Isbilermenlerdiń mashqalaları tınlandı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev búgin Kegeyli rayonında Kegeyli hám Shımbay rayonlarındaǵı jańa joybarlar baslamashıları bolǵan isbilermenler menen ushırastı.

Dáslep, Joqarǵı Keńes Baslıǵı húrmetli Prezidentimiz tárepinen Qaraqalpaqstan ushın óz aldına qabıl etilgen qarar hám pármanları tiykarında jaratılǵan sharayatlar haqqında atap ótti.

Sonday-aq, óz biznesin shólkemlestirip, jańa joybarlardı ámelge asırıp atırǵan isbilermenlerdiń pikir-usınısları tıńlandı.

Óz náwbetinde, isbilermenler tárepinen bank kreditleri, joybarlardı qarjılandırıw, kadastr hújjetlerin islep beriw sıyaqlı máseleler kóterildi.

Hár bir kóterilgen másele belgilep alındı. Isbilermenlerdiń baslamaların qollap-quwatlaw, olarǵa jaqınnan járdem beriw, jańa joybarlardı iske qosıw arqalı xalıqtıń bántligin támiyinlew boyınsha juwapkerlerge anıq tapsırmalar berildi.