Ózbekstan Respublikası Ministrler Kabinetiniń 2025-jıl 24-oktyabrdegi 673-sanlı qararına muwapıq, xalıqtıń turaq jaylarınıń energiya nátiyjeliligin arttırıw boyınsha jańa sistema engizildi.

🔹Endi úyińiz energiya auditinen ótkeriledi. Qánigeler úyińizde energiya qay jerde artıqsha jumsalıp atırǵanın anıqlap beredi.

❗️Eń áhmietlisi - bul tekseriw qárejetleri 100 procent mámleket tárepinen qaplanadı.

🔹Bunnan keyin, úyińizde energiyanı únemlew ushın mámleket finanslıq járdem kórsetedi.

🔹Eger siz quyash panelleri yamasa basqa da úskenelerdi ornatsańız, qárejettiń
20 procentine shekemgi bólegine subsidiya ajıratıladı.

➡️ Máselen, eger 10 million sumlıq úskene ornatsańız - shama menen 2 million sumǵa shekem mámleket qaplap beredi.

🔹Íssılıq nasosları ushın bolsa 40 procentke shekem subsidiya beriledi.

🔹YAǵnıy 10 million sumlıq úskene ushın 4 million sumǵa shekem járdem alıw múmkin.

❗️Ámelde bul subsidiya muǵdarı belgilengen norma hám limitler sheńberinde qollanıladı.

📌 Bunnan tısqarı, turaq jaylardı energiya nátiyjeli etiw ushın "jasıl ońlaw" kreditleri arqalı finanslıq resurslar beriledi. Bul kreditler turaq jaylarda ıssılıqtı saqlaw, energiya jumsalıwın azaytıw hám zamanagóy únemlewshi úskenelerdi ornatıwǵa baǵdarlanǵan.

🔹 Eger kredit procent stavkası 19 procentten joqarı bolsa, mámleket procenttiń usı shegaradan artqan bólegin qaplap beredi. Biraq qaplap beriw muǵdarı 4 procentten artpawı belgilengen. Bul arqalı kredit júgi biraz jeńillestiriledi hám xalıq ushın tólem sharayatı qolaylasadı.

🖌Barlıq processler - arza beriw, subsidiya alıw hám kredit rásmiylestiriw - birden-bir sanlı platforma arqalı ámelge asırıladı. Sistema elektr, gaz hám kadastr maǵlıwmatları menen baylanısqan bolıp, barlıq processler avtomatikalıq hám ashıq-aydın tárizde tekseriledi.