5 jıl jumıs stajına ie hayal-qızlarǵa usınısnama qashannan baslanadı?

Húrmetli hayal-qızlar!

✔️Ózbekstan Respublikası Prezidentiniń 2025-jıl 16-sentyabrdegi PQ-286-sanlı qararı orınlanıwın támiyinlew maqsetinde, usı jılı joqarı bilimlendiriw mákemelerine kiriw ushın tómendegi kategoriyadaǵı hayal-qızlarǵa usınısnamalar beriw procesi Birden-bir interaktiv mámleketlik xızmetler portalı (my.gov.uz) arqalı ámelge asırılıwı belgilengen:

- qánigeligi boyınsha keminde bes jıl miynet stajı bar, biraq, joqarı maǵlıwmatqa ie bolmaǵan hayal-qızlar (qosımsha tólemli-kontrakt tiykarındaǵı qabıllaw kórsetkishleri sheńberinde tańlawda qatnasıw ushın).

- járdemge mútáj shańaraqlardaǵı hayal-qızlar (qosımsha mámleketlik grant tiykarındaǵı qabıllaw kórsetkishleri sheńberinde tańlawda qatnasıw ushın).

Házirgi waqıtta bul xızmetlerdi sistemada tolıq hám sapalı jolǵa qoyıw boyınsha texnikalıq sazlaw hám ámeliyatqa engiziw jumısları juwmaqlanbaqta.

📌Usı múnásibet penen, usınısnama alıw ushın arzalardı qabıllaw múddetleri hám tártibi jaqın kúnlerde rásmiy kanallar arqalı qosımsha túrde járiyalanadı.