Aymaqlardıń rawajlanıwı hám xalıqtıń bántligi - tiykarǵı itibarda

Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov Tórtkúl rayonında bolıp, sociallıq-ekonomikalıq tarawlarda ámelge asırılıp atırǵan jumıslar hám jańa joybarlar menen tanıstı.

Úyreniwler dawamında "Shadlıq" MPJda xalıqqa sociallıq xızmet kórsetiw kompleksi hám ondaǵı "Mushtariy DSJN" oqıw orayınıń jumısı kózden ótkerildi. Sonday-aq, Prezidentimizdiń 62-sanlı qararı tiykarında 100 mln. sum jeńilletilgen kredit alıp, óz jumısın baslaǵan jas isbilermen Muhayyo Komilovanıń tigiwshilik jumısları úyrenildi hám máhálledegi jumıssız hayal-qızlardı jumıstı úyge alıp islew tiykarında bánt etiw boyınsha hákim járdemshisine tiyisli usınıslar berildi

Sonday-aq, Joqarǵı Keńes Baslıǵınıń orınbasarı "Gúlistan" MPJ aymaǵındaǵı "Baraka Tekstil Group" JShJ jumısı menen jaqınnan tanıstı. Bul kárxanada 180 jumısshı turaqlı jumıs penen bánt bolıp, ótken 2025-jılı 21 mlrd. sumnan aslam ónim islep shıǵarılǵan hám sırt elge 1,7 mln. dollarlıq ónim jiberilgen.

Bunnan keyin aymaqtaǵı Sport mektebiniń jumısı úyrenilip, jaslardıń shuǵıllanıwı ushın jaratılǵan sharayatlar kózden ótkerildi. "Beruniy" MPJ belsendileri menen ótkerilgen sáwbette bolsa xalıqtıń abadanlıǵın támiyinlew máseleleri dodalandı.

Bunday úyreniwler aymaqlardaǵı "ósiw noqatları"n anıqlaw, isbilermenlerdi qollap-quwatlaw hám xalıqtıń abadanlıǵın támiyinlewge xızmet etedi.