Nókis mámleketlik texnika universiteti jasları xalıqaralıq maydanǵa shıqpaqta
Nókis mámleketlik texnika universiteti studentleri Tashkent qalasında ótkerilgen «Keleshek injenerleri» festivalı sheńberindegi «Uzbekistan FIRST Championship 2026» texnologiyalıq tańlawında tabıslı qatnasıp, joqarı nátiyjege eristi.
Atap aytqanda, universitettiń «Nukus Tech Robotics» komandası óziniń ayrıqsha qábiletin kórsetip, Qıtayda bolıp ótetuǵın «FIRST Tech Challenge China Championship 2026» jarısında qatnasıw ushın rásmiy jollamanı qolǵa kirgizdi.
Sonı da ayrıqsha aytıw kerek, tańlaw robototexnika, programmalastırıw hám injenerlik baǵdarların qamtıp alǵan bolıp, onda qatnasıwshılar ózleri jaratqan robotlar arqalı arnawlı wazıypalardı orınlaw, innovaciyalıq texnikalıq sheshimler islep shıǵıw hám jámiette islesiw kónlikpelerin kórsetiw ushın imkaniyat maydanına aynaldı. Bul jarıs jaslardıń zamanagóy texnologiyalar tarawındaǵı bilim hám potencialın rawajlandırıwǵa xızmet etedi.