Búgin húrmetli Prezidentimiz Shavkat Mirziyoev «Jańa Ózbekstan» universitetine barıp, bilimlendiriw sistemasındaǵı jetiskenlikler kórgizbesi menen tanıstı jáne Muǵallimler hám ustazlar menen ushırasıw ótkerdi.

Ótkerilgen ushırasıwda Nókis qalasınan Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ministrler Keńesiniń Baslıǵı F.Ermanov, bir topar taraw wákilleri videobaylanıs arqalı qatnastı.

Ushırasıw aldınan Prezidentimizdiń «Muǵallimler hám ustazlar kúni múnásibeti menen bilimlendiriw-tárbiya sistemasında ayrıqsha órnek kórsetken xızmetkerlerden bir toparın sıylıqlaw haqqında»ǵı pármanı menen sıylıqlanǵan taraw wákillerine Joqarǵı Keńes Baslıǵı mámleketlik sıylıqlardı tapsırdı.