Gazlespegen aymaqlarda elektr energiyası boyınsha bazalıq norma 350 kVt/saatqa shekem arttırıladı

Prezident Shavkat Mirziyoev gúz-qıs máwsiminde xalıqtı, ásirese, járdemge mútáj shańaraqlardı sociallıq qorǵaw boyınsha usınıslardıń prezentaciyası menen tanıstı.

✅ Prezentaciyada elektr energiyası, gaz, kómir hám kommunal xızmetler ushın tólemlerde ámeldegi qollap-quwatlaw mexanizmlerin keńeytiw máseleleri kórip shıǵıldı.

❗️Atap aytqanda, ısıtıw máwsiminde gazlespegen hám gaz jetip barmaǵan aymaqlarda elektr energiyası boyınsha bazalıq normanı 200 kilovatt-saattan 350 kilovatt-saatqa arttırıw usınısı maqullandı. Sonday-aq, dekabr ayında járdemge mútáj shańaraqlarǵa bir mártelik materiallıq járdem ajıratıw máselesin kórip shıǵıw usınıs etildi.

⚡️ Bunnan tısqarı, Sociallıq reestrge kirmegen járdemge mútáj shańaraqlardı qollap-quwatlaw kólemin keńeytiw, elektr energiyası hám gaz boyınsha bazalıq normadan artıq tutınıw qárejetleriniń bir bólegin qaplaw múddetin 2028-jıl 1-aprelge shekem sozıw usınıs etildi.

Nátiyjede, qollap-quwatlaw jáne 166 mıń shańaraqqa keńeyiwi, bul járdemnen bir jıl dawamında 470 mıń shańaraq paydalanıwı názerde tutılmaqta.