiyim-kenshek yaki qarjılay ózleriniń járdemin bermekte.
Búgin Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, rayon hákimi B.Madaminov, rayonlıq sektor basshıları hám basqada bir qatar taraw wákilleri shańaraqtıń halınan xabar aldı. Olardıń jasaw sharayatı menen tanısıp, azıq-awqat ónimlerin tapsırıp, qarjılay járdem kórsetti. Sonıń menen birge turaq-jayın ońlap alıw maqsetinde 30 million swm qarjı ajıratılatuǵın boldı.
Qaratılıp atırǵan bunday itibardan shańaraq aǵzaları quwanıshqa bólenip, ertengi kúnge isenimi arttı.
Insan basına qıyın kúnler túskende járdem beriw insanıylıq pazıyletlerdiń biri bolıp, bunday sawaplı isti hár birimiz hár kúni qılıwımız kerek.
Búgin Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, rayon hákimi B.Madaminov, rayonlıq sektor basshıları hám basqada bir qatar taraw wákilleri shańaraqtıń halınan xabar aldı. Olardıń jasaw sharayatı menen tanısıp, azıq-awqat ónimlerin tapsırıp, qarjılay járdem kórsetti. Sonıń menen birge turaq-jayın ońlap alıw maqsetinde 30 million swm qarjı ajıratılatuǵın boldı.
Qaratılıp atırǵan bunday itibardan shańaraq aǵzaları quwanıshqa bólenip, ertengi kúnge isenimi arttı.
Insan basına qıyın kúnler túskende járdem beriw insanıylıq pazıyletlerdiń biri bolıp, bunday sawaplı isti hár birimiz hár kúni qılıwımız kerek.
Qaraqalpaqstan Respublikası Joqarǵı Keńesiniń Málimleme xızmeti