Jo’qorg’i Kenges Raisi

Qoraqalpog’iston Respublikasi Jo’qorg’i Kengesining Raisi

Kamalov Murat Kallibekovich

Tug’ilgan yili: 24.06.1955

Tug’ilgan joyi: Nukus shahri

Millati: qoraqalpoq

Ma’lumoti: oliy

O’qish joyi: 1977 yili Davlat xavfsizlik qo’mitasi Oliy maktabi (kunduzgi)

Mutaxassisligi: huquqshunos

Davlat mukofotlari:

MEHNAT FAOLIYaTI

1977-1987 y.y. – Harbiy bo’lim xodimi
1987-1990 y.y. – O’zbekiston Respublikasi Fanlar akademiyasining Falsafa va huquq institutining kichik ilmiy xodimi,
1990-1991 y.y. – O’zbekiston Respublikasi Tashqi ishlar vazirligining diplomatik korpusga xizmat ko’rsatuvchi “Konsul” tashqi savdo tashkilotining bosh muhandisi,
1991-1996 y.y. – Qoraqalpog’iston Respublikasi Vazirlar Kengashi huzuridagi “Qaraqalpaq Intorg” xorijiy davlatlar bilan hamkorlik birlashmasining Toshkent shahridagi vakolatxonasi direktori,
1996-2010 y.y. – Toshkent shahridagi “Stellor” sho’’ba korxonasi direktori,
2010-2018 y.y. – Toshkent shahridagi “Huquqiy biznes va konsalting agentligi” advokatlik byurosi maslahatchisi,
2018-2020 y.y. – Davlat xavfsizlik xizmati Qoraqalpog’iston Respublikasi boshqarmasi boshlig’i,
2020-2020 y.y. – O’zbekiston Respublikasi Prezidenti huzuridagi Orolbo’yi xalqaro innovatsiya markazi direktori
2020 yil 2 oktyabrda o’tkazilgan Qoraqalpog’iston Respublikasi Jo’qorg’i Kengesining navbatdan tashqari sessiyasida Qoraqalpog’iston Respublikasi Jo’qorg’i Kengesi Raisi etib saylandi.

 

Jo’qorg’i Kenges Raisi:

– Qoraqalpog’iston Respublikasining oliy qonun chiqaruvchi va ijroiya hokimiyati organlarining o’zaro hamkorlikda harakat qilishini ta’minlaydi;
– Jo’qorg’i Kenges va uning Prezidiumi majlislarini chaqiradi, ularda raislik qiladi;
– Jo’qorg’i Kenges muhokamasiga kiritiladigan masalalarni tayyorlashga umumiy rahbarlik qiladi;
– Respublikadagi vaziyat to’g’risida va yana boshqa ahamiyatli masalalar bo’yicha Jo’qorg’i Kengesga bayonatlar taqdim qiladi;
– O’zbekiston Respublikasining qonunlari va Oliy Majlis palatalarining boshqada qarorlarini, O’zbekiston Respublikasi Prezidentining farmonlari va boshqa aktlarini hayotga tatbiq qilishni tashkil etadi;
– qonun loyihalari va davlat hayotining boshqa muhim masalalarining umumxalq muhokamasini tashkil qiladi;
– Jo’qorg’i Kenges qabul qilgan qonunlar, qarorlar va Jo’qorg’i Kenges Prezidiumi qarorlarini imzolaydi;
– Qoraqalpog’iston Respublikasi qonunlari va Jo’qorg’i Kenges qarorlarining bajarilishida nazorat qilishni tashkil qiladi;
– Jo’qorg’i Kengesga Jo’qorg’i Kenges Raisining o’rinbosari, Jo’qorg’i Kengesning qo’mitalari va komissiyalari raislarini saylash uchun nomzodlarni tavsiya qiladi;
– Jo’qorg’i Kenges qo’mitalari va komissiyalarining faoliyatini muvofiqlashtirib boradi;
– parlamentlararo aloqalarni amalga oshirish ishlariga rahbarlik qiladi;
– xalq deputatlari mahalliy Kengashlarining qarorlarini to’xtatib qo’yish va bekor qilish masalasi bo’yicha Jo’qorg’i Kenges sessiyasiga taqdimnoma kiritadi;
– Qoraqalpog’iston Respublikasi Vazirlar Kengashining tuzilmalarini, uning xodimlari shtatlari va mehnatga haq to’lash fondini tasdiqlash to’g’risidagi masala bo’yicha Jo’qorg’i Kenges sessiyasiga  taqdimnoma kiritadi;
– O’zbekiston Respublikasi Prezidentining roziligi bilan Jo’qorg’i Kengesga Qoraqalpog’iston Respublikasi Vazirlar Kengashining Raisi lavozimiga nomzodni tavsiya qiladi;
– tuman, shahar hokimlarini va ularning o’rinbosarlarini, keyinchalik tegishli xalq deputatlari Kengashlarining tasdiqlashi bilan tayinlaydi va lavozimidan ozod qiladi;
– tuman, shahar hokimlarini va ularning o’rinbosarlarini rag’batlantiradi, shuningdek ularga nisbatan intizomiy choralarni qo’llaydi;
– Jo’qorg’i Kengesga Jo’qorg’i Kenges Prezidiumining roziligi bilan Qoraqalpog’iston Respublikasi Konstitutsiyaviy nazorat qo’mitasi raisi, urinbosari va a’zolarining lavozimiga nomzodlarni tavsiya qiladi;
– Jo’qorg’i Kengesga O’zbekiston Respublikasi Prezidentining roziligi bilan Qoraqalpog’iston Respublikasi sudining raisi va o’rinbosarlari, Qoraqalpog’iston Respublikasi ma’muriy sudining raisi va o’rinbosari lavozimlariga nomzodlar tavsiya qiladi;
– Jo’qorg’i Kengesga Jo’qorg’i Kenges Prezidiumining roziligi bilan Qoraqalpog’iston Respublikasi Ekologiya va atrof-muhitni muhofaza qilish qo’mitasining raisi lavozimiga nomzodni tavsiya qiladi;
– Qoraqalpog’iston Respublikasining davlat mukofatlariga va Qoraqalpog’iston Respublikasining faxriy unvonlariga tavsiya qiladi;
–  sudlangan fuqarolarni avf etish to’g’risida masala qo’yadi;
– Jo’qorg’i Kenges matbuot organining ustavini va tahrir hay’ati tarkibini hamda uning ishlashi uchun zarur xarajatlar smetasini tasdiqlaydi;
– Jo’qorg’i Kenges matbuot organining bosh muharririni tayinlaydi va uni lavozimidan ozod qiladi;
– harakatdagi qonunlar bilan ko’zda tutilgan boshqa vakolatlarni amalga oshiradi.