Futbol boyınsha Qaraqalpaqstan chempionatı 2-liga oyınları dawam etpekte

Jaqında futbol boyınsha «Joqarǵı Keńes Baslıǵı kubogı, Qaraqalpaqstan XXXIII chempionatı 2-liga» oyınlarına start berilgen edi.

Chempionat dáslep 4 aymaqqa bólingen halda yaǵnıy, oraylıq, arqa, batıs hám qubla aymaqlarda ótkerilmekte. Onda respublikamız boyınsha 22 komanda qatnaspaqta.

1-tur oyınları sheńberinde «Altınkól» hám «Xoja eli» komandaları maydanǵa túsip, oyın juwmaǵında 1:7 esabında «Xoja eli» komandası jeńiske eristi.

Sonday-aq, «Shaxtemir» hám «Aqmanǵıt» komandaları arasında ótken oyında qarsılaslardıń imkaniyatları teń boldı, esap 1:1.

«Doslıq» hám «QQRFM» arasında ótken oyın juwmaǵında bolsa, «Doslıq» komandası 2:0 esabında dáslepki ochkolardı óz esabına jazıp qoydı.

Liga oyınları, qala hám rayonlarda qızǵın túrde dawam ettirilmekte.