«Qaraqalpaq júweri gúrtigi» taǵamı geografiyalıq kórsetkish sıpatında mámleketlik dizimnen ótkerildi

Qaraqalpaqstan Respublikası aymaǵına tán bolǵan «Qaraqalpaq júweri gúrtigi» taǵamı geografiyalıq kórsetkish sıpatında Ádillik ministrligi tárepinen mámleketlik dizimnen ótkerildi.

Júweri qaraqalpaqlar turmısında zárúr xojalıq hám mádeniy áhmietke ie bolǵan dástúriy egin esaplanadı. «Qaraqalpaq júweri gúrtigi»n tayarlawda tómendegi tiykarǵı ónimlerden paydalanıladı: gósh (mal yaki tawıq góshi bolıwı múmkin), geshir, kartoshka, piyaz, júweri unı.

📌Geografiyalıq kórsetkish sıpatında dizimnen ótkeriliwi «Qaraqalpaq júweri gúrtigi» taǵamınıń atı hám dástúriy tayarlaw texnologiyasın huqıqıy qorǵaydı, sapa standartların bekkemleydi hám Qaraqalpaqstannıń aymaqlıq gastronomiyalıq brendin úgit-násiyatlaw imkaniyatın keńeytedi.

❗️Maǵlıwmat ushın: Geografiyalıq kórsetkish - ónimniń belgili bir aymaqqa tiyisli ekenligin hám onıń ózine tán ózgeshelikleri áyne sol aymaq penen baylanıslı ekenligin tastıyıqlawshı intellektuallıq múlk obekti bolıp esaplanadı.