Búgin Ózbekstan Qaharmanı, Ózbekstan hám Qaraqalpaqstan xalıq jazıwshı Tólepbergen Qayıpbergenovtıń tuwılǵan kúni

Ol 1929-jılı 7-may sánesinde Kegeyli rayonınıń Shortanbay awılında (házirgi Nókis rayonı aymaǵında) dúnyaǵa kelgen.

Onıń birinshi povesti "Sekretar" degen at penen basılıp shıǵadı. Eń dáslepki gúrriń hám ocherkleri "Bloknot sóyleydi" degen toplamında basılıp shıqtı. Házirge shekem "Muǵallimge raxmet", "Suwıq tamshı", "Uyqısız túnler" povestleri, "Qaraqalpaq qızı", "Qaraqalpaq dástanı", "Kózdiń qarashıǵı", "Qaraqalpaqnama" dóretpeleri, sonday-aq ǵárezsizlik dáwirine tiyisli "O dúnyaǵa atama xatlar", "Qálbimniń qamusı", "Turkiynama" hám taǵı basqa dóretpeleri házirgi qaraqalpaq prozasınıń bunnan bılay da rawajlanıwında úlken áhmietke ie bolıp tabıladı.

1974-jılı T.Qayıpbergenovqa "Qaraqalpaq xalıq jazıwshısı" degen ataq berildi. Bunnan basqa da "Qashqariy" atındaǵı xalıqaralıq sıylıǵınıń laureatı, "Húrmet belgisi" ordeni, hám qatar medallar menen sıylıqlandı.

2003-jılı ǵarezsizligimizdiń 12-jıllıǵı múnásibeti menen Ózbekstan hám Qaraqalpaqstan xalıq jazıwshısı Tólepbergen Qayıpbergenovqa, "Ózbekstan qaharmanı" ataǵı berildi.

Tólepbergen Qayıpbergenov júreklerimizde mángi jasaydı.