Joqarǵı Keńes Baslıǵınıń orınbasarı Balalar milliy medicina orayı Aralboyı klinikasındaǵı balalardı bayram múnásibeti menen qutlıqladı

«1-iyun – Xalıqaralıq balalardı qorǵaw kúni» bayramı respublikamız boyınsha orınlarda keń túrde belgilenbekte.

Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov Balalar milliy medicina orayı Aralboyı klinikasındaǵı balalardı bayram múnásibeti menen qutlıqladı.

Atap ótilgenindey, erteńgi keleshegimiz ieleri bolǵan balalardı hár tárepleme jetik, ozıq-oylı, ana Watanımızǵa sadıqlıq penen xızmet etetuǵın bárkamal áwlad etip kamalǵa keltiriw baǵdarında keń kólemli ilajlar ámelge asırılmaqta.

Ásirese, salamatlıǵın tiklep atırǵan ul-qızlardı ruwxıy jaqtan qollap-quwatlaw, olardıń qálbinde ómirge, keleshekke bolǵan isenimdi jáne de bekkemlew ayrıqsha áhmietke ie.

Ilaj sheńberinde klinikada emlenip atırǵan hár bir balaǵa itibar kórsetilip, Joqarǵı Keńes Baslıǵınıń orınbasarı tárepinen bayram sawǵaları tapsırıldı.