APIO: Saylandı komanda aǵzaları 4 medaldı qolǵa kirgizdi!

Aziya-Tınısh okeanı regionı informatika olimpiadası (APIO 2025) nıń juwmaqlawshı nátiyjeleri járiyalandı.

40 tan aslam mámleketten 900 ge jaqın oqıwshı-jaslar qatnasqan olimpiadada Ózbekstannan 4 jas programmist joqarı nátiyjelerdi kórsetti:

🥈Rayxana Sanakulova - Nawayı qalasındaǵı Prezident mektebi oqıwshısı - gúmis medal;

🥉 Jahonali Xaydaraliev - Muhammad al-Xorazmiy atındaǵı qánigelestirilgen mektebi oqıwshısı - bronza medal;

🥉 Timur Qadirbergenov - Nókis qalasındaǵı Prezident mektebi oqıwshısı - bronza medal;

🥉 Uluǵbek Rahmatullaev - Namangan qalasındaǵı Prezident mektebi oqıwshısı - bronza medal;

Jarıs usı jılı onlayn tárizde ótkerildi. Qatnasıwshılar 5 saat dawamında S++ tilinde quramalı algoritmlik máselelerdi sheshiw arqalı bellesti.

Xalıqaralıq dárejede ótkerilip atırǵan bul olimpiadada informatika páninen Saylandı komandamız aǵzası Rayxana Sanakulova dáslepki gúmis medalın qolǵa kirgizdi.