«Jas Watanlaslar forumı» kóterińki ruxta ótkerildi

Ellikqala rayonında «Jas Watanlaslar forumı»nıń saltanatlı ashılıwı máresimi ótkerildi.

Onda Qaraqalpaqstan Respublikası Joqargı Keńesi Baslıǵınıń orınbasarı R.Nurazizov shıǵıp sóylep, forum ashılıwı múnásibeti menen jıynalǵanlardı qutlıqladı.

Atap ótilgenindey, sońǵı jıllarda sırt elde jasap atırǵan watanlaslar menen turaqlı qarım-qatnas ornatıw, olardıń mámleketimizde alıp barılıp atırǵan reformalardaǵı qatnasın qollap-quwatlaw, sonday-aq, huqıqları menen máplerin hár tárepleme qorǵaw mámleketimiz siyasatınıń áhmietli baǵdarlarınan birine aylandı.

Mine usınday imkaniyatlar nátiyjesinde jaslarımız arasınan elimizdiń dańqın dúnyaǵa tanıtıp atırǵan kóplegen jaslar jetilisip shıqpaqta. Usı qatarda, búgin dúnya boyınsha túrli tarawlarda bilim alıp,jumıs islep, joqarı nátiyjelerge erisip atırǵan jaslar sanı artıp barmaqta.

Ótkerilgen forum da mine usınday Watanlaslarımızdıń joqarı nátiyjelerin kópshilikke kórsetip, olardıń bilim hám tájiriybesin elimiz rawajlanıwına baǵdarlaytuǵın áhmietli ortalıqlardıń biri boldı.

Onda elimizge hám dúnyaǵa belgili Watanlaslarımız, úmitli hám kópshilikke úlgi bolıp atırǵan jaslar qatnastı.

Forum sheńberinde Ózbekstan xalıq shayırları A.Aripov hám Muhammad YUsuf esteligine gúl qoyıw máresimi, Ámir Temur hám Muhammad YUsuf tuwılǵan kúni múnásibeti menen ótkerilgen dóretiwshilik jumıslar tańlawınıń jeńimpazların sıylıqlaw máresimi, hám basqa da bir qatar ilajlar ótkerildi.