«Besqala mining Valley» arnawlı mayning zonasınıń rezidenti sıpatında dizimnen ótiw ushın tiykarǵı talap hám shártler tastıyıqlandı

     📌Oǵan muwapıq:

     🔹Rezidenttiń ustav kapitalında iesi hám (yamasa) sońǵı beneficiar múlk iesi sıpatında tómendegi shaxslardıń qatnasıwına jol qoyılmaydı:

       (a) usı talap hám shártlerdiń 6-bántinde kórsetilgen shaxslar;

       (b) jınayıy jumıstan alınǵan dáramatlardı legallastırıwǵa, terrorizmdi qarjılandırıwǵa hám ǵalabalıq qırǵın quralın tarqatıwdı qarjılandırıwǵa qarsı gúresiw tarawında xalıqaralıq birge islesiwge qatnaspay atırǵan mámleketlerde dizimge alınǵan kompaniyalar          hám turaqlı jasap atırǵan, turǵan yamasa dizimge alınǵan shaxslardıń bolıwına (qatnasıwına).        

     🔹Jasırın mayning, anonim kripto-aktivler mayningin hám burın aylanısta bolǵan kripto-aktivlerdi aylanısqa kirgiziwge jol qoyılmaydı.

     🔹Kripto-aktivler aylanısı tarawındaǵı nızamshılıq hújjetleriniń talaplarına ámel etiw kerek. 

     🔹Kripto-aktivler aylanısı tarawındaǵı wákillikli uyımnıń talabına muwapıq jumıs haqqındaǵı maǵlıwmatlardı biypul usınıw zárúr.

     🔹Arnawlı zonada jumıs alıp barıw ushın nızamshılıq hújjetleri menen belgilengen ajıratpalardı óz waqtında hám tolıq tólew shárt.