Taxtakópir rayonında bántlik hám isbilermenlik yarmarkası shólkemlestirildi

Búgingi kúnde puqaralardıń bántligin támiyinlew, olardıń qosımsha dáramat alıwına hám óz isbilermenligin baslawına járdemlesiw baǵdarında bir qatar ámeliy ilajlar alıp barılmaqta.
Usınday baslamalar qatarında búgin Taxtakópir rayonı Mádeniyat orayı aldında «Kámbaǵallıqtan – abadanlıqqa» háreketi sheńberinde bos jumıs orınları hám úy sharayatında kishi biznes penen shuǵıllanıw ushın arnawlı ásbap-úskeneler yarmarkası ótkerildi.
Ilajǵa Qaraqalpaqstan Respublikası Joqarǵı Keńesiniń komitet baslıǵı M.Atamuratov, rayon hákimi J.Adilov, jaslar hám keń jámiyetshilik wákilleri qatnastı.
Yarmarkada úy sharayatında biznes baslaw ushın zárúr texnika, ásbap-úskeneler, sonday-aq, sociallıq qollap-quwatlawǵa mútáj shańaraqlar ushın berilgen jeńillik hám imkaniyatlar kórsetildi.
Jumıssız hám sociallıq reestrge kirgizilgen xalıq qatlamı ushın barlıq jeńillikler, subsidiyalar hám járdem túrleri tolıq túsindirildi, zárúr maǵlıwmatlar berilip, imkaniyatlar kórsetildi.
Bunnan tısqarı, úy sharayatında óz biznesin baslap, qosımsha dáramat alıw niyetinde bolǵan puqaralar ushın sol orınnıń ózinde arnawlı ásbap-úskeneler tarqatıldı.
.jpg)

.jpg)