«Destination Karakalpakstan 2026» forumı ótkerildi

Búgin Nókis qalasındaǵı «Aq qus» kompleksinde Qaraqalpaqstan Respublikasınıń turizm potencialın xalıqaralıq maydanda úgit-násiyatlawǵa qaratılǵan «Destination Karakalpakstan 2026» dáslepki destinaciya forumı ótkerildi.

Ilajdıń ashılıwında Qaraqalpaqstan Respublikası Joqarǵı Keńesiniń komitet baslıǵı M.Atamuratov shıǵıp sóylep, ilaj ashılıwı múnásibeti menen jıynalǵanlardı qutlıqladı.

Atap ótilgenindey, sońǵı jılları barlıq tarawlar qatarında ekonomikamızdıń áhmietli tarmaqlarınıń biri bolǵan turizmdi rawajlandırıwǵa da ayrıqsha itibar qaratılıp, bul baǵdarda keń kólemli ilajlar dawam ettirilmekte.

Mine usınday jaratıp berilgen imkaniyatlar nátiyjesinde elimizdiń turizm potencialı ele de artıp, sırt elli miymanlardıń elimizge bolǵan qızıǵıwshılıǵı artpaqta.

Ótkerilgen forumda usınday ilajlar atap ótildi hám forum dawamında regionımızda turizm strukturasın rawajlandırıw, jańa turistlik ónimlerdi qáliplestiriw hám xalıqaralıq turizm bazarına keńnen kirip barıw máseleleri talqılandı.