Karate WKF boyınsha Ózbekstan kubogınıń ashılıw máresimi ótkerildi

Nókis qalası 1-sanlı sport mektebinde sporttıń Karate WKF túrinen er balalar hám qızlar arasında Ózbekstan kubogı bolıp ótpekte.

Búgin jarıstıń ashılıw máresimi bolıp ótti.

Onda Qaraqalpaqstan Respublikası Joqarǵı Keńesiniń komitet baslıǵı M.Atamuratov shıǵıp sóylep, qatnasıwshılarǵa áwmet tiledi hám jaqsı nátiyjelerdi qolǵa kirgiziwine tilekleslik bildirdi.

Ilajda Ministrler Keńesi Baslıǵınıń orınbasarı B.Ótemuratov, Sport ministri E.Qutıbaev, Ózbekstan Milliy Olimpiya komiteti Qaraqalpaqstan bóliminiń atqarıwshı direktorı Sh.Aytbaevlar qatnastı.

Maǵlıwmat ushın jarısta Qaraqalpaqstan Respublikası, wálayatlar hám Tashkent qalasınan jámi 200 ge jaqın sportshılar jeńimpazlıq ushın bellesedi.