Qaraqalpaqstan jasları ushın qosımsha imkaniyatlar jaratıldı

Mámleketlik komissiyanıń tiyisli protokolına muwapıq, 2026/2027-oqıw jılı ushın Qaraqalpaqstanlı jaslar joqarı bilimlendiriwge kiriwde tómendegi 2 qosımsha imkaniyatlarǵa ie boldı.

1️⃣ 1-imkaniyat:

2026-jıl 2-6-oktyabr kúnleri Qaraqalpaqstan Respublikasında turaqlı jasawshı hám kiriw imtixanlarında 68 ball hám onnan joqarı nátiyje kórsetip, mámleketlik joqarı oqıw orınlarınıń kúndizgi tálim formasına tólemli-kontrakt tiykarında studentlikke usınıs etilgen jaslar 500 maqsetli qabıllaw parametrleri ushın dizimnen ótedi.

Dizimnen ótiw my.uzbmb.uz saytı arqalı ámelge asırıladı. Onda abiturientler studentlikke usınıs etilgen joqarı oqıw ornı hám tálim baǵdarı boyınsha tańlawda qatnasadı.

Dizimnen ótken abiturientler ótkerilgen kiriw imtixanları nátiyjesine muwapıq toplaǵan balları izbe-izligine qatań ámel etken halda maqsetli qabıllaw parametrlerine usınıs etiledi.

2️⃣ 2-imkaniyat:

Qaraqalpaqstan Respublikası Ministrler Keńesiniń múrájatına muwapıq Bilim hám mamanlıqlardı bahalaw agentligi tárepinen bakalavriat tálim baǵdarları kesiminde tólemli-kontrakt tiykarında wálayatlardaǵı mámleketlik joqarı oqıw orınlarına qosımsha 6 500 qabıllaw parametrleri tastıyıqlandı.

Onda bazalıq tólemli-kontrakt tiykarındaǵı qosımsha qabıllaw parametrleri mámleketlik joqarı oqıw orınlarınıń bakalavriat tálim baǵdarlarına abiturient sıpatında dizimnen ótken Qaraqalpaqstan Respublikasındaǵı ulıwma orta, orta arnawlı hám professional bilimlendiriw shólkemlerin tamamlaǵan, ótkerilgen kiriw imtixanlarınıń nátiyjelerine bola 56,7 hám onnan joqarı ball toplaǵan, biraq, studentlikke usınıs etilmegen abiturientler esabınan qáliplestiriledi.

Tańlaw protokolları tiyisli joqarı oqıw orınlarına belgilengen tártipte rásmiylestiriw ushın jetkeriledi.