«Aral» futbol komandamız «Yaypan» ústinen isenimli jeńiske eristi
61
Búgin jańalanǵan Turan stadionında «Aral» futbol komandamız Pro Liganıń 20-turı sheńberinde «Yaypan» komandasına qarsı maydanǵa tústi.
Oyın júdá qızıqlı máwritlerge bay túrde ótti hám onda komandamız dáslepki minutlarınan baslamanı qolǵa aldı. Biraq, birinshi bolıp, «Aral» oyınnıń 7-minutında óz dárwazasınan top alıp shıqtı. Oyınnıń 11-minutında esap 1:1 kórinisine kelgen bolsa, 13-minutta 1:2 kórinisine, al, 29-minutta 1:3, 36-minutta 1:4 korinisine keldi. Oyın juwmaǵında komandamız 2:5 esabında isenimli jeńiske eristi.
Nátiyjede, Pro Liga oyınlarında jetekshilikti qoldan bermey kiyatırǵan komandamız gezektegi 3 ochkonı óz esabına jazıp qoydı hám jámi ochkalar sanın 49 ǵa jetkerdi.