Green & Digital Solutions for Central Asia xakatonında «Enki Vision» komandası jeńimpaz boldı

Green & Digital Solutions for Central Asia xakatonınıń Ózbekstan basqıshı juwmaqlarına bola, «Enki Vision» komandası 1-orındı qolǵa kirgizdi.

Qatnasıwshılar turaqlı rawajlanıw ushın jasıl hám sanlı sheshimler jaratıw jolındaǵı innovaciyalıq joybarı menen belsene qatnasıp, tóreshiler quramı tárepinen joqarı bahalandı.

Bul xakaton Oraylıq Aziya mámleketlerinde "jasıl" texnologiyalar hám sanlı sheshimlerdi rawajlandırıw, klimat ózgeriwi hám ekologiyalıq mashqalalarǵa innovaciyalıq qatnaslardı qollap-quwatlaw maqsetinde shólkemlestirilip kelinbekte.

Tańlaw dawamında qatnasıwshılar hár qıylı tarawlar ushın ámeliy áhmietke ie bolǵan startap hám texnologiyalıq sheshimlerin usındı. «Enki Vision» komandası tárepinen usınılǵan joybar óziniń innovaciyalıq kózqarası hám ámeliy áhmieti menen ajıralıp turdı.

Tóreshiler tárepinen joybardıń tek ǵana texnologiyalıq tárepleri emes, al onıń ekologiyalıq turaqlılıqqa qosatuǵın úlesi de ayrıqsha atap ótildi.

Qolǵa kirgizilgen bul jeńis komandaǵa xalıqaralıq final basqıshında qatnasıw imkaniyatın berdi.

Endi «Enki Vision» komandası Qırǵızstanda bolıp ótetuǵın final basqıshında Ózbekstan Respublikası atınan qatnasadı hám mámleket abırayın qorǵaydı.