Hár bir awır sharayattaǵı shańaraqqa kirip barıladı
1994
Búgingi kúnde xalqımızdıń abadan turmısın támiyinlew baǵdarında bir qansha ámeliy jumıslar ámelge asırılıp atırǵan bir waqıtta jasaw sharayatı awır, úyleri ońlawǵa mútáj, ápiwayı turmıslıq qolaylıqlar da jaratılmaǵan shańaraqlar joq emes. Mámleketimizde ámelge asırılıp atırǵan reformalar hám iygilikli baslamalar áyne usı shańaraq úylerine de kirip barıwı kerek.
Búgin Qaraózek rayonında usınday shańaraqlarǵa járdem kórsetiw, olardıń qıstan zıyansız aman alıp shıǵılıwın támiyinlewge qaratılǵan is-ilajlardı kórip shıǵıw boyınsha májilis bolıp ótti.
Majiliste Joqarǵı Keńes Baslıǵı Amanbay Orınbaev dáslep rayondı sociallıq-ekonomikalıq jaqtan rawajlandırıw baǵdarında berilgen tapsırmalardıń orınlanıwı boyınsha juwapkerlerdiń alıp barıp atırǵan jumısların tıńladı hám ornına barıp kóriw boyınsha Joqarǵı Keńesten juwapker biriktirdi.
Sonıń menen birge "Mexir háreketi" sheńberinde hár bir qıynalǵan shańaraqtı barıp kóriw, olardıń qıstan aman alıp shıǵılıwın támiyinlew boyınsha jumıslardı nátiyjeli shólkemlestiriw, báhár baslanıwı menen úylerin ońlap beriw boyınsha isleniwi kerek jumıslardı birme-bir túsindirip, rejelerdi belgilew zárúrligin atap ótti.
Sonday-aq, májiliste Qaraózek rayonına respublikadan biriktirilgen isshi topar aǵzaları, rayonlıq mákeme-shólkem basshıları qatnasıp, aldaǵı wazıypalar belgilep alındı.
Sonıń menen birge Joqarǵı Keńes Baslıǵı sharayatı awır, jalǵız baslı, kem támiyinlengen, turmıs sharayatı ápiwayı talaplarǵa da juwap bermeytuǵın úylerge barıp, jasaw jaǵdayların kórdi. Olarǵa zárúr bolǵan tutınıw buyımları yaǵnıy, televizor, gaz plita, muzlatqısh hám azıq-awqat ónimleri aparıp berildi.
Al, alıs aymaqlardıń biri bolǵan Quralpa awıl puqaralar jıyınında jasawshı puqaralardıń úylerine de usı taqılette sawǵalar tapsırılıp, qıs aylarında úylerin jılıtıwı ushın kómir jetkerip berildi.
Bunnan soń, Quralpa APJ aymaǵındaǵı 2-sektor baslıǵı qáwenderligi tiykarında 6 xojalıqqa arnap qurılǵan turaq jaylarda jasap atırǵan puqaralardıń halınan xabar alındı.
Sonday-aq, Joqarǵı Keńes Baslıǵı Esim mákan puqaralar jıyını aymaǵında Qaraózek rayonı hákimligi hám «Qaraqum Abbaz» JShJ baslıǵı Abbaz Tańatarov qáwenderliginde qurılıp atırǵan sociallıq úylerdiń qurılıs jumısların barıp kórdi. Óz náwbetinde, 5 kem támiyinlengen shańaraqtı úy-jay menen támiyinlewdey bul iygilikli baslamanı qollap-quwatlaytuǵınlıǵın, hám qayır-saqawat barqulla alǵıslanatuǵınlıǵı atap ótildi.
«Mehir háreketi» sheńberindegi iygilikli baslama tiykarındaǵı jumıslarda awır sharayatta jasap atırǵan shańaraqlardıń múshkili jeńillenip, turmıs abadanlıǵı támiyinlenedi. Bunda hár bir awır sharayattaǵı shańaraq úylerine kirip barıladı. «Insan qádiri» ushın principi tiykarında alıp barılıp atırǵan bul iygilikli isler ele baslaması hám bul jumıslar sistemalı túrde dawam ettiriledi.
Sonıń menen birge "Mexir háreketi" sheńberinde hár bir qıynalǵan shańaraqtı barıp kóriw, olardıń qıstan aman alıp shıǵılıwın támiyinlew boyınsha jumıslardı nátiyjeli shólkemlestiriw, báhár baslanıwı menen úylerin ońlap beriw boyınsha isleniwi kerek jumıslardı birme-bir túsindirip, rejelerdi belgilew zárúrligin atap ótti.
Sonday-aq, májiliste Qaraózek rayonına respublikadan biriktirilgen isshi topar aǵzaları, rayonlıq mákeme-shólkem basshıları qatnasıp, aldaǵı wazıypalar belgilep alındı.
Sonıń menen birge Joqarǵı Keńes Baslıǵı sharayatı awır, jalǵız baslı, kem támiyinlengen, turmıs sharayatı ápiwayı talaplarǵa da juwap bermeytuǵın úylerge barıp, jasaw jaǵdayların kórdi. Olarǵa zárúr bolǵan tutınıw buyımları yaǵnıy, televizor, gaz plita, muzlatqısh hám azıq-awqat ónimleri aparıp berildi.
Al, alıs aymaqlardıń biri bolǵan Quralpa awıl puqaralar jıyınında jasawshı puqaralardıń úylerine de usı taqılette sawǵalar tapsırılıp, qıs aylarında úylerin jılıtıwı ushın kómir jetkerip berildi.
Bunnan soń, Quralpa APJ aymaǵındaǵı 2-sektor baslıǵı qáwenderligi tiykarında 6 xojalıqqa arnap qurılǵan turaq jaylarda jasap atırǵan puqaralardıń halınan xabar alındı.
Sonday-aq, Joqarǵı Keńes Baslıǵı Esim mákan puqaralar jıyını aymaǵında Qaraózek rayonı hákimligi hám «Qaraqum Abbaz» JShJ baslıǵı Abbaz Tańatarov qáwenderliginde qurılıp atırǵan sociallıq úylerdiń qurılıs jumısların barıp kórdi. Óz náwbetinde, 5 kem támiyinlengen shańaraqtı úy-jay menen támiyinlewdey bul iygilikli baslamanı qollap-quwatlaytuǵınlıǵın, hám qayır-saqawat barqulla alǵıslanatuǵınlıǵı atap ótildi.
«Mehir háreketi» sheńberindegi iygilikli baslama tiykarındaǵı jumıslarda awır sharayatta jasap atırǵan shańaraqlardıń múshkili jeńillenip, turmıs abadanlıǵı támiyinlenedi. Bunda hár bir awır sharayattaǵı shańaraq úylerine kirip barıladı. «Insan qádiri» ushın principi tiykarında alıp barılıp atırǵan bul iygilikli isler ele baslaması hám bul jumıslar sistemalı túrde dawam ettiriledi.
Qaraqalpaqstan Respublikası Joqarǵı Keńesiniń Málimleme xızmeti