Taxtakópir rayonında «Jaslar orayı» imarati paydalanıwǵa tapsırıldı

Húrmetli Prezidentimizdiń Qaraqalpaqstan Respublikasına saparı dawamında belgilep berilgen wazıypalardıń orınlanıwın támiyinlew maqsetinde Taxtakópir rayonı orayınan zamanagóy kórinistegi jaslar orayı imarati qurıp pitkerilip, paydalanıwǵa tapsırıldı.

Búgin jańa imarattıń ashılıw saltanatı ótkerilip, ilajǵa Qaraqalpaqstan Respublikası Joqarǵı Keńesiniń komitet baslıǵı M.Atamuratov, rayon hákimi J.Adilov,  Qaraqalpaqstan Respublikası Jaslar isleri basqarmasınıń baslıǵı P.Maxsetbaev hám keń jámietshilik wákilleri qatnastı.

Ulıwma 5 mlrd. 321 mln. sum qarjı tiykarında qurılǵan imaratta jaslardıń bos waqıtların mazmunlı ótkeriwi ushın «Book kafe», «Zakovat» klubı, shaxmat-shashka, shet tilleri hám matematika pánlerin oqıtıw orayları shólkemlestirilip, jaslar ushın barlıq qolaylı sharayatlar jaratılǵan.