Qaraqalpaqstan Respublikasındaǵı tómen kúshleniwli elektr tarmaqların modernizaciyalawdıń maqsetli kórsetkishleri belgilendi

Húrmetli Prezidentimizdiń tapsırması menen Ministrler Kabinetiniń “Qaraqalpaqstan Respublikası hám Surxandárya walayatında elektr támiynatın jaqsılawǵa qaratılǵan baǵdarlamanı ámelge asırıw is-ilajları haqqında”ǵı qararı qabıl etildi.

Qarar menen 2026-2029-jıllarda Qaraqalpaqstan Respublikasındaǵı tómen kúshleniwli elektr tarmaqların modernizaciyalawdıń maqsetli kórsetkishleri belgilendi. YAǵnıy, usı jıllar aralıǵında Qaraqalpaqstanda 688 mlrd. 316,4 mln. sum qarjı esabınan qurılıs-modernizaciya jumısları ámelge asırıladı.

Sonnan, 216 mlrd. 473,5 mln. sum esabınan 850,9 km tarmaq, 214 tranformator punkti, 24 bólistiriw qurılması hám 11 yacheyka komplekti jańadan qurıladı.

Bunnan tısqarı, 471 mlrd. 842,9 mln sum qarjı esabınan 2 mıń 599,6 km uzatıw tarmaǵı, 197 transformator punktlerinde modernizaciya hám rekonstrukciya jumısları alıp barıladı.

Eń tiykarǵısı, bul jumıslardıń ámelge asırılıwı nátiyjesinde xalıqtı jıllar dawamında qıynap kelgen mashqalalarǵa sheshim tabıladı.