QARAQALPAQSTAN RESPUBLIKASÍNÍŃ AYÍRÍM NÍZAMLARÍNA ÓZGERISLER HÁM QOSÍMShALAR KIRGIZIW HAQQÍNDA

Qaraqalpaqstan Respublikasınıń Nızamı

1-statya. Qaraqalpaqstan Respublikasınıń 2005-jıl 14-may kúngi «Qaraqalpaqstan Respublikası Joqarǵı Keńesi deputatınıń statusı haqqında»ǵı 33/III-sanlı Nızamına tómendegi ózgeris hám qosımshalar kirgizilsin: 1) 2-statyanıń tekstindegi «Qaraqalpaqstan Respublikası Joqarǵı Keńesi haqqında»ǵı Qaraqalpaqstan Respublikası Nızamına, Qaraqalpaqstan Respublikası Joqarǵı Keńesiniń Reglamentine» degen sózler «Qaraqalpaqstan Respublikası Joqarǵı Keńesi haqqında»ǵı, «Qaraqalpaqstan Respublikası Joqarǵı Keńesiniń Reglamenti haqqında»ǵı Qaraqalpaqstan Respublikası Nızamları, usı Nızam» degen sózler menen almastırılsın. 2) 8-statyanıń ataması tómendegi mazmunda bayan etilsin: 8-statya. Deputatlıq sorawnama 3) 16-statyanıń úshinshi bólimindegi «eń kem is haqınıń úsh esesi muǵdarında» degen sózler «bazalıq esaplaw muǵdarınıń úsh esesinde» degen sózler menen almastırılsın. 2-statya. Qaraqalpaqstan Respublikasınıń 2005-jıl 14-may kúngi «Xalıq deputatları rayonlıq hám qalalıq Keńesi deputatınıń statusı haqqında»ǵı 35/III-sanlı Nızamına tómendegi ózgeris hám qosımshalar kirgizilsin: 8-statyanıń ataması tómendegi mazmunda bayan etilsin: 8-statya. Deputatlıq sorawnama 3-statya. Qaraqalpaqstan Respublikasınıń 2016-jıl 21-sentyabr kúngi «Qaraqalpaqstan Respublikası Joqarǵı Keńesi haqqında»ǵı 99/X-sanlı Nızamına tómendegi ózgeris hám qosımshalar kirgizilsin: 1) 17-statyanıń onınshı bántindegi «mámleketlik hákimiyat hám» degen sózlerinen keyin «xojalıq» degen sóz benen tolıqtırılsın. 2) 17-statya tómendegi on birinshi bánt penen tolıqtırılsın: 11) mámleketlik uyımlar, xojalıq basqarıw uyımları tárepinen nızamlardıń, Jokarǵı Keńes qararlarınıń orınlanıw jaǵdayı, huqıqtı qollanıw ámeliyatın waqtı-waqtı menen orınlarǵa shıǵıp úyrenedi. 3) 8-statyanıń 30-bántindegi «Qaraqalpaqstan Respublikası Ekologiya hám qorshaǵan ortalıqtı qorǵaw komiteti baslıǵınıń,» degen sózler alıp taslansın. 4-statya. Qaraqalpaqstan Respublikasınıń 2016-jıl 10-iyun kúngi «Qaraqalpaqstan Respublikası Joqarǵı Keńesiniń Reglamenti haqqında»ǵı 88/IX-sanlı Nızamına tómendegi ózgeris hám qosımshalar kirgizilsin: 1) 20-statyanıń altınshı bólimi tómendegi redakciyada bayan etilsin: Komitetler hám komissiya sanı hám quramı sessiyada belgilenedi. Joqarǵı Keńes quramında, ádette, tómendegi komitetler hám komissiya dúziliwi múmkin: Byudjet, ekonomikalıq reformalar, investiciyalar, innovaciya hám turizm máseleleri komiteti; Nızamlılıq, sud-huqıq hám korrupciyaǵa qarsı gúresiw máseleleri komiteti; Sanaat, qurılıs, transport hám málimleme texnologiyaları máseleleri komiteti; Sociallıq-mádeniy rawajlanıw, jaslar siyasatı hám jámiyetlik birlespeler máseleleri komiteti; Agrar, suw xojalıǵı, tábiyattı qorǵaw hám ekologiya máseleleri komiteti; Jergilikli hákimiyattıń wákillikli hám puqaralardıń ózin-ózi basqarıw uyımları hám de mámleketlik uyımlardıń ashıqlıǵın támiyinlew máseleleri komiteti; Reglament hám deputatlıq ádeplilik máseleleri komissiyası. 2) 32-statya: Usı statyanıń atamasındaǵı «Qaraqalpaqstan Respublikasınıń» degen sózlerinen keyin «respublika» degen sóz benen tolıqtırılsın. birinshi bólimdegi «Qaraqalpaqstan Respublikasınıń» degen sózlerinen keyin «respublika» degen sóz benen tolıqtırılsın. 3) 33-statyanıń: a) atamasındaǵı «Qaraqalpaqstan Respublikasınıń» degen sózlerinen keyin «respublika» degen sóz benen tolıqtırılsın. b) birinshi bólimindegi «Qaraqalpaqstan Respublikasınıń» degen sózlerinen keyin «respublika» degen sóz benen tolıqtırılsın. 4) 59-statyanıń 3-bólimindegi «Qaraqalpaqstan Respublikası puqaralıq isler boyınsha sudı, Qaraqalpaqstan Respublikası jınayat isleri boyınsha sudı, Qaraqalpaqstan Respublikası hákimshilik sudı hám Qaraqalpaqstan Respublikası ekonomikalıq sudınıń baslıqları,» degen sózler «Qaraqalpaqstan Respublikası sudı, Qaraqalpaqstan Respublikası hákimshilik sudınıń baslıqları,» degen sózler menen almastırılsın. 5) 62-statyanıń: a) atamasındaǵı hám birinshi, ekinshi hám úshinshi bólimlerindegi «Qaraqalpaqstan Respublikası Ekologiya hám qorshaǵan ortalıqtı qorǵaw komiteti baslıǵınıń,» degen sózler alıp taslansın. b) atamasındaǵı «esabatların» degen sóz «esabatın» degen sóz benen almastırılsın. v) birinshi hám ekinshi bólimlerdegi «esabatları» degen sóz «esabatı» degen sóz benen almastırılsın. g) úshinshi bólimdegi «esabatların, juwmaqları hám qararlar» degen sózler «esabatın, juwmaǵı hám qarar» degen sózler menen almastırılsın. Usı bólimdegi «Qaraqalpaqstan Respublikası Ekologiya hám qorshaǵan ortalıqtı qorǵaw komitetine hám» degen sózler alıp taslansın. 5-statya. Qaraqalpaqstan Respublikasınıń 2016-jıl 28-dekabr kúngi «Parlamentlik qadaǵalaw haqqında»ǵı 117/XIII -sanlı Nızamına tómendegi ózgeris hám qosımshalar kirgizilsin: 1) 5-statya: birinshi bólimniń ekinshi abzacı tómendegi redakciyada bayan etilsin: «Qaraqalpaqstan Respublikası respublika byudjetiniń orınlanıwın qarap shıǵıw»; birinshi bólimniń tórtinshi-on úshinshi abzacları tómendegi mazmundaǵı tórtinshi-on tórtinshi abzaclar menen almastırılsın: Ministrler Keńesi Ózbekstan Respublikası Prezidentiniń Ózbekstan Respublikası Oliy Majlisine Múrájatnamasınan kelip shıǵatuǵın, tiyisli jılǵa mólsherlengen mámleketlik baǵdarlamasınıń orınlanıwınıń barısı haqqındaǵı esabatın qarap shıǵıw; Ministrler Keńesi Baslıǵınıń respublikanıń sociallıq-ekonomikalıq rawajlanıwınıń ayırım áhmiyetli máseleleri boyınsha esabatın tıńlaw; Joqarǵı Keńes sessiyasında húkimet aǵzalarınıń, mámleketlik uyımlar, xojalıq basqarıw uyımları basshılarınıń óz jumısına baylanıslı máseleleri boyınsha málimlemesin tıńlaw; Qaraqalpaqstan Respublikası Prokurorınıń esabatın tıńlaw; Qala hám rayon hákimleriniń tiyisli aymaqtı rawajlandırıw máseleleri boyınsha esabatların tıńlaw; Ózbekstan Respublikası Oraylıq banki Qaraqalpaqstan Respublikası Bas basqarması baslıǵınıń esabatın tıńlaw; parlamentlik soraw; Joqarǵı Keńes deputatınıń sorawı; Joqarǵı Keńes komitetleri tárepinen mámleketlik uyımlar, xojalıq basqarıw uyımları; Joqarǵı Keńes komitetleri tárepinen nızam hújjetleriniń orınlanıwı jaǵdayın, huqıqtı qollanıw ámeliyatın úyreniw hám nızam astı aktleriniń qabıl etiliwi boyınsha monitoringti júrgiziw; Parlamentlik tekseriw. 2) 6-statya alıp taslansın. 3) Tómendegi mazmundaǵı 8¹-statyası menen tolıqtırılsın: «8¹-statya. Ministrler Keńesi Ózbekstan Respublikası Prezidentiniń Ózbekstan Respublikası Oliy Majlisine Múrájatnamasınan kelip shıǵıp, tiyisli jılǵa mólsherlengen mámleketlik baǵdarlamanıń orınlanıwı barısı haqqındaǵı esabatın qarap shıǵıwMinistrler Keńesiniń Baslıǵı Húkimet aǵzaları menen birgelikte hár sherekte Joqarı Keńeske Ózbekstan Respublikası Prezidentiniń Ózbekstan Respublikası Oliy Majlisine Múrájatnamasınan kelip shıǵıp, tiyisli jılǵa mólsherlengen mámleket baǵdarlamasınıń orınlanıwı haqqında esabat usınıs etedi. Frakciyalar, deputatlar toparları, Joqarı Keńes komitetleri Ministrler Keńesiniń esabatın dáslepki tárzde qarap shıǵadı hám Joqarǵı Keńes sessiyasında májburiy túrde hám hár tárepleme dodalanıwı kerek bolǵan pikirler hám usınıslardı islep shıǵadı. Joqarǵı Keńes Ministrler Keńnesiniń esabatın qarap shıǵıw juwmaqları boyınsha qarar qabıl etedi, qarar Ózbekstan Respublikası Prezidentiniń Ózbekstan Respublikası Oliy Majlisine Múrájatnamasınan kelip shıǵıp, tiyisli jılǵa mólsherlengen mámleketlik baǵdarlamanı orınlaw boyınsha húkimet jumısınıń nátiyjeliligin asırıwǵa qaratılǵan usınıslardı óz ishine alıwı múmkin. Ministrler Keńesiniń esabatın qarap shıǵıw juwmaqları boyınsha qabıl etilgen Joqarǵı Keńes qararları Ministrler Keńesine jiberiledi». 4) 10-statyanıń tórtinshi bólimindegi «eki márte» degen sózler «tórt márte» degen sózler menen almastırılsın. 5) 12-statya alıp taslansın. 6) tómendegi mazmundaǵı 17¹-statyası menen tolıqtırılsın: 17¹- Parlamentlik tekseriw Jámiyet hám mámlekettiń eń zárúrli máplerine qatnaslı, mámleket qáwipsizliginiń tiykarlarına, onıń turaqlı rawajlanıwına unamsız tásir kórsetiwi múmkin bolǵan belgili bir faktlerdi yamasa waqıyalardı úyreniw maqsetinde Joqarǵı Keńestiń qararı menen parlamentlik tekseriw ótkeriliwi múmkin. Joqarǵı Keńes parlamentlik tekseriwin ótkeriw ushın tiyislisinshe Joqarǵı Keńes deputatları arasınan komissiya dúzedi. Komissiya parlamentlik tekseriwdi ótkeriwde tómendegilerge haqılı: mámleketlik uyımlardıń, xojalıq basqarıwı uyımlarınıń wákillerin, qánigelerin, ekspertlerdi hám ilimpazlardı komissiya jumısına qosıwǵa; mámleketlik uyımlardan, xojalıq basqarıw uyımlarınan, basqa da uyımlardan, sonıń menen birge puqaralardan zárúr maǵlıwmatlardı sorap alıwǵa; mámleketlik uyımlardıń, xojalıq basqarıw uyımlarınıń, basqa da uyımlardıń lawazımlı shaxsların, sonıń menen birge puqaralardı túsinikler beriw ushın mirát etiwge; Komissiya Joqarǵı Keńestiń qararına muwapıq basqa da huqıqlarǵa iye bolıwı múmkin. Komissiya tiyislisinshe Joqarǵı Keńesti orınlanǵan jumıslar haqqında Joqarǵı Keńes tárepinen belgilengen múddette xabardar etedi. 6-statya. Qaraqalpaqstan Respublikasınıń 1993-jıl 9-aprel kúngi «Qaraqalpaqstan Respublikasınıń Mámleketlik gerbi haqqında»ǵı 258/XII-sanlı Nızamına tómendegi ózgeris hám qosımshalar kirgizilsin: 4-statyanıń tórtinshi bántindegi ekinshi abzac tómendegi redakciyada bayan etilsin: Qaraqalpaqstan Respublikası Joqarǵı Keńesi hám onıń Prezidiumı qararlarınıń; 7-statya. Qaraqalpaqstan Respublikasınıń 2009-jıl 8-oktyabr kúngi «Muzeyler haqqında»ǵı 249/III –sanlı Nızamına tómendegi ózgeris hám qosımshalar kirgizilsin: 1) Tómendegi mazmundaǵı 27¹-statyası menen tolıqtırılsın: «27¹-statya. Muzeylerdiń jumıs túrleri Muzeyler nızamshılıqta qadaǵan etilmegen hám de usı Nızamnıń 24-statyasında názerde tutılǵan muzeylerdi shólkemlestiriw maqsetlerine say bolǵan jumıs túrlerin óz shólkemlestiriw hújjetlerine muwapıq ámelge asırıwı múmkin. Bunda muzeyler tárepinen muzey buyımları hám muzey kollekciyalarınıń pútin saqlanıwı támiyinleniwi kerek». 2) 28-statya tómendegi mazmundaǵı tórtinshi bólim menen tolıqtırılsın: «Mámleketlik muzeylerine pullı xızmetler kórsetiwden, qayırqomlıqlardan hám de nızamshılıqta qadaǵan etilmegen basqa dereklerden kelip túsetuǵın qarjılar kelesi jıl ushın byudjetten qarjılardırıw kólemin belgilewde esapqa alınbaydı hám bul qarjılar esabınan byudjetten qarjılandırıw muǵdarı kemeytirilmeydi. Bunda kórsetilgen qarjılardan mámleketlik muzeyleriniń materiallıq-texnikalıq bazasın rawajlandırıw hám nızamshılıqta qadaǵan etilmegen basqa maqsetler ushın paydalanıladı». 8-statya. Qaraqalpaqstan Respublikasınıń 2009-jıl 25-dekabr kúngi «Xalıqtı tuberkulyoz keselliginen qorǵaw haqqında»ǵı 271/III-sanlı Nızamına tómendegi ózgeris hám qosımshalar kirgizilsin: 1) 8-statyanıń birinshi bólimindegi «Veterinariyalıq xızmetler xalıqtı tuberkulyoz keselliginen qorǵaw maqsetinde haywanlardı» degen sózlerden keyin «Ózbekstan Respublikası Veterinariya hám sharwashılıqtı rawajlandırıw komiteti» degen sózler menen tolıqtırılsın. 2) 10-statyanıń tekstindegi «Qaraqalpaqstan Respublikası Veterinariya komiteti» degen sózler «Qaraqalpaqstan Respublikası Veterinariya hám sharwashılıqtı rawajlandırıw komiteti» degen sózler menen almastırılsın. 9-statya. Qaraqalpaqstan Respublikasınıń 2011-jıl 28-dekabrdegi «Jas óspirimler arasında qadaǵalawsızlıq hám huqıqbuzarlıqlardıń profilaktikası haqqında»ǵı 110/VIII-sanlı Nızamına tómendegi ózgeris hám qosımshalar kirgizilsin: 1) 6-statya tómendegi mazmundaǵı toǵızınshı abzac penen tolıqtırılsın: «Ózbekstan jaslar isleri agentligi Qaraqalpaqstan Respublikası basqarmasın — jas óspirimlerdiń huqıqları, erkinlikleri hám nızamlı mápleri buzılǵanlıǵı, sociallıq tárepten qáwipli jaǵdayda bolǵan hám de mámlekettiń sociallıq járdemine mútáj bolǵan jas óspirimler hám shańaraqlar anıqlanǵanlıǵı haqqında dárhal xabar etedi»; 2) 8-statyanıń birinshi bólimi tómendegi mazmundaǵı jetinshi hám segizinshi abzaclar menen tolıqtırılsın: «miynet uyımları»; «Ózbekstan jaslar isleri agentligi Qaraqalpaqstan Respublikası basqarması»; 3) tómendegi mazmundaǵı 17¹-statya menen tolıqtırılsın: «17¹-statya. Ózbekstan jaslar isleri agentligi Qaraqalpaqstan Respublikası basqarması Ózbekstan jaslar isleri agentligi Qaraqalpaqstan Respublikası basqarması óz wákillikleri sheńberinde: jas óspirimlerdiń huqıqları, erkinlikleri hám nızamlı máplerin qorǵaydı; jas óspirimlerdiń óz talantın hám uqıbın tolıq kórsetiwge, sonday-aq olardıń óz qábiletlerin ámelge asırıwına tosqınlıq etiwshi faktorlardı anıqlaydı hám de olardı saplastırıw boyınsha sharalar kóredi; jas óspirimler ortasında qadaǵalawsızlıq hám huqıqbuzarlıqtıń profilaktikasında qatnasadı; jazanı orınlaw mákemelerinen azat etilgen yamasa qánigelestirilgen oqıw-tárbiya mákemelerinen qaytıp kelgen jas óspirimlerdi social-pedagogikalıq tárepten reabilitaciya etiwge hám olardıń maslasıwına kómeklesedi. Ózbekstan jaslar isleri agentligi Qaraqalpaqstan Respublikası basqarması nızamshılıqqa muwapıq basqa da wákilliklerdi ámelge asırıwı múmkin». 4) 26-statyanıń: a) segizinshi bólimindegi «Jınayat isleri boyınsha Qaraqalpaqstan Respublikası Joqarǵı sudına» degen sózler «Qaraqalpaqstan Respublikası sudına» degen sózler menen almastırılsın; b) toǵızınshı bólimniń 1-abzacındaǵı «Jınayat isleri boyınsha Qaraqalpaqstan Respublikası Joqarǵı sudınıń» degen sózler «Qaraqalpaqstan Respublikası sudınıń» degen sózler menen almastırılsın. 5) 30-statyanıń: a) segizinshi bólimindegi «Jınayat isleri boyınsha Qaraqalpaqstan Respublikası Joqarǵı sudına» degen sózler «Qaraqalpaqstan Respublikası sudına» degen sózler menen almastırılsın. b) toǵızınshı bólimniń 1-abzacındaǵı «Jınayat isleri boyınsha Qaraqalpaqstan Respublikası Joqarǵı sudınıń» degen sózler «Qaraqalpaqstan Respublikası sudınıń» degen sózler menen almastırılsın. 10-statya. Qaraqalpaqstan Respublikasınıń 2018-jıl 4-aprel kúngi «Jaslarǵa tiyisli mámleketlik siyasat haqqında»ǵı 133/XV-sanlı Nızamına tómendegi ózgeris hám qosımshalar kirgizilsin: tómendegi mazmundaǵı 7¹-statyası menen tolıqtırılsın: 7¹-statya. Ózbekstan jaslar isleri agentligi Qaraqalpaqstan Respublikası basqarmasınıń jaslarǵa tiyisli mámleketlik siyasat salasındaǵı wákillikleri Ózbekstan jaslar isleri agentligi Qaraqalpaqstan Respublikası basqarması jaslarǵa tiyisli mámleketlik siyasat salasındaǵı arnawlı wákillikli mámleketlik basqarıw uyımı organı bolıp tabıladı (bunnan keyin tekstte arnawlı wákillikli mámleketlik uyımı dep júritiledi). Arnawlı wákillikli mámleketlik uyımı: jaslarǵa tiyisli mámleketlik siyasat salasındaǵı baǵdarlamaların islep shıǵadı hám ámelge asıradı; jaslarǵa tiyisli mámleketlik siyasat salasındaǵı nızam dóretiwshiligi jumısında qatnasadı, tiyisli normativlik huqıqıy aktlerdi jetilistiriw boyınsha usınıslar tayarlaydı; jaslarǵa tiyisli mámleketlik siyasat haqqındaǵı nızamshılıqqa ámel etiliwi ústinen qadaǵalawdı ámelge asıradı; jaslardıń huqıqları, erkinlikleri hám nızamlı máplerin qorǵawǵa qaratılǵan ilajlardı ámelge asıradı; jaslar arasında huqıqbuzarlıqlar profilaktikasın ámelge asırıwda qatnasadı; jaslarǵa tiyisli mámleketlik siyasatınıń ámelge asırılıwın tallaydı, sonday-aq onı jetilistiriw boyınsha usınıslar islep shıǵadı; jaslardı huqıqıy hám sociallıq qorǵawǵa, sonday-aq olardıń bántligin támiyinlewge qaratılǵan ilajlardı ámelge asıradı; sırt elde oqıytuǵın jaslar menen islerdi sistemalıq tiykarda shólkemlestiredi; jaslarǵa tiyisli mámleketlik siyasat haqqındaǵı nızamshılıqtıń anıqlanǵan buzılıwların, olarǵa múmkinshilik jaratıwshı sebepler hám shárt-shárayatlardı saplastırıw haqqında mámleketlik uyımları hám shólkemleri basshılarına qarap shıǵılıwı májbúriy bolǵan usınıslar kirgizedi; jaslarǵa tiyisli mámleketlik siyasatın ámelge asırıw máseleleri boyınsha mámleketlik uyımları hám shólkemleriniń birgeliktegi islewin támiyinlewge baylanıslı ilajlardı ámelge asıradı; jaslarǵa tiyisli mámleketlik siyasatın ámelge asırıwda mámleketlik emes kommerciyalıq emes shólkemleri, puqaralardıń ózin-ózi basqarıw uyımları hám de puqaralıq jámiyetiniń basqa institutları menen birgelikte isleydi; Arnawlı wákillikli mámleketlik uyımı nızamshılıqqa muwapıq basqa wákilliklerdi de ámelge asırıwı múmkin. Arnawlı wákillikli mámleketlik uyımı mámleketlik uyımlar hám shólkemlerine jaslarǵa tiyisli mámleketlik siyasatın ámelge asırıw boyınsha normativlik huqıqıy aktler hám baǵdarlamalardıń orınlanıwı hám de olardıń wákilliklerine kiretuǵın basqa da zárúrli máseleler haqqında tiykarlanǵan túsindiriwler usınıw talabı menen sorawlar jiberiwge haqılı. Jaslarǵa tiyisli mámleketlik siyasatın ámelge asırıwǵa tikkeley yamasa tikkeley bolmaǵan tásir kórsetetuǵın normativlik huqıqıy aktler joybarları arnawlı wákillikli mámleketlik uyımı menen májbúriy tártipte kelisiledi». 11-statya. Qaraqalpaqstan Respublikasınıń 2014-jıl 30-sentyabrdegi «Ekologiyalıq qadaǵalaw haqqında»ǵı 227/XVI-sanlı Nızamına tómendegi ózgeris hám qosımshalar kirgizilsin: 11-statyanıń: a) birinshi bólimi tómendegi redakciyada bayan etilsin: Qaraqalpaqstan Respublikası Ekologiya hám qorshaǵan ortalıqtı qorǵaw komiteti, Qaraqalpaqstan Respublikası Densawlıqtı saqlaw ministrligi, Ózbekstan Respublikası Sanaat qáwipsizligi Mámleketlik komiteti Qaraqalpaqstan aymaqlıq basqarması, Qaraqalpaqstan Respublikası Ishki isler ministrligi, Qaraqalpaqstan Respublikası Suw xojalıǵı ministrligi, Qaraqalpaqstan Respublikası Ósimlikler karantini aymaqlıq inspekciyası, Qaraqalpaqstan Respublikasi Veterinariya hám sharwashılıqtı rawajlandırıw komiteti, Qaraqalpaqstan Respublikası Awıl xojalıǵı ministrligi arnawlı wákillikli mámleketlik uyımlar bolıp tabıladı. b) tórtinshi bólimniń tórtinshi abzacı tómendegi redakciyada bayan etilsin: - Ózbekstan Respublikası Sanaat qáwipsizligi Mámleketlik komiteti Qaraqalpaqstan aymaqlıq basqarması - sanaat qáwipsizligine, radiaciyalıq hám yadrolıq qáwipsizlikke, jer astınan paydalanıp atırǵanda islerdi qáwipsiz alıp barılıwın támiyinlew boyınsha; - tórtinshi bólimniń segizinshi abzacındaǵı «Qaraqalpaqstan Respublikası Veterinariya komiteti» degen sózler «Qaraqalpaqstan Respublikasi Veterinariya hám sharwashılıqtı rawajlandırıw komiteti» degen sózler menen almastırılsın; - tórtinshi bólimniń toǵızınshı abzacındaǵı «Qaraqalpaqstan Respublikası Jer resursları hám mámleketlik kadastrı basqarması» degen sózler «Qaraqalpaqstan Respublikası Awıl xojalıǵı ministrligi» degen sózler menen almastırılsın;. 12-statya. Qaraqalpaqstan Respublikasınıń 2015-jıl 28-iyul kúngi «Akcionerlik jámiyetler hám akcionerlerdiń huqıqların qorǵaw haqqında»ǵı 40/IV-sanlı Nızamına tómendegi ózgeris hám qosımshalar kirgizilsin: 1) 13-statyanıń: a) úshinshi bólimi alıp taslansın; b) tórtinshi–besinshi bólim tiyislisinshe úshinshi-tórtinshi bólimler dep esaplansın. 2) 16-statyanıń: a) úshinshi bólimindegi «shólkemniń (mal-múlktiń)» degen sózler «usı mámleketlik múlktiń (shólkemniń yamasa basqa da mal-múlktiń)» degen sózler menen almastırılsın; b) tórtinshi bólimi tekstindegi ekinshi gáp bası tómendegi redakciyada bayan etilsin: «Bunda jaylastırılǵan jeńillikli akciyalardıń nominal bahası jámiyet ustavlıq qorınıń (ustav kapitalınıń) jigirma bes payızınan aspawı kerek»; 3) 22-statya alıp taslansın; 4) 33-statyanıń: a) segizinshi bólimi tómendegi redakciyada bayan etilsin: «Akciyalardıń ashıq jazılıwı tek shólkemlestirilgen bahalı qaǵazlar sawdalarında ótkeriledi»; b) onınshı hám on birinshi bólimler tómendegi redakciyada bayan etilsin: «Akciyalardıń hám basqa emissiyalı bahalı qaǵazlardıń shıǵarılıwı usı shıǵarıwdı toqtatıp turıwǵa alıp kelgen qaǵıyda buzarlıqlar jámiyet tárepinen saplastırılmaǵan, sonday-aq usı shıǵarılıwdaǵı akciyalardıń hám basqa emissiyalı bahalı qaǵazlardıń alpıs payızınan kem bólegi olardı shıǵarıw haqqındaǵı qararda belgilengen múddette jeke jaylastırılǵan jaǵdayda ámelge aspaǵan dep esaplanadı. Shólkemlestirilgen bahalı qaǵazlar sawdalarında akciyalar hám basqa da emissiyalı bahalı qaǵazlar ǵalabalıq jaylastırılǵan jaǵdayda olardıń shıǵarılıwı, jaylastırıw kólemine qaramastan, ámelge asqan dep belgilenedi»; 5) 34-statyanıń ekinshi bólimindegi «(bahalı qaǵazlardıń birja bazarına hám birlesken birjadan tısqarı bazarına shıǵarıw)» degen sózler «(shólkemlestirilgen bahalı qaǵazlar sawdalarına shıǵarıw)» degen sózler menen almastırılsın; 6) 42-statyanıń: úshinshi bólimi alıp taslansın; tórtinshi-toǵızınshı bólimler tiyislisinshe úshinshi-segizinshi bólimler dep esaplansın. 7) 44-statyanıń: úshinshi bólimi alıp taslansın; tórtinshi, besinshi hám altınshı bólimler tiyislisinshe úshinshi, tórtinshi hám besinshi bólimler dep esaplansın; 8) 51-statya tómendegi mazmundaǵı besinshi bólim menen tolıqtırılsın: «Akcionerlik jámiyeti dúzilgen shártnamaǵa muwapıq Oraylıq depozitariy hám (yamasa) investiciya dáldálshıları arqalı dividendler tólemin ámelge asırıw huqıqına iye»; besinshi, altınshı hám jetinshi bólimler tiyislisinshe altınshı, jetinshi hám segizinshi bólimler dep esaplansın; 9) 58-statya tómendegi mazmundaǵı jetinshi bólim menen tolıqtırılsın: «Akcionerlerdiń ulıwma jıynalısın ótkeriw waqtında ulıwma jıynalısta, kún tártibindegi máselelerdi talqılaw hám dawısqa qoyılǵan máseleler boyınsha qararlar qabıllawda qatnasıw múmkinshiligin beretuǵın málimleme-kommunikaciyalıq texnologiyalarınan paydalanılıwı múmkin. Akcionerlerdiń ulıwma jıynalısında málimleme-kommunikaciyalıq texnologiyalarınan paydalanǵan halda aralıqtan turıp qatnasıw hám aralıqtan turıp elektron dawıs beriwdiń ulıwma tártibi bahalı qaǵazlar bazarın tártipke salıw boyınsha wákillikli mámleketlik uyımı tárepinen belgilenedi»; jetinshi bólim segizinshi bólim dep esaplansın; 10) 59-statyanıń: a) birinshi bólimi on toǵızınshı abzacındaǵı «(bahalı qaǵazlardıń birja bazarına hám birlesken birjadan tısqarı bazarına shıǵarıw)» degen sózler «(shólkemlestirilgen bahalı qaǵazlar sawdalarına shıǵarıw)» degen sózler menen almastırılsın; b) úshinshi bólimi úshinshi abzacındaǵı «(bahalı qaǵazlardıń birja bazarına hám birlesken birjadan tısqarı bazarına shıǵarıw)» degen sózler «(shólkemlestirilgen bahalı qaǵazlar sawdalarına shıǵarıw)» degen sózler menen almastırılsın; 11) 60-statyanıń: toǵızınshı bólimi alıp taslansın; onınshı bólim tiyislisinshe toǵızınshı bólim dep esaplansın. 12) 62-statyanıń: a) ekinshi bólimi alıp taslansın; úshinshi, tórtinshi hám besinshi bólimler tiyislisinshe ekinshi, úshinshi hám tórtinshi bólimler dep esaplansın; b) ekinshi bólimniń altınshı abzacı tómendegi redakciyada bayan etilsin: «ulıwma jıynalıs ótkeriwge tayarlıq barısında akcionerlerge usınılıwı lazım bolǵan málimleme (materiallar) menen akcionerlerdi tanıstırıw tártibi»; v) ekinshi bólimi tómendegi mazmundaǵı jetinshi abzac penen tolıqtırılsın: «Akcionerlerdiń ulıwma jıynalısında qatnasıw hám dawıs beriw, sonday-aq málimleme-kommunikaciyalıq texnologiyalarınan paydalanǵan halda aralıqtan turıp qatnasıw hám dawıs beriw tártibi»; g) úshinshi bólimdegi «hám mámleket wákiline» degen sózler alıp taslansın; d) tórtinshi bólimdegi «hám mámleket wákiline» degen sózler alıp taslansın; j) tómendegi mazmundaǵı besinshi bólim menen tolıqtırılsın: «Akcionerlerge hám mámleketlik wákiline beriliwi tiyis bolǵan málimlemeden (materiallardan) Akcionerlerdiń ulıwma jıynalısında qatnasatuǵın, sonday-aq málimleme-kommunikaciyalıq texnologiyalarınan paydalanǵan halda aralıqtan turıp qatnasatuǵın shaxslar Akcionerlerdiń ulıwma jıynalısı ótkizilgenge shekem hám onı ótkiziw waqtında paydalana alıw múmkinshiligine iye bolıwı kerek»; 13) 64-statyanıń: 64-statya birinshi bólimindegi: a) besinshi abzacındaǵı «hám mámleket wákiline» degen sózler alıp taslansın; v) altınshı abzactaǵı «hám mámleket wákiline» degen sózler alıp taslansın; g) birinshi bólimi tómendegi mazmundaǵı segizinshi abzac penen tolıqtırılsın: «Akcionerlerdiń ulıwma jıynalısında qatnasıw hám dawıs beriw, sonday-aq málimleme-kommunikaciyalıq texnologiyalarınan paydalanǵan halda aralıqtan turıp qatnasıw hám dawıs beriw tártibi»; 14) 67-statyanıń: a) atamasındaǵı «hám mámleket wákiline» degen sózler alıp taslansın; b) birinshi bólimniń ekinshi gáp bası alıp taslansın; v) úshinshi bólimdegi «pasportına tiyisli maǵlıwmatlar» degen sózler «pasportına yamasa identifikaciyalawshı ID-kartasına tiyisli maǵlıwmatlar» degen sózler menen almastırılsın. 15) 70-statyanıń: a) birinshi bólimi tómendegi redakciyada bayan etilsin: «Akcionerlerdiń ulıwma jıynalısında kún tártibindegi máseleler boyınsha dawıs beriw dawıs beriw byulletenleri arqalı yamasa málimleme-kommunikaciyalıq texnologiyalarınan paydalanǵan halda aralıqtan turıp ámelge asırıladı»; b) tómendegi mazmundaǵı besinshi bólim menen tolıqtırılsın: «Akcionerlerdiń ulıwma jıynalısında kún tártibindegi máseleler boyınsha málimleme-kommunikaciyalıq texnologiyalarınan paydalanǵan halda aralıqtan turıp dawıs berilgende dawıs beriw byulletenlerinen paydalanılmaydı. Bunda dawısqa qoyılǵan máseleler boyınsha qabıl etilgen qarardıń nızamlılıǵı akcionerdi Akcionerlerdiń ulıwma jıynalısında qatnasıw ushın dizimge alıwda paydalanılatuǵın elektron sanlı imza menen tastıyıqlanadı»; 16) 72-statyanıń birinshi hám ekinshi bólimleri tómendegi redakciyada bayan etilsin: «Dawıs beriw juwmaqları boyınsha sanaq komissiyası dawıs beriw juwmaqları haqqındaǵı sanaq komissiyası aǵzaları tárepinen qol qoyılatuǵın bayanlama dúzedi. Dawıs beriw juwmaqları haqqındaǵı bayanlama Akcionerlerdiń ulıwma jıynalısınıń, sonday-aq málimleme-kommunikaciyalıq texnologiyalarınan paydalanǵan halda aralıqtan turıp ótkiziletuǵın ulıwma jıynalısınıń kvorumi bar ekenligi haqqındaǵı maǵlıwmattı óz ishine aladı. Dawıs beriw juwmaqları haqqındaǵı bayanlama dúzilgeninen hám Akcionerlerdiń ulıwma jıynalısınıń bayanlamasına qol qoyılǵannan keyin Akcionerlerdiń qaǵaz yamasa elektron túrdegi dawıs beriw byulletenleri sanaq komissiyası tárepinen mórlenedi hám jámiyet arxivına saqlaw ushın tapsırıladı»; 17) 75-statya ekinshi bóliminiń úshinshi abzacındaǵı «(bahalı qaǵazlardıń birja bazarına hám birlesken birjadan tısqarı bazarına shıǵarıw)» degen sózler «(shólkemlestirilgen bahalı qaǵazlar sawdalarına shıǵarıw)» degen sózler menen almastırılsın; 18) 76-statyanıń: a) birinshi bólimindegi «bir jıl» degen sózler «úsh jıl» degen sózler menen almastırılsın. b) on úshinshi bólim alıp taslansın. 19) 78-statyanıń: a) besinshi bólimi alıp taslansın; altınshı-on birinshi bólimleri tiyislisinshe besinshi-onınshı bólimler dep esaplansın. b) segizinshi bóliminiń úshinshi abzacı tómendegi redakciyada bayan etilsin: «májiliste qatnasatuǵın, sonday-aq málimleme-kommunikaciyalıq texnologiyalarınan paydalanǵan halda aralıqtan turıp qatnasatuǵın shaxslar»; 20) 79-statyanıń segizinshi bólimindegi «bir jıl» degen sózler «úsh jıl» degen sózler menen almastırılsın. 21) 89-statyanıń besinshi bólimindegi «on» degen sóz «bes» degen sóz menen almastırılsın. 22) 91-statyanıń onınshı abzacı tómendegi redakciyada bayan etilsin: «bahalı qaǵazlardı shólkemlestirilgen bahalı qaǵazlar sawdalarında realizaciya etiwde». 23) 107-statyanıń: a) birinshi bólimi tómendegi redakciyada bayan etilsin: «Jámiyettiń finans-xojalıq jumısın qadaǵalawdı ámelge asırıw ushın uchun jámiyet ustavında jámiyettiń tekseriw komissiyasın dúziw (tekseriwshini saylaw) názerde tutılıwı múmkin»; b) tómendegi mazmundaǵı ekinshi bólim menen tolıqtırılsın: «Tekseriw komissiyası (tekseriwshi) akcionerlerdiń ulıwma jıynalısı tárepinen saylanadı»; ekinshi-toǵızınshı bólimler tiyislisinshe úshinshi-onınshı bólimler dep esaplansın. 13-statya. Qaraqalpaqstan Respublikasınıń 1996-jıl 14-dekabr kúngi «Qaraqalpaqstan Respublikasınıń Referendumı haqqında»ǵı 222/1-sanlı Nızamına tómendegi ózgeris hám qosımshalar kirgizilsin: 1) 28-statyanıń tórtinshi bólimindegi «Qaraqalpaqstan Respublikasınıń Joqarǵı Sudına» degen sózler «Qaraqalpaqstan Respublikası sudına» degen sózler menen almastırılsın. 2) 29-statyanıń ekinshi bólimindegi «Qaraqalpaqstan Respublikasınıń Joqarǵı Sudına» degen sózler «Qaraqalpaqstan Respublikası sudına» degen sózler menen almastırılsın. 14-statya. Qaraqalpaqstan Respublikasınıń 2006-jıl 29-avgust kúngi «Jer haqqında»ǵı (jańa redakciya) 92/III-sanlı Nızamına tómendegi ózgeris hám qosımshalar kirgizilsin: 1) 4-statyanıń teksti tómendegi redakciyada bayan etilsin: Jer qatnasıqların retlestiriw salasında Qaraqalpaqstan Respublikası Ministrler Keńesiniń wákilliklerine tómendegiler kiredi: topıraq ónimdarlıǵın arttırıw, jerlerden aqılǵa uǵras paydalanıw hám olardı qorǵaw boyınsha aymaqlıq baǵdarlamalar islep shıǵıw hám ámelge asırıw; jer resurslarınan belgilengen maqsette, aqılǵa uǵras hám nátiyjeli paydalanıw, jerlerdi qorǵaw ústinen mámleketlik qadaǵalawdı ámelge asırıw; jer dúziwdi, jer monitoringi hám mámleketlik jer kadastrı júrgiziliwin shólkemlestiriw; awıl xojalıǵına mólsherlengen jerlerdi ijaraǵa beriw boyınsha ashıq elektron tańlaw juwmaqların tastıyıqlaw; jer uchastkaların mámleket hám jámiyet mútájlikleri ushın turaqlı paydalanıwǵa ajıratıw; kóp kvartiralı úyler jaylasqan hám olarǵa tutas jer uchastkaların ulıwma paydalanıw (kommerciyalıq emes maqsetlerde) ushın kóp kvartiralı úylerdegi jaylardıń menshik iyelerine turaqlı paydalanıw huqıqı tiykarında beriw; diplomatiyalıq wákilxanalar hám olarǵa teńlestirilgen, Ózbekstan Respublikasında akkreditaciyalanǵan xalıqaralıq shólkemlerge usı wákilxanalardıń imaratları, sonıń ishinde wákilxana baslıǵı rezidenciyasın qurıw ushın jer uchastkaların menshikke realizaciya etiw; jerge iyelik etiw hám onnan paydalanıw, sonday-aq jer uchastkasın ijaraǵa alıw huqıqların belgilengen tártipte, usı Nızamnıń 35-statyasına muwapıq biykarlaw; jer qatnasıqların retlestiriw salasında Qaraqalpaqstan Respublikası Ministrler Keńesiniń wákilliklerine kiretuǵın basqa da máselelerdi sheshiw; Qaraqalpaqstan Respublikası Ministrler Keńesiniń jer qatnasıqları salasındaǵı qararları joybarları Qaraqalpaqstan Respublikası Ádillik ministrliginde huqıqıy ekspertizadan ótkeriliwi shárt. 2) 5-statyanıń tórtinshi - on úshinshi abzaclar tómendegi mazmundaǵı tórtinshi-jetinshi abzacları menen almastırılsın: usı Nızamnıń 23-statyasında názerde tutılǵan jaǵdaylarda fizikalıq hám yuridikalıq shaxslar menen jer uchastkaların ijaraǵa beriw shártnamasın dúziw; jer dúziwdi, jer monitoringi hám mámleketlik jer kadastrı júrgiziliwin shólkemlestiriw; jer uchastkalarına bolǵan huqıqlardıń hám olar boyınsha kelisimlerdiń mámleketlik dizimge alınıwın shólkemlestiriw; jer qatnasıqların retlestiriw salasında rayonlardıń mámleketlik hákimiyatı uyımlarınıń wákilliklerine kiretuǵın basqa da máselelerdi sheshiw. 3) 6-statyanıń tórtinshi - onınshı abzaclar tómendegi mazmundaǵı tórtinshi-jetinshi abzacları menen almastırılsın: usı Nızamnıń 23-statyasında názerde tutılǵan jaǵdaylarda fizikalıq hám yuridikalıq shaxslar menen jer uchastkaların ijaraǵa beriw shártnamasın dúziw; jer dúziwdi, jer monitoringi hám mámleketlik jer kadastrı júrgiziliwin shólkemlestiriw; jer uchastkalarına bolǵan huqıqlardıń hám olar boyınsha kelisimlerdiń mámleketlik dizimge alınıwın shólkemlestiriw; jer qatnasıqların retlestiriw salasında qalalardıń mámleketlik hákimiyat uyımlarınıń wákilliklerine kiretuǵın basqa da máselelerdi sheshiw. 4) 8-statya: a) tórtinshi bólimi tómendegi redakciyada bayan etilsin: Jerlerdi jer qorı kategoriyalarına bóliw hám bir kategoriyadan basqasına ótkeriw Qaraqalpaqstan Respublikası Ministrler Keńesi tárepinen ámelge asırıladı, buǵan awıl xojalıǵına mólsherlengen jerlerdi jer fondınıń basqa kategoriyasına ótkeriw kirmeydi. b) tómendegi mazmundaǵı besinshi bólim menen tolıqtırılsın: Suwǵarılmaytuǵın jerlerdi awıl xojalıǵına mólsherlengen jerler kategoriyasınan basqa kategoriyaǵa ótkeriw Ózbekstan Respublikası Ministrler Kabineti tárepinen ámelge asırıladı, suwǵarılatuǵın jerlerdi awıl xojalıǵına mólsherlengen jerler kategoriyasınan jer fondınıń basqa kategoriyasına yaki suwǵarılmaytuǵın jerler kategoriyasına ótkeriw bolsa Ózbekstan Respublikası Prezidenti qararına muwapıq ámelge asırıladı. Besinshi hám altınshı bólimler tiyislisinshe altınshı hám jetinshi bólimler dep esaplansın. 5) 11-statyanıń ekinshi bólimindegi «mámleketlik jer dúziw xızmeti uyımları» degen sózler «Ózbekstan Respublikası Awıl xojalıǵı ministrligi hám de Mámleketlik salıq komiteti janındaǵı Kadastr agentliginiń uyımları» degen sózler menen almastırılsın. 6) 12-statyanıń besinshi bólimindegi «mámleketlik jer dúziw xızmeti uyımları» degen sózler «Ózbekstan Respublikası Awıl xojalıǵı ministrligi hám de Mámleketlik salıq komiteti janındaǵı Kadastr agentliginiń uyımları» degen sózler menen almastırılsın. 7) 14-statyanıń altınshı bólimindegi «jer dúziw hám mámleketlik kadastr xızmeti uyımları» degen sózler «Ózbekstan Respublikası Mámleketlik salıq komiteti janındaǵı Kadastr agentliginiń uyımları» degen sózler menen almastırılsın. 8) 15-statyanıń teksti tómendegi redakciyada bayan etilsin: Jer ulıwma milliy baylıq bolıp esaplanadı, onnan aqılǵa uǵras paydalanıw zárúr hám ol mámleket tárepinen qorǵaladı. 9) 16-statyanıń teksti tómendegi redakciyada bayan etilsin: Yuridikalıq shaxslar usı Nızam hám basqa da nızamshılıq aktlerine muwapıq menshik, turaqlı paydalanıw hám ijaraǵa alıw huqıqı tiykarında jer uchastkalarına iye bolıwı múmkin. Fizikalıq shaxslar ushın usı Nızam hám basqa da nızamshılıq aktlerine muwapıq menshik hám ijara huqıqı tiykarında jer uchastkalarına iye bolıwı múmkin. Sırt elli puqaralar hám yuridikalıq shaxslar, sırt el investiciyaları qatnasındaǵı kárxanalar jer uchastkalarına tek ǵana ijara huqıqı tiykarında iye bolıwı múmkin, usı Nızamnıń 17-statyasınıń ekinshi hám úshinshi bólimlerinde hám Ózbekstan Respublikasınıń xalıqaralıq shártnamalarında názerde tutılǵan jaǵdaylar bunnan tısqarı. Yuridikalıq hám fizikalıq shaxslardıń 2021-jıl 1-avgust kúnine shekem jer uchastkalarına payda bolǵan turaqlı iyelik etiw, miyras etip qaldırılatuǵın ómirlik iyelik etiw, turaqlı paydalanıw hám múddetli (waqıtsha) paydalanıw huqıqları óz kúshinde qaladı, jer uchastkasına bolǵan huqıqlar usı Nızamnıń 35-statyasına muwapık biykar etilgen jaǵdaylar bunnan tısqarı. Yuridikalıq hám fizikalıq shaxslar awıl xojalıǵına mólsherlenbegen, ózine turaqlı paydalanıw (iyelik etiw) yaki miyras etip qaldırılatuǵın ómirlik iyelik etiw huqıqı tiykarında tiyisli bolǵan jer uchastkaların awıl xojalıǵına mólsherlenbegen jer uchastkaların menshiklestiriw haqqındaǵı nızamshılıqta názerde tutılǵan jaǵdaylarda menshiklestiriwge haqılı. 10) 17-statyanıń birinshi bólimi tómendegi redakciyada bayan etilsin: Yuridikalıq hám fizikalıq shaxslardıń jer uchastkalarına bolǵan menshik huqıqı awıl xojalıǵına mólsherlenbegen jer uchastkaları menshiklestirilgende, nızamshılıqta belgilengen tártipte payda boladı. 11) 18-statya alıp taslansın 12) 19-statya tómendegi redakciyada bayan etilsin: 19-statya. Jer uchastkalarınan turaqlı paydalanıw huqıqı Jer uchastkaları Qaraqalpaqstan Respublikası Ministrler Kenesiniń qararına tiykar mámleketlik uyımlarına, puqaralardıń ózin-ózi basqarıw uyımlarına mámleket hám jámiyet mútájlikleri ushın turaqlı paydalanıwǵa beriledi. Jerlerdiń mólsherlengen tiykarǵı maqsetlerine muwapıq: jaylaw menen bánt bolǵan jerler; sanaat, transport, baylanıs, qorǵanıw hám basqa maqsetlerge mólsherlengen jerler - kórsetilgen maqsetlerde paydalanıw ushın yuridikalıq shaxslarǵa berilgen jerler; tábiyattı qorǵaw, salamatlastırıw hám rekreaciya maqsetlerine mólsherlengen jerler; tariyxıy-mádeniy áxmiyetke iye jerler; toǵay fondı jerleri; suw fondı jerleri; nızamshılıqta názerde tutılǵan jaǵdaylarda, jer fondınıń basqa kategoriyadaǵı jerleri paydalanıwǵa beriliwi múmkin. Kóp kvartiralı úy jaylasqan jer uchastkası, sonday-aq kóp kvartiralı úyge tutas jer uchastkası, eger ol kóp kvartiralı úydegi jaylardıń menshik iyelerine basqasha tárizde tiyisli bolmasa, Qaraqalpaqstan Respublikası Ministrler Keńesi tárepinen usı menshik iyelerine turaqlı paydalanıw huqıqı tiykarında ulıwma paydalanıwǵa beriledi. Uchastkadan turaqlı paydalanıw huqıqı belgilengen tártipte mámleketlik dizimnen ótkeriliwi tiyis. 13) 21-statya tómendegi redakciyada bayan etilsin: 21-statya. Jer uchastkasına bolǵan huqıqtıń basqa shaxsqa ótiwi Kárxana, imarat, qurılma yaki basqa kóshpes múlkke bolǵan menshik huqıqı, xojalıq júrgiziw huqıqı yaki operativ basqarıw huqıqı basqa shaxsqa ótken jaǵdayda, usı obektler menen birgelikte bul obektler jaylasqan hám olardan paydalanıw ushın zárúr bolǵan jer uchastkasına turaqlı iyelik etiw, miyras etip qaldırılatuǵın ómirlik iyelik etiw, onnan turaqlı paydalanıw hám ijara huqıqı da ótedi. Turaq-jayǵa, sharbaqqa bolǵan menshik huqıqı (satıp alıw, sawǵa etiw, onı miyras boyınsha alıw hám basqa jaǵdaylarda) fizikalıq shaxslarǵa ótken jaǵdayda, usı imaratlarǵa bolǵan menshik huqıqı menen birgelikte bul imaratlar jaylasqan barlıq jer uchastkasına miyras etip qaldırılatuǵın ómirlik iyelik etiw huqıqı da ótedi. Kárxana, imarat, qurılma yaki basqa kóshpes múlk jaylasqan jer uchastkasına iyelik etiw, miyras etip qaldırılatuǵın ómirlik iyelik etiw, onnan turaqlı paydalanıw hám ijara huqıqınıń basqa shaxsqa ótiwi menshik iyeleriniń yaki olar wákillik bergen uyımlar hám shaxslardıń tiyisli shártnamaları, qararları tiykarında rayon, qala jer kadastrı kitabına jerdiń jańa iyesi yaki jerden jańa paydalanıwshı yamasa jańa ijaraǵa alıwshı haqqındaǵı maǵlıwmatlardı kirgiziw hám de jer uchastkasına turaqlı iyelik etiw, onnan turaqlı paydalanıw, ijara (ijara shártnamasınıń ámel etiw múddetine) yaki jer uchastkasına miyras etip qaldırılatuǵın ómirlik iyelik etiw huqıqın belgilengen tártipte mámleketlik dizimnen ótkeriw jolı menen rásmiylestiriledi. Kárxananıń, imarattıń, qurılmanıń yaki basqa kóshpes múlktiń bir bólegine tiyisli menshik huqıqı, xojalıq júrgiziw huqıqı, operativ basqarıw huqıqı jańa menshik iyesine yaki basqa huqıqlardıń iyesine ótken jaǵdayda, oǵan jer uchastkasınıń, kárxananıń, imarattıń, qurılmanıń yamasa basqa kóshpes múlktiń úlesine ılayıq bolǵan bólegine turaqlı iyelik etiw, miyras etip qaldırılatuǵın ómirlik iyelik etiw, onnan turaqlı paydalanıw hám ijara huqıqı da ótedi, jer uchastkasın bunday ajıratıw múmkin bolmaǵan jaǵdaylarda, sonday-aq usı statyanıń úshinshi bóliminde názerde tutılǵan máseleler boyınsha kelispewshilikler bolǵanda jer uchastkasınıń bóliniwi Ózbekstan Respublikası Salıq komiteti janındaǵı Kadastr agentliginiń Mámleketlik kadastrları palatasınıń Qaraqalpaqstan Respublikası basqarması tárepinen ámelge asırılıp, Qaraqalpaqstan Respublikası Ministrler Keńesiniń qararı menen tastıyıqlanadı hám bunnan soń jer uchastkasına bolǵan menshik huqıqı, onnan turaqlı paydalanıw hám ijara huqıqı mámleketlik dizimge alınadı hám de mámleketlik dizimge alıw tiyisli dizimge alıw haqqındaǵı tiyisli kóshirmeler beriledi. 14) 22-statyanıń: a) birinshi, ekinshi hám úshinshi bólimleri tómendegi redakciyada bayan etilsin: Jer uchastkaların menshikke beriw (realizaciya etiw), turaqlı paydalanıw ushın hám ijaraǵa beriw jer ajıratıw tártibinde ámelge asırıladı. Jer uchastkaların beriw (realizaciya etiw) tómendegi tártipte ámelge asırıladı: 1) menshikke beriw (realizaciya etiw) — awıl xojalıǵına mólsherlenbegen jer uchastkaların menshiklestiriw haqqındaǵı nızamshılıqqa muwapıq, sonday-aq, jeke tártipte úy-jay qurıw hámde úy-jaydı abadanlastırıw, isbilermenlik hám qalasazlıq jumısın ámelge asırıw ushın elektron onlayn-aukcion quralında; 2) turaqlı paydalanıwǵa beriw – usı Nızamnıń 19-statyasında názerde tutılǵan jaǵdaylarda Qaraqalpaqstan Respublikası Ministrler Keńesi tárepinen; 3) ijaraǵa beriw – Ózbekstan Respublikası Ministrler Kabineti, Qaraqalpaqstan Respublikası Ministrler Keńesi tárepinen, sonday-aq elektron onlayn-aukcion arqalı. Iyelik etiwdegi, paydalanıwdaǵı, ijaradaǵı hám menshikke berilgen jer uchastkasın beriw (realizaciya etiw) usı Nızamda belgilengen tártipte tek ǵana usı jer uchastkası belgilengen tártipte qaytarıp alıp qoyılǵannan (satıp alınǵanınan) hám múlk sıpatında mámleketlik dizimnen ótkerilgennen keyin ámelge asırıladı. b) besinshi bólimdegi «jer dúziw xızmeti» degen sózler «Ózbekstan Respublikası Salıq komiteti janındaǵı Kadastr agentliginiń Mámleketlik kadastrları palatası» sózler menen almastırılsın. v) altınshı bólim tómendegi redakciyada bayan etilsin: Jer uchastkaların menshikke beriw (realizaciya etiw), olardan turaqlı paydalanıw hám olardı ijaraǵa beriw tártibi Ózbekstan Respublikası Ministrler Kabineti tárepinen belgilenedi. 15) 23-statyanıń ekinshi – altınshı bólimleri tómendegi mazmundaǵı ekinshi-on ekinshi bólimler menen almastırılsın: Awıl xojalıǵına mólsherlenbegen jer uchastkaları tómendegilerge ijara huqıqı tiykarında beriledi: Qaraqalpaqstan Respublikası Ministrler Keńesiniń ashıq elektron tańlaw nátiyjelerin tastıyıqlaw haqqındaǵı qararı menen – fizikalıq hám yuridikalıq shaxslarǵa; Ózbekstan Respublikası Ministrler Kabineti tárepinen: Awıl xojalıǵı salasında ilimiy-izertlew hám tájriybe-sınaw jumısların ámelge asırıw ushın Ózbekstan Respublikası Awıl xojalıǵı ministrliginiń usınısına muwapıq – mámleketlik ilimiy-izertlew hám bilimlendiriw mákemelerine; jer uchastkası normativlik baxasınıń eki esesinen artıq muǵdardaǵı pul qarjıları depozitke qoyılǵan jaǵdayda Ózbekstan Respublikası Awıl xojalıǵı ministrligi, Qaraqalpaqstan Respublikası Ministrler Keńesiniń usınısına muwapıq - agrosanaat klasterlerine; bahası keminde 10 million AQSh dolları ekvivalentinde bolǵan, eń jaqsı usınıstı tańlap alıw jolı menen anıqlanatuǵın iri investiciya joybarın ámelge asırıwshı fizikalıq hám yuridikalıq shaxslarǵa beriledi. Bunda beriletuǵın jer uchastkasınıń ólshemi investiciya kólemine qarap Ózbekstan Respublikası Ministrler Kabineti tárepinen belgilenedi. Awıl xojalıǵına mólsherlenbegen jer uchastkaları tómendegilerge ijara tiykarında beriledi: elektron onlayn-aukcion tiykarında - fizikalıq hám yuridikalıq shaxslarǵa; Ózbekstan Respublikası Ministrler Kabineti tárepinen bahası keminde 10 million AQSh dolları ekvivalentinde bolǵan, eń jaqsı usınıstı tańlap alıw jolı menen anıqlanatuǵın iri investiciya joybarın ámelge asırıwshı fizikalıq hám yuridikalıq shaxslarǵa beriledi. Bunda berilip atırǵan jer uchastkasınıń ólshemi investiciya kólemine qarap Ózbekstan Respublikası Ministrler Kabineti tárepinen belgilenedi. Sırt el investiciyaları qatnasındaǵı kárxanalarǵa, xalıqaralıq birlespeler hám shólkemlerge, sırt el fizikalıq hám yuridikalıq shaxslarǵa jer uchastkaları Ózbekstan Respublikası Ministrler Kabineti tárepinen ijaraǵa beriledi. Usı shaxslar (xalıqaralıq birlespeler hám shólkemler bunnan tısqarı) jer uchastkasın ijaraǵa alıw huqıqınıń Ózbekstan Respublikası Ministrler Kabineti tárepinen belgilenetuǵın muǵdardaǵı bazar bahasındaǵı Ózbekstan Respublikasınıń Mámleketlik byudjetine tóleniwi kerek. Usı statyanıń ekinshi, úshinshi hám tórtinshi bólimlerinde názerde tutılǵan jaǵdaylarda jer uchastkalarınıń ijarasına baylanıslı shártnama rayon (qala) hákimi menen dúziledi. Awıl xojalıǵı kárxanaları, mákemeleri hám shólkemleri jer uchastkaların ishki xojalıq ijarası tártibinde tek ǵana awıl xojalıǵı islep shıǵarıw ushın ijarashılarǵa biriktirip qoyıwı múmkin. Ijaraǵa berilgen jer uchastkasın yaki onıń bir bólegin ekilemshi ijaraǵa beriw qadaǵan etiledi, usı Nızamınıń 24²-statyasında názerde tutılǵan jaǵdaylar bunnan tısqarı. Ijaraǵa berilgen jer uchastkaları aldı-sattı, sawǵa, almastırıw obekti bolıwı múmkin emes. Jer uchastkasın ijaraǵa alıw huqıqı tek ǵana kreditler alıw ushın girewge qoyılıwı múmkin. Ijarashı tek ǵana nızamda yaki ijara shártnamasında názerde tutılǵan jaǵdaylarda ǵana jer uchastkasına bolǵan óz ijara huqıqların ijaraǵa beriwshiniń razılıǵısız girewge qoyıwǵa haqılı. Jer uchastkaları ijarasınıń shártleri hám múddetleri táreplerdiń kelisimine muwapıq belgilenedi hám de shártnamada bekkemlenedi. Awıl xojalıǵına mólsherlengen jerler usı Nızamnıń 44¹-statyasında belgilengen ólshemlerde otız jıl múddetke ijaraǵa beriledi. Awıl xojalıǵına mólsherlenbegen jerlerdi ijaraǵa beriw múddeti júz jıldan artıq bolıwı múmkin emes. Sırt el investiciyaları qatnasındaǵı kárxanalarǵa, xalıqaralıq birlespeler hám shólkemlerge, sırt el fizikalıq hám yuridikalıq shaxslarına jer uchastkaların jigirma bes jılǵa shekem bolǵan múddetke ijaraǵa beriledi. Jetinshi-onınshı bólimler tiyislisinshe on úshinshi– on altınshı bólimler dep esaplansın. 16) Tómendegi mazmundaǵı 23¹, 23² , 23³hám 23⁴-statyaları menen tolıqtırılsın: 23¹-statya. Turaqlı paydalanıw huqıqı tiykarında berilgen jer uchastkalarınıń ijarası Mámleketlik uyımlar, mákemeler hám shólkemlerine turaqlı paydalanıw huqıqı tiykarında berilgen awıl xojalıǵına mólsherlengen jerler hám toǵay fondı jerleri investiciya shártnaması yaki mámleketlik-jeke sheriklik tiykarında ijaraǵa beriliwi múmkin. Buǵan tómendegi jerler úsh jıldan kem bolmaǵan hám qırq toǵız jıldan aspaytuǵın múddetke ijaraǵa beriliwi múmkin: awıl xojalıǵı oborotınan shıǵıp ketken suwǵarılatuǵın jerler hám qarızǵar jerler - Ózbeksten Respublikası puqaralarına hám de awıl xojalıǵı kárxanalarına; toǵay fondınıń paydalanbaytuǵın jerleri - fizikalıq hám yuridikalıq shaxslarǵa; Bul statyanıń birinshi bóliminiń birinshi abzacında názerde tutılǵan jaǵdaylarda, jaylawlar, boz jerler, kóp jıllıq terekler Ózbekstan Respublikası puqaralarına, awıl xojalıǵı kárxanalarına, sonday-aq Ózbeksten Respublikası rezidentleri bolǵan investorlarǵa otız jıl múddetke, usı Nızamnıń 46¹-statyasında belgilengen ólshemlerde ijaraǵa beriliwi múmkin. Mámleketlik uyımlarına, mákemelerine hám kárxanalarına turaqlı paydalanıw huqıqı tiykarında berilgen awıl xojalıǵına mólsherlenbegen jerler: mámleketlik-jeke sheriklik joybarların ámelge asırıw ushın mámleketlik-jeke sheriklik haqqındaǵı kelisimniń ámel etiw múddetine - jeke sherikke; sociallıq paydalı maqsetlerge erisiwge qaratılǵan joybarlardı ámelge asırıw ushın sociallıq sheriklik haqqındaǵı kelisimler hám shártnamalardıń ámel etiw múddetine — mámleketlik emes kommerciyalıq emes shólkemlerge hám puqaralıq jámiyetiniń basqa institutlarına; mámleket hám jamiyet mútájlikleri ushın basqa yuridikalıq shaxslarǵa ijaraǵa beriliwi múmkin. Usı statyanıń úshinshi bóliminde názerde tutılǵan jaǵdaylarda jer uchastkaların ijaraǵa beriw tártibi Ózbekstan Respublikası Ministrler Kabineti tárepinen belgilenedi. 23²-statya. Awıl xojalıǵına mólsherlengen jerlerdi ekilemshi ijaraǵa beriw Awıl xojalıǵına mólsherlengen jerler awıl xojalıǵı ónimin jetistiriw maqsetinde yuridikalıq hám fizikalıq shaxslarǵa ekilemshi ijaraǵa beriliwi (olardı úshinshi shaxslarǵa beriw huqıqısız) múmkin. Awıl xojalıǵına mólsherlengen jer uchastkası bir jılǵa shekem bolǵan múddetke ekilemshi ijaraǵa beriliwi múmkin, usı statyanıń úshinshi bóliminde názerde tutılǵan jaǵdaylar bunnan tısqarı. Paydalanıwǵa kiritilgen awıl xojalıǵına mólsherlengen jer uchastkaların ekilemshi ijaraǵa beriw shártnamasınıń múddeti usı Nızamnıń 23¹-statyasında nazarda tutılǵan jaǵdaylarda, táreplerdiń kelisimine muwapıq belgilenedi hám ol awıl xojalıǵına mólsherlengen jer uchastkasın ijaraǵa beriw shártnaması múddetinen artıq bolıwı múmkin emes. Ekilemshi ijaraǵa berilgen awıl xojalıǵına mólsherlengen jer uchastkası aldı-sattı, girew, sawǵa, almastırıw obekti bolıwı múmkin emes. Awıl xojalıǵına mólsherlengen jer uchastkasın ekilemshi ijaraǵa beriw shártleri hám múddetleri táreplerdiń kelisimine muwapıq belgilenedi hám de shártnama menen bekkemlenedi. Awıl xojalıǵına mólsherlengen jerlerdi ekilemshi ijaraǵa bergenlik ushın pul óndiriw tártibi hám muǵdarları nızamshılıqqa muwapıq ekilemshi ijara shártnamasında belgilenedi. Awıl xojalıǵına mólsherlengen jer uchastkasın ekilemshi ijaraǵa beriw shártnaması nızamshılıqta názerde tutılǵan tártipte mámleketlik diziminen ótkeriliwi lazım. Eger awıl xojalıǵına mólsherlengen jer uchastkasın ijaraǵa beriw shártnamasında basqasha qaǵıyda názerde tutılmaǵan bolsa, usı shártnamanı múddetinen burın biykarlaw awıl xojalıǵına mólsherlengen jer uchastkasın ekilemshi ijaraǵa beriw shártnamasınıń biykar etiliwine sebep boladı. Awıl xojalıǵına mólsherlengen jer uchastkasın ekilemshi ijaraǵa beriw shártnamasın múddetinen burın biykarlaw táreplerdiń kelisimine muwapıq, bunday kelisimge erisilmegen jaǵdayda bolsa sudtıń qararına muwapıq ámelge asırıladı. Awıl xojalıǵına mólsherlengen jer uchastkasın ekilemshi ijaraǵa beriw tártibi Ózbekstan Respublikası Ministrler Kabineti tárepinen belgilenedi. 23³-statya. Jer uchastkasın oǵan bolǵan miyras etip qaldırılatuǵın ómirlikke iyelik etiw, ijara yamasa menshik huqıqın saqlap qalǵan halda waqıtsha paydalanıwǵa beriw Diyhan xojalıqları hám jeke qıytaq jer uchastkaları iyeleri ózine miyras etip qaldırılatuǵın ómirlikke iyelik etiw, ijara yamasa menshik huqıqı tiykarında tiyisli bolǵan jer uchastkaların yamasa olardıń bir bólegin awıl xojalıǵı ónimin jetistiriw maqsetinde fizikalıq hám yuridikalıq shaxslarǵa waqıtsha paydalanıwǵa beriwi múmkin. Jer uchastkasınan waqıtsha paydalanıw tártibi táreplerdiń kelisimi tiykarında belgilenedi. Bunda diyhan xojalıqları hám jeke qıytaq jer uchastkaları iyeleriniń usı jer uchastkalarına bolǵan huqıqı saqlanıp qaladı. 23⁴-statya. Jer uchastkasına bolǵan ijara huqıqın mámleketlik dizimnen ótkeriw Jer uchastkasına bolǵan ijara huqıqın mámleketlik dizimnen ótkeriw rayon (qala) hákimi hám ijaraǵa alıwshı ortasında dúzilgen jer uchastkasınıń ijarasına tiyisli shártnama tiykarında, Ózbekstan Respublikası Mámleketlik salıq komiteti janındaǵı Kadastr agentliginiń Mámleketlik kadastrlar palatası tárepinen belgilengen tártipte elektron málimleme sisteması arqalı ámelge asırıladı. Mámleketlik dizimnen ótkerilgen jer uchastkaları haqqındaǵı maǵlıwmatlar belgilengen tártipte ashıq halda járiyalanadı. 17) 26-statya tómendegi redakciyada bayan etilsin: 26-statya. Ózbekstan Respublikası puqaralarına jeke tártipte turaq-jay qurıw hám turaq-jaydı abadanlastırıw ushın jer uchastkaların realizaciya etiw Ózbekstan Respublikası puqaralarına jeke tártipte turaq-jay qurıw hám turaq-jaydı abadanlastırıw ushın 0,04 gektarǵa shekem jer uchastkaların elektron onlayn-aukcion arqalı menshik huqıqı tiykarında realizaciya etiledi. Jeke tártipte turaq-jay qurıw hám turaq-jaydı abadanlastırıw ushın jer uchastkaların elektron onlayn-aukcion arqalı realizaciya etiwde jer uchastkaların injenerlik-kommunikaciya tarmaqlarına jalǵaw shártleri názerde tutılıwı kerek. 18) 31-statya: a) ekinshi bólimdegi «jer dúziw xızmeti uyımları» degen sózler «Ózbekstan Respublikası Mámleketlik salıq komiteti janındaǵı Kadastr agentliginiń Mámleketlik kadastrlar palatası bólimleri» degen sózler menen almastırılsın. b) tómendegi mazmundaǵı ekinshi bólim menen tolıqtırılsın: Jer uchastkasınıń shegaraların sol jerdiń ózinde hám kartalarda dáslepki tárizde belgilew ajıratıp beriw ushın jer uchastkası tanlanǵan waqıtta onı beriw haqqındaǵı qarar qabıl etilgenge shekem ámelge asırıladı. Ekinshi-tórtinshi bólimler tiyislisinshe úshinshi-besinshi bólimler dep esaplansın. 19) 33-statya alıp taslansın. 20) 35-statya: a) birinshi bólimniń 4-bánti alıp taslansın. b) tórtinshi bólim tómendegi redakciyada bayan etilsin: Jer uchastkasına iyelik etiw huqıqın yaki jer uchastkasınan turaqlı yaki waqıtsha paydalanıw huqıqın usı statyanıń birinshi bóliminiń 1, 2, 3 hám 5-bántlerinde kórsetilgen jaǵdaylarda tamamlaw jerden paydalanıw hám onı qorǵaw ústinen mámleketlik qadaǵalawdı ámelge asırıwshı uyımlardıń usınısına muwapıq huqıqlar toqtatılıwınıń tiykarlı ekenligin tastıyıqlawshı hújjetler tiykarında Qaraqalpaqstan Respublikası Ministrler Keńesiniń yaki Ózbekstan Respublikası Ministrler Kabinetiniń qararları menen ámelge asırıladı. Jer uchastkasına iyelik etiw huqıqın, jer uchastkasınan turaqlı yamasa waqıtsha paydalanıw huqıqın usı statyanıń 6-11-bántlerinde kórsetilgen jaǵdayda toqtatıw usı Nızamnıń 37-statyasında belgilengen tártipte ámelge asırıladı. Jer uchastkasına iyelik etiw yaki jer uchastkasınan turaqlı yamasa waqıtsha paydalanıw huqıqı usı statyanıń birinshi bólimi 12-bántinde kórsetilgen jaǵdayda toqtatıw tiyisli rayonlıq fermer, diyqan xojalıqları hám qıytaq jer iyeleri keńesleriniń usınısına muwapıq, huqıqlardıń toqtatılıwınıń tiykarlı ekenligin tastıyıqlawshı hújjetler tiykarında Qaraqalpaqstan Respublikası Ministrler Keńesiniń qararı menen ámelge asırıladı. Fizikalıq hám yuridikalıq shaxslar jer uchastkalarına iyelik etiw huqıqın, jer uchastkasınan turaqlı yaki waqıtsha paydalanıw huqıqın toqtatıw haqqındaǵı Qaraqalpaqstan Respublikası Ministrler Keńesiniń hám de kórsetilgen lawazımlı shaxslardıń qararlarınan narazı bolǵan jaǵdayda usı qararlar ústinen sudqa shaǵım etiwi múmkin. v) tómendegi mazmundaǵı besinshi bólim menen tolıqtırılsın: Jergilikli mámleketlik hákimiyat uyımları hám mámleketlik basqarıw uyımları jer uchastkalarına bolǵan huqıqlardı ashıq tańlaw hám elektron onlayn-aukcion juwmaqları haqqındaǵı bayanlamanı biykarlaw yaki ózgeris kirgiziw jolı menen biykarlawǵa haqılı emes, usı statyada názerde tutılǵan jaǵdaylar bunnan tısqarı. besinshi, altınshı hám jetinshi bólimler tiyislisinshe altınshı, jetinshi hám segizinshi bólimler dep esaplansın. 21) 43-statyanıń úshinshi bólimi tómendegi mazmundaǵı úshinshi-besinshi bólimleri menen almastırılsın: Suwǵarılatuǵın jerlerden tek awıl xojalıǵı eginlerin jetistiriw, sonday-aq, baǵmanshılıq, júzimshilik hám kóp jıllıq tereklerdi jetistiriw ushın paydalanılıwı múmkin. Suwǵarılatuǵın jerler arnawlı qorǵalıwı tiyis. Bunday jerlerdi suwǵarılmaytuǵın jerler qatarına kirgiziw ayırım jaǵdaylarda, topıraq-meliorativ hám ekonomikalıq sharayatlar hám de jerlerdiń suw menen támiyinlengenligi, olardıń suw resursların hám bul suwlarǵa belgilengen limitlerdi esapqa alıp, Ózbekstan Respublikası Awıl xojalıǵı ministrliginiń, Ózbekstan Respublikası Suw xojalıǵı ministrliginiń juwmaǵına muwapıq Ózbekstan Respublikası Prezidentiniń qararı menen ámelge asırıladı. Suwǵarılatuǵın jerlerdi awıl xojalıǵınan basqa maqsetler ushın, sonday-aq, sanaat hám puqaralıq obektleri (imaratlar hám qurılmalar) qurılısı ushın, sonday-aq, ónimdar topıraq talap etilmeytuǵın aldıńǵı texnologiyalardıń (gidroponika hám basqalar) jańa usılları qollanılatuǵın ıssıxanalar qurılısı ushın ajıratıwǵa jol qoyılmaydı. Suwǵarılatuǵın jerlerde awıl xojalıǵı eginlerin jetistiriwde olarǵa topıraq ónimdarlıǵı tómenlewine alıp keletuǵın tárizde usıllar menen qayta islew yamasa olardıń zaqımlanıwına alıp keliwshi basqa da usıllardı qollaw qadaǵan etiledi. 22) 44-statyanıń teksti tómendegi redakciyada bayan etilsin: Topıraq ónimdarlıǵına muwapıq ortasha rayonlıq bonitet balınan 20 payızdan joqarı bolǵan suwǵarılatuǵın awıl xojalıǵı jerleri ayrıqsha bahalı ónimdarlı suwǵarılatuǵın jerlerge kiredi. Ayrıqsha bahalı ónimdarlı suwǵarılatuǵın jerler arnawlı túrde qorǵalıwı tiyis hám olardıń suwǵarılmaytuǵın jerler qatarına ótkeriliwine jol qoyılmaydı. 23) Tómendegi mazmundaǵı 44¹-statyası menen tolıqtırılsın: 44¹-statya. Bos turǵan awıl xojalıǵına mólsherlengen jer uchastkaları Nızamshılıqqa muwapıq fizikalıq hám yuridikalıq shaxslarǵa ajıratılmaǵan hám de jergilikli mámleketlik hákimiyat uyımlarınıń biyliginde bolǵan awıl xojalıǵına mólsherlengen jerler bos turǵan awıl xojalıǵına mólsherlengen jer uchastkaları bolıp tabıladı. Bos turǵan awıl xojalıǵına mólsherlengen jer uchastkaları belgilengen tártipte mámleketlik menshik sıpatında mámleketlik dizimnen ótkeriledi. Fizikalıq hám yuridikalıq shaxslarǵa jer uchastkaların awıl xojalıǵı maqsetleri ushın beriw tek bos turǵan awıl xojalıǵına mólsherlengen jer uchastkaları esabınan ámelge asırıladı. 24) 45-statyanıń: a) birinshi bólimdegi birinshi bánt tómendegi redakciyada bayan etilsin: 1) awıl xojalıǵı kooperativlerine, kárxanalar, mákemeler, shólkemlerge, sonday-aq, basqa da yuridikalıq shaxslarǵa-tovarlıq awıl xojalıǵı óndirisin júrgiziw ushın; besinshi hám altınshı bántler alıp taslansın; b) ekinshi hám úshinshi bólimler alıp taslansın. 25) Tómendegi mazmundaǵı 45¹-statyası menen tolıqtırılsın: 45¹-statya. Bos turǵan awıl xojalıǵına mólsherlengen jer uchastkalarınıń ajratılatuǵın ólshemleri Bos turǵan awıl xojalıǵına mólsherlengen jer uchastkaları tómendegi ólshemlerde ajratıladı: 1) diyxan xojalıǵın júrgiziw ushın — 0, 06 gektardan 1 gektarǵa shekem; 2) fermer xojalıqlarına hám basqa yuridikalıq shaxslarǵa: palız eginlerine qánigeleskenlerge — keminde 3 gektar; baǵshılıqqa, júzimshilikke qánigeleskenlerge — keminde 3 gektar; sharwashılıq ónimin islep shıǵarıwǵa qánigeleskenlerge azıq eginlerin jetistiriw ushın (shártli bir bas qaramal ushın) — suwǵarılatuǵın jerlerden — keminde 0,3 gektar, qarızǵar jerlerden — keminde 1 gektar, jaylawlar hám pishenzarlardan — keminde 2 gektar; paxtashılıq hám ǵálleshilikke qánigeleskenlerge — keminde 30 gektar; ǵálleshilik hám palız eginlerine qánigeleskenlerge — keminde 10 gektar; 3) agrosanoat klasterleri, sonday-aq kooperaciya túrindegi klasterler ushın: paxtashılıq -toqımashılıqqa qánigeleskenlerge — keminde 2000 gektar; ǵálleshilikke qánigeleskenlerge — keminde 1000 gektar; palız eginlerine hám palızshılıqqa qánigeleskenlerge — keminde 200 gektar; baǵshılıq, júzimshilikke qánigeleskenlerge — keminde 100 gektar; sharwashılıq ónimin islep shıǵıwǵa qánigeleskenlerge azıq eginlerin jetistiriw ushın (shártli bir bas qaramal ushın) suwǵarılatuǵın jerlerden — keminde 0,3 gektar, qarızǵar jerlerden — keminde 1 gektar, jaylawlar hám pishenzarlardan — keminde 2 gektar. 26) Tómendegi mazmundaǵı 47¹-statyası menen tolıqtırılsın: 47¹-statya. Tájriybe-islep shıǵarıw, oqıw, oqıw-tájriybe hám oqıw-islep shıǵarıw xojalıqları, ilimiy-izertlew hám basqa awıl xojalıq mákemeleri hám shólkemlerine jer uchastkaların beriw Tájriybe-islep shıǵarıw, oqıw, oqıw-tájriybe hám oqıw-islep shıǵarıw xojalıqları, ilimiy-izertlew hám basqa awıl xojalıq mákemeleri hám shólkemlerine awıl xojalıǵına mólsherlengen jerler turaqlı paydalanıw, múddetli (waqıtsha) paydalanıw yamasa ijara huqıqı tiykarında ilimiy-izertlew hám bilimlendiriw maqsetleri, tovar awıl xojalıǵın júrgiziw hám aldıńǵı tájriybeni úgit násiyatlaw ushın beriledi. Tájriybe-islep shıǵarıw, oqıw, oqıw-tájriybe hám oqıw-islep shıǵarıw xojalıqları, ilimiy-izertlew hám basqa awıl xojalıq mákemeleri hám shólkemleri jer uchastkaların ijaraǵa yamasa ekilemshi ijaraǵa beriw huqıqına iye emes. Tájriybe-islep shıǵarıw, oqıw, oqıw-tájriybe hám oqıw-islep shıǵarıw xojalıqları, ilimiy-izertlew hám basqa awıl xojalıq mákemeleri hám shólkemlerine berilgen, awıl xojalıǵına mólsherlengen jerlerde imaratlar hám qurılmalar qurıwǵa Ózbekstan Respublikası Ministrler Kabinetiniń qararına muwapıq ayrıqsha jaǵdaylarda jol qoyıladı. 27) 51-statya alıp taslansın. 28) 52-statyanıń teksti tómendegi redakciyada bayan etilsin: Diyxan xojalıǵın júrgiziw ushın puqaralarǵa jer uchastkaların beriw tártibi «Diyxan xojalıǵı haqqında»ǵı Qaraqalpaqstan Respublikası Nızamına muwapıq belgilenedi. Diyxan xojalıǵın júrgiziw ushın jer uchastkasın ijaraǵa beriw haqqındaǵı qarar usı Nızamnıń 23-statyası ekinshi bólim 1-bántinde belgilengen tártipte qabıl etiledi. 29) 53-statya tómendegishe bayan etilsin: 53-statya. Jámáátlik baǵmanshılıq, júzimshilikti hám palızshılıqtı júrgiziw ushın puqaralarǵa berilgen jer uchastkaları Jámáátlik palızshılıǵı ushın berilgen jer uchastkalarınan miywe ovoщ, kartoshka hám palız eginlerin jetistiriwde paydalanıladı. Olardan úyler hám basqa kapital qurılmalar qurıw ushın paydalanıw qadaǵan etiledi. Bunday uchastkalarda ulıwma paydalanıwdaǵı waqıtsha imaratlar hám qurılmalar qurıwǵa nızamshılıqta belgilengen tártipte ruxsat beriliwi múmkin. Jámáátlik baǵmanshılıǵı, júzimshiligi hám palızshılıǵı ushın berilgen jerlerden paydalanıw tártibi hám shártleri nızamshılıq penen belgilenedi. 30) 54-statya alıp taslansın. 31) 59-statyanıń ekinshi bólimi tómendegi redakciyada bayan etilsin: Qala hám posyolka qurılısı jerleri turaq jay, mádeniy-turmıs, sanaat obektlerin qurıw hám kapital qurılıstıń basqa túrleri ushın, sonday-aq, jeke tártipte turaq-jay qurıw ushın usı Nızamda belgilengen tártipte beriledi. 32) 77-statyanıń besinshi bólimi tómendegi redakciyada bayan etilsin: Jerlerdiń jaǵdayına tásir etetuǵın obektlerdi jaylastırıw nızamshılıqta belgilengen tártipte tábiyattı qorǵaw, awıl xojalıǵı, qurılıs uyımları hám basqa da uyımlar menen kelisip alınadı. 33) Usı Nızamnıń XII-BAP ataması tómendegishe bayan etilsin: XII-BAP. Jer uchastkaların ajıratıw, olardan paydalanıw hám olardı qorǵaw ústinen qadaǵalaw 34) 80-statya tómendegi redakciyada bayan etilsin: 80-statya. Jer uchastkaların ajıratıw, olardan paydalanıw hám olardı qorǵaw ústinen qadaǵalawdı ámelge asırıwdıń tiykarǵı wazıypaları Jer uchastkaların ajıratıw, olardan paydalanıw hám olardı qorǵaw ústinen qadaǵalawdı ámelge asırıwdıń tiykarǵı wazıypaları nızamshılıq talaplarına fizikalıq hám yuridikalıq shaxslar, mámleketlik basqarıw uyımları, jergilikli mámleketlik hákimiyat uyımları tárepinen ámel etiliwin támiyinlewden ibarat. 35) Tómendegi mazmundaǵı 80¹-statyası menen tolıqtırılsın: 80¹-statya. Jer uchastkaların ajıratıw, olardan paydalanıw hám de olardı qorǵaw ústinen mámleketlik qadaǵalawı Jer uchastkaların ajıratıw, olardan paydalanıw hám de olardı qorǵaw ústinen mámleketlik qadaǵalawdı jergilikli mámleketlik hákimiyat uyımları hám de arnawlı wákillikli mámleketlik uyımlar tárepinen ámelge asırıladı. Jer uchastkalarınan maqsetli paydalanıw ústinen, jer uchastkalarına bolǵan huqıqlardı mámleketlik diziminen ótkeriwdi ámelge asırmawǵa, óz basımshalıq penen jer uchastkaların iyelep alıwǵa yamasa olardıń shegaraların ózgertiwge, jerlerdiń kategoriyasına qaramastan, barlıq túrdegi imaratlar hám qurılmalardı óz basımshalıq penen qurıwǵa jol qoymaw ústinen mámleketlik qadaǵalawdı ámelge asırıw xojalıq juritiwishi subektler jumısın tekseriw esaplanbaydı. Arnawlı wákillikli mámleketlik uyımları jer uchastkaların ajıratıw menen baylanıslı zárúr statistikalıq málimlemeni, analitikalıq materiallardı, hújjetlerdi, basqa málimlemeni, qararlardı hám taǵı basqa da hújjetlerdi, sonday-aq ashıq tańlawlarǵa hám elektron onlayn-aukcionlarǵa tiyisli málimlemeni mámleketlik uyımlar hám shólkemlerinen yamasa olardıń lawazımlı shaxslarınan qalıs tiykarda soraw hám alıwǵa haqılı. Mámleketlik uyımlar, shólkemler hám lawazımlı shaxslar soralıp atırǵan málimlemeni arnawlı wákillikli mámleketlik uyımlarına bes jumıs kúni ishinde usınıwı kerek. 36) 81-statyanıń ataması tómendegi redakciyada bayan etilsin: 81-statya. Jer uchastkaların ajıratıw, olardan paydalanıw hám de olardı qorǵaw ústinen jámiyetshilik qadaǵalawı a) birinshi bólim tómendegi redakciyada bayan etilsin: Puqaralar, puqaralardıń ózin-ózi basqarıw uyımları, ǵalaba xabar quralları hám mámleketlik emes kommerciyalıq emes shólkemleri jer uchastkaların ajıratıw, olardan aqılǵa uǵras hám maqsetli paydalanıw hám de olardı qorǵaw ústinen jámiyetlik qadaǵalawın óz wákillikleri sheńberinde ámelge asırıwǵa haqılı. b) ekinshi bólim alıp taslansın; úshinshi-besinshi bólimler tiyislisinshe ekinshi-tórtinshi bólimler dep esaplansın; v) tómendegi mazmundaǵı besinshi hám altınshı bólimler menen tolıqtırılsın: Jer uchastkaların óz basımshalıq penen iyelep alıw, jer uchastkalarınan maqsetsiz paydalanıw, olardan tiyisli hújjetlerde kórsetilgen normalardan artıqsha tárizde nızamǵa qayshı tárizde paydalanıw, nızamsız obektlerdi hám qurılmalardı qurıw jaǵdayları, jer qatnasıqları salasındaǵı nadurıs paydalanǵanlıǵı haqqında foto hám video jazıw texnikasınan paydalanılǵan halda tastıyıqlanǵan xabarlar ushın jámiyetlik qadaǵalaw subektleri xoshametleniwi múmkin. Jámiyetlik qadaǵalaw subektlerin xoshametlew tártibi Ózbekstan Respublikası Ministrler Kabineti tárepinen belgilenedi. 37) Tómendegi mazmundaǵı 89-statya menen tolıqtırılsın: 89-statya. Jer uchastkaların ózbasımshalıq penen iyelep alıw aqıbetleri Óz basımshalıq menen iyelengen jer uchastkasına, sonday-aq, awıl xojalıǵına mólsherlengen, qurılıs maqsetleri ushın ajratılmaǵan jer uchastkasında qurılǵan hár qanday imarat hám qurılmalarǵa qarata menshik huqıqın yamasa basqa menshik huqıqların belgilewge jol qoyılmaydı, nızamda názerde tutılǵan jaǵdaylar bunnan tısqarı. Jer uchastkasın óz basımshalıq penen iyelegen, awıl xojalıǵına mólsherlengen, qurılıs ushın ajratılmaǵan jer uchastkasında nızamsız qurılıs obektin qurǵan shaxslar haq niyetli menshik iyesi dep tán alınbaydı. Óz basımshalıq penen iyelengen jer uchastkalarındaǵı nızamsız qurılıs obektlerin suw támiynatı, aqaba suw, elektr, ıssılıq energiyası hám gaz tarmaqlarına jalǵaw qadaǵan etiledi. 15-statya. Qaraqalpaqstan Respublikası Ministrler Keńesi: óz qararların usı Nızamǵa muwapıqlastırsın; usı Nızamǵa qayshı bolǵan óz normativlik huqıqıy aktlerin qayta qarap shıǵıwın hám biykar etiwin támiyinlesin; usı Nızamnıń orınlanıwın, orınlawshılarǵa jetkeriliwin hám de xalıqtıń arasında mazmun hám áhmiyeti túsindiriliwin támiyinlesin. 16-statya. Nızam rásmiy járiyalanǵan kúnnen baslap kúshke kiredi.

Qaraqalpaqstan Respublikası Joqarǵı Keńesiniń Baslıǵı M.Kamalov

Nókis qalası, 7-aprel 2022-jıl № 209/XXVII