Xojeli rayonında jaslar menen ushırasıw ótkerildi

«Piyshembi - jaslar kúni» múnásibeti menen Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov Xojeli rayonında jaslar menen ushırastı.

Dáslep Húrmetli Prezidentimizdiń «Qaraqalpaqstan Respublikasında tikkeley sırt el investiciyaların tartıw esabınan Jaslar sociallıq-ekonomikalıq orayın qurıw ilajları haqqında»ǵı 332-sanlı qararı tiykarında Xojeli rayonında shólkemlestirilip atırǵan Jaslar sociallıq-ekonomikalıq orayında bolıp, jaslaramız ushın jaratılıp atırǵan imkaniyatlar menen jaqınnan tanısıp shıqtı.

Bunnan soń, "Jaslar orayında" ámelge asırılıp atırǵan jumıslar, jaslarımızdıń bos waqıtların mazmunlı ótkeriw boyınsha ashılǵan dógerekler kózden ótkerilip, jaslar menen jaqınnan pikirlesti.

Sonıń menen bir qatarda, Joqarǵı Keńes Baslıǵınıń orınbasarı boks mektebi, málimleme-kitapxana orayı, "Kingsman" jeke mektep, mebel islep shıǵarıw "Raxat mebel" kárxanası, "Dr. Rustem" jeke klinika hám qaramal embrionların "In vitro" usılda tayarlaw laboratoriyasında bardı hám barlıq shárt-sharayatlar menen tanısıp shıqtı.