Joqarǵı Keńes Baslıǵınıń orınbasarı sońǵı qońıraw ilajında qatnastı

Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov Nókis qalasındaǵı Muhammed al-Xorezmiy atındaǵı qánigelestirilgen mektebinde ótkerilgen sońǵı qońıraw ilajında qatnastı.

Ilajda Ózbekstan Respublikası Prezidentiniӊ pitkeriwshi ul-qızlarǵa jollaǵan qutlıqlawı oqıp esittirildi.

Sonday-aq, Joqarǵı Keńes Baslıǵınıń orınbasarı mektep pitkeriwshilerin qutlıqladı.

Bunnan soń teńlesleri arasında ayrıqsha qábileti, bilimi hám úlgili minez-qulqı menen kózge túsken oqıwshılar, olardıń ata-anaları hám bilim bergen ustazlarına minnetdarshılıq bildirildi.

Ótkerilgen ilajda Prezidentimiz tárepinen elimizdiń keleshegi bolǵan jaslarǵa qaratılıp atırǵan itibar hám imkaniyatlar atap ótilip, bul imkaniyatlar tiykarında kóplegen jaslar ózleriniń talant hám uqıplılıǵın júzege shıǵarıp atırǵanı hám kóplegen jetiskenliklerge erisip kiyatırǵanlıǵı sóz etildi.

Ilaj dawamında sońǵı qońıraw qaǵıldı.